இன்றைய ராசிபலன்: துலாம், விருச்சிகம், தனுசு, மகரம், கும்பம், மீன ராசியினரே.. இன்று ஏப்ரல் 13 உங்களுக்கு எப்படி இருக்கு?

அந்தவகையில், துலாம், விருச்சிகம், தனுசு, மகரம், கும்பம், மீனம் ஆகிய 6 ராசிக்காரர்களுக்கு இன்று வேலை, தொழில், காதல், வருமானம், ஆரோக்கியம், கல்வி எப்படி இருக்கும் என்பதைப் பற்றி இங்கு தெரிந்து கொள்ளலாம்.

துலாம் ராசி முதல் மீன ராசி வரை உங்களுக்கு எப்படி இருக்கு?

துலாம்:

துலாம் ராசியினரே, சகோதரர் வகையில் ஆதாயம் ஏற்படும். கணவன், மனைவிக்கிடையே அந்நியோன்யம் அதிகரிக்கும். முக்கிய பிரமுகர்களின் சந்திப்பு தொழில் வளர்ச்சிக்கு சாதகமாக இருக்கும். உயர் அதிகாரிகளால் ஆதாயம் உண்டாகும். குறைவாகப் பேசினாலும் குறை இல்லாமல் பேசவும். எதிலும் சிந்தித்து செயல்படவும். போட்டி நிறைந்த நாள்.

💠அதிர்ஷ்ட திசை : வடக்கு

💠அதிர்ஷ்ட எண் : 1

💠அதிர்ஷ்ட நிறம் : சிகப்பு நிறம்.

விருச்சிகம்: 

விருச்சிக ராசியினரே, பிறமொழி பேசும் மக்களிடம் கவனம் வேண்டும். பலதரப்பட்ட சிந்தனைகளால் குழப்பம் ஏற்படும். மனதிற்கு விருப்பமான பொருட்களை வாங்கி மகிழ்வீர்கள். வெளியூர் தொடர்பான பயணம் சாதகமாக அமையும். சில முடிவுகளில் ஆலோசனை பெற்று செயல்படுவது நல்லது. தொழில் சம்பந்தமான செயல்பாடுகளில் ஆதரவான சூழல் ஏற்படும். நலம் நிறைந்த நாள்.

💠அதிர்ஷ்ட திசை : கிழக்கு

💠அதிர்ஷ்ட எண் : 7

💠அதிர்ஷ்ட நிறம் : வெளிர் நீலம்.

மேலும் படிக்க: சடாஷ்டக அசுப யோகம்: ரத்தக்கண்ணீர் வடிக்க போகும் 3 ராசிகள்.. ராகு செவ்வாய் உருவாக்கிய பேரழிவு யோகம்.. இது உங்க ராசியா?

மேலும் படிக்க: அனுமன் பஞ்சகிரக யோகம்: 57 ஆண்டுகளுக்குப் பிறகு.. பண மழை கொட்டித் தீர்க்கப் போகும் ராசிகள்.. மீன ராசியில் 5 கிரகங்கள்!

தனுசு:

தனுசு ராசியினரே, உயர் பொறுப்பில் இருப்பவர்களின் அறிமுகம் கிடைக்கும். திறமைகளை வெளிப்படுத்த வாய்ப்புகள் உண்டாகும். புதிய நபர்களின் அறிமுகத்தால் சில மாற்றங்கள் ஏற்படும். சுபகாரியம் சார்ந்த பேச்சுவார்த்தைகள் சாதகமாகும். குழந்தைகளால் மதிப்பு அதிகரிக்கும். மனதில் புதுவிதமான இலக்குகள் பிறக்கும். வியாபாரம் தொடர்பான பணிகளில் முன்னேற்றம் ஏற்படும். கவனம் வேண்டிய நாள்.

💠அதிர்ஷ்ட திசை : மேற்கு

💠அதிர்ஷ்ட எண் : 2

💠அதிர்ஷ்ட நிறம் : பாசநிறம்.

மேலும் படிக்க: Thiruppugazh: காம வலையில் சிக்கிய அருணகிரி.. உயிர் கொடுத்த முருகப்பெருமான்.. ஊற்றெடுத்து பெருகிய திருப்புகழ்!

மகரம்:

மகர ராசியினரே, அரசு தொடர்பாக எதிர்பார்த்திருந்த சில உதவிகள் சாதகமாக அமையும். கல்வி கற்கும் மாணவர்களுக்கு புதுவிதமான மாற்றம் ஏற்படும். உறவினர்களின் வழியில் சுபசெய்திகள் கிடைக்கும். மனதில் இனம்புரியாத சிந்தனைகள் மூலம் ஒருவிதமான சோர்வு ஏற்பட்டு நீங்கும். வியாபாரம் ரீதியாக இருந்துவந்த தடைகள் விலகும். பரிசு கிடைக்கும் நாள்.

💠அதிர்ஷ்ட திசை : தெற்கு

💠அதிர்ஷ்ட எண் : 7

💠அதிர்ஷ்ட நிறம் : மஞ்சள் நிறம்.

கும்பம்:

கும்ப ராசியினரே, அரசியல்வாதிகளுக்கு செல்வாக்கு உயரும். மேலதிகாரியுடன் இருந்துவந்த பிரச்னைகளை சரி செய்வீர்கள். புதிய முயற்சியில் ஈடுபட்டு வெற்றி காண்பீர்கள். வருவாயில் ஏற்ற, இறக்கமான சூழல் அமையும். சேமிப்பை உயர்த்தும் எண்ணம் மேலோங்கும். வியாபாரம் விருத்தி சார்ந்த முயற்சிகளை எடுப்பீர்கள். சிக்கல் மறையும் நாள்.

💠அதிர்ஷ்ட திசை : மேற்கு

💠அதிர்ஷ்ட எண் : 3

💠அதிர்ஷ்ட நிறம் : மஞ்சள் நிறம்.

மீனம்:

மீன ராசியினரே, செயல்பாடுகளில் சற்று கவனம் வேண்டும். எதிர்பாராத சில வாய்ப்புகள் கிடைக்கும். பயணங்களால் அலைச்சல் உண்டாகும். பங்கு வர்த்தகத்தில் புதிய அனுபவம் ஏற்படும். கணவன், மனைவிக்கிடையே அனுசரித்து செல்லவும். உடன் இருப்பவர்களால் ஆதாயம் அடைவீர்கள். அரசு பணிகளில் விவேகம் வேண்டும். நிதானம் வேண்டிய நாள்.

💠அதிர்ஷ்ட திசை : வட மேற்கு

💠அதிர்ஷ்ட எண் : 9

💠அதிர்ஷ்ட நிறம் : சிவப்பு நிறம்.