Mesham Rasi Weaknesses: ’அதீத ரிஸ்க்! இரக்க குணம்!’ மேஷம் ராசியில் பிறந்தவர்களின் பலவீனங்கள்!

அதீத ரிஸ்க்

மேஷம் ராசிக்காரர்கள் ரிஸ்க் எடுப்பதில் கைதேர்ந்தவர்கள். சில சமயங்களில் அதுவே அவர்களுக்கு பலவீனம் ஆகவும் மாறிவிடும். அதீத தன்னம்பிக்கை இவர்களுக்கு ஆபத்தை ஏற்படுத்திவிடும் என்பதால் மிக கவனமாக இருக்க வேண்டும். மிக வேகமாக வளர வேண்டும் என்று நினைப்பதை விட நிதானமாக வளர வேண்டும் என்பதில் கவனமாக இருக்க வேண்டும். 

பங்குச்சந்தை உள்ளிட்ட ரிஸ்க் மிகுந்த தொழில்களை செய்யும் போது படிப்படியாக வளர வேண்டும் என்ற எண்ணத்தை கொண்டு இருப்பது முக்கியம். அதே போல் உங்களை புகழ்பவர்களை நம்பவே கூடாது. அவர்கள்தான் உங்களுக்கு துரோகத்தை செய்பவர்களாக இருப்பார்கள். எனவே புகழ்ச்சிக்கு அடிமையாக கூடாது. ‘போற்றுவார் போற்றட்டும், தூற்றுவார் தூற்றட்டும்’ என்ற பொன்மொழிப்படி நடப்பது நல்லது.