Ruby Gem: மாணிக்கம் அணிவதற்கான விதிகள் என்ன, எப்போது அணியலாம், எப்படி அணியவேண்டும்? யாரெல்லாம் அணியலாம்?

ஜாதகத்தில் சூரியனின் நிலையை வலுப்படுத்த, மாணிக்க ரத்தினத்தை அணிவது மிகவும் மங்களகரமானதாக கருதப்படுகிறது. இந்த ரத்தினத்தை அணிவது வாழ்க்கையின் ஒவ்வொரு பணியிலும் வெற்றியைத்தரும் என்று நம்பப்படுகிறது.

ரத்தினக்கற்கள் தொடர்பாக, திரு. ராதாகிருஷ்ண பராஷர் எழுதிய ஜெமாலஜி புத்தகத்தின்படி, சூரியனின் தீங்குசெய்யும் விளைவு ஒரு நபரின் புத்திசாலித்தனத்தையும் திறமையையும் அழிக்கிறது.

அத்தகைய சூழ்நிலையில், ஞாயிற்றுக்கிழமை விரதம் கடைப்பிடிப்பது, மாணிக்கக்கற்களை அணிவது நன்மை பயக்கும். 

இருப்பினும், எந்த ரத்தினத்தையும் அணிவதற்கு முன் ஜோதிட ஆலோசனையைப் பெறுங்கள். மாணிக்கம் அணிவதால் ஏற்படும் விதிகள் மற்றும் நன்மைகளைத் தெரிந்துகொள்வோம்.

மாணிக்கம் அணிவதற்கான விதிகள்:

மோதிரத்தில் குறைந்தது ஒன்றே கால் ரட்டி(ரத்தினத்தை அளக்கும் எடை அளவு) என்னும் அளவில், மாணிக்கக்கற்கள் அணிய வேண்டும். ஒரு கால் ரட்டியைவிட, ஒரு மாணிக்க மோதிரம் மிகவும் மங்களகரமானதாக கருதப்படுகிறது.

இந்து நாட்காட்டியின்படி, சைத்ர மாதத்தின்(மார்ச் - ஏப்ரல்) ஞாயிற்றுக்கிழமைகளில் சூரிய உதயத்தில் பூச நட்சத்திரத்தில் மாணிக்கக் கல்லை அணியலாம். மாணிக்கம் அணிவது சூரியதேவரின் அருளை, ஒருவருக்குப் பெற்றுத்தரும்.

மேஷ ராசிக்காரர்கள் மார்ச் 21 முதல் ஏப்ரல் 20 வரை மாணிக்கக்கல்லை அணியலாம். சிம்ம ராசிக்காரர்கள் ஜூலை 21 முதல் ஆகஸ்ட் 20 வரை மாணிக்கக் கல்லை அணியலாம்.

துலாம் ராசிக்காரர்கள் இந்த ரத்தினத்தை செப்டம்பர் 21 முதல் அக்டோபர் 20 வரை அணியலாம். விருச்சிக ராசியினர், மாணிக்கக்கல்லை, அக்டோபர் 21 முதல் நவம்பர் 20 வரை அணியலாம். தனுசு ராசிக்காரர்கள் நவம்பர் 21 முதல் டிசம்பர் 20 வரை மாணிக்கக் கற்களை அணியலாம்.

மகர ராசிக்காரர்கள் டிசம்பர் 21 முதல் ஜனவரி 20 வரை மாணிக்கங்களை அணியலாம்.

மாணிக்கம் அணிவதால் கிடைக்கும் நன்மைகள்:

சூரியனின் ரத்தினமாகக் கருதப்படும் மாணிக்கக் கல்லை அணிவது, ஒரு நபரின் வலிமையை அதிகரிக்கிறது மற்றும் வாழ்க்கையில் நோய்களிலிருந்து விடுபட உதவுகிறது.

மாணிக்கம் அணிவது ஆரோக்கியத்தை மேம்படுத்துவதைவிட உடலின் அழகையும் அதிகரிக்கவே செய்கிறது. மாணிக்கம் அணிவது ஆற்றலையும் நம்பிக்கையையும் அதிகரிக்கும் என்று நம்பப்படுகிறது.

 மாணிக்கக்கல்லை அணிவது ஒரு நபருக்கு சுயமரியாதையை வழங்குகிறது மற்றும் ஒவ்வொரு பணியிலும் வெற்றியைத் தருகிறது.

பொறுப்பு துறப்பு:

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்