1000 ஆண்டுகள் தவம் செய்த பலனை தரும் வருத்தினி ஏகாதசி விரதம் பற்றி தெரியுமா?.. அபூர்வ புண்ணிய தினத்தின் மகிமைகள் இதோ!

அந்தவகையில் ஏப்ரல் மாதத்தில் வரக் கூடிய ஏகாதசிக்கு வருத்தினி ஏகாதசி விரதம் என்று பெயர். வருத்தினி என்றால் பாதுகாப்பது என்று பொருள். இந்த ஏகாதசி அன்று விரதம் இருப்பவர்கள் பாவ மன்னிப்பு மற்றும் ஆன்மீக அமைதியை அடைவதற்கான ஒரு சிறந்த வாய்ப்பாகும். மேலும், இந்தாளில் விரதம் இருந்தால் 1000 ஆண்டுகள் தவம் செய்ததற்கான பலன்கள் கிடைக்கும் என்பது ஐதீகம்.

மேலும் படிக்க | சுக்கிர பெயர்ச்சி: இந்த 3 ராசிக்கு ஏப்ரல் 26 முதல் ஜாக்பாட் அடிக்கப்போகுது.. உங்க ராசி இதுல இருக்கா..!

வருத்தினி ஏகாதசி விரதம் மேற்கொள்பவர்களின் பாவங்கள் தீர்வதோடு சகல செல்வ வளங்களும் கிடைக்கும் என்று சொல்லப்படுகிறது. மன அல்லது உடல் பிரச்சனைகளால் பாதிக்கப்பட்டவர்களுக்கு இந்த விரதம் மிகவும் பயனுள்ளதாகக் கருதப்படுகிறது. 2025 ஆம் ஆண்டில் வருத்தினி ஏகாதசி எப்போது அனுசரிக்கப்படும் என்பதையும், விரதத்தின் போது செய்ய வேண்டியவை குறித்தும் இனி பார்க்கலாம்.

2025 ஆம் ஆண்டு வருத்தினி ஏகாதசி எப்போது?

ஏகாதசி திதி புதன்கிழமை, ஏப்ரல் 23, 2025 அன்று மாலை 4:43 மணிக்கு தொடங்கி வியாழக்கிழமை, ஏப்ரல் 24, 2025 அன்று பிற்பகல் 2:32 மணிக்கு முடிவடைகிறது. எனவே, வருத்தினி ஏகாதசி விரதம் வியாழக்கிழமை, ஏப்ரல் 24, 2025 அன்று அனுசரிக்கப்படும். பிரதோஷ காலம்: ஏப்ரல் 25, வெள்ளிக்கிழமை, காலை 05 மணி 46 நிமிடம் முதல் 08 மணி 23 நிமிடம் வரை.

மேலும் படிக்க | அர்த்தகேந்திர ராஜ யோகம்.. குரு - சூரியன் சேர்க்கை.. 3 ராசிகளுக்கு ஜாக்பாட் பண மழை.. உங்க ராசி இருக்கான்னு பாருங்க!

வருத்தினி ஏகாதசி விரத முறை

ஏகாதசிக்கு ஒரு நாள் முன், சூரிய அஸ்தமனத்திற்கு முன் உணவு உண்ணவும், இரவில் பிரம்மச்சரியத்தைப் கடைபிடிக்கவும் வேண்டும். ஏகாதசி நாளில், பிரம்ம முகூர்த்தத்தில் எழுந்து, குளித்து உபவாசம் இருப்பதாக சங்கல்பம் செய்யவும். பின்னர் ஸ்ரீமன் நாராயணனை வழிபட்டு, அவருக்கு பழங்கள், பூக்கள், சாம்பிராணி, விளக்குகள் போன்றவற்றை நிவேதனம் செய்யவும். முழு நாளும் விரதம் இருக்கவும் அல்லது பழங்களை மட்டும் சாப்பிடவும். இரவு முழுவதும் விழித்து ஸ்ரீமன் நாராயணனின் ஸ்தோத்திரங்களை படித்து வந்தால் சகல நன்மைகளும் கிடைக்கும் என்று கூறப்படுகிறது.

மேலும் படிக்க | புதன்கிழமை யாரையெல்லாம் வழிபட்டால் சிறப்பு.. இன்று ஏப்ரல் 23 நல்ல நேரம், ராகு காலம், எமகண்டம் எப்போது?

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.