Today Rasipalan: மேஷம் முதல் மீனம் வரை.. இன்று ஜன.17 உங்களுக்கு சாதகமா?.. பாதகமா?.. 12 ராசிகளுக்கான இன்றைய பலன்கள் இதோ..
Today Rasipalan 17.01.2025: ஜோதிட கணக்கீடுகளின்படி, ஜனவரி 17 ஆம் தேதியான இன்று (வெள்ளிக்கிழமை) மேஷம் முதல் மீனம் வரையிலான 12 ராசிக்காரர்களுக்கும் என்னென்ன பலன்கள் கிடைக்கும் என்பது பற்றி தெரிந்து கொள்வோம்.

வேத ஜோதிடத்தில் மொத்தம் 12 ராசிகள் விவரிக்கப்பட்டுள்ளன. ஒவ்வொரு ராசியும் ஒரு கிரகத்தால் ஆளப்படுகிறது. கிரகங்கள் மற்றும் நட்சத்திரங்களின் இயக்கத்தின் அடிப்படையில் ஜாதகம் கணக்கிடப்படுகிறது. ஜோதிட கணக்குப்படி, ஜனவரி 17 ஆம் தேதியான இன்று (வெள்ளிக்கிழமை) சில ராசிக்காரர்களுக்கு மிகவும் மங்களகரமானதாக இருக்கும், சில ராசிக்காரர்களுக்கு வாழ்க்கையில் சிறிய பிரச்னைகளை சந்திக்க வேண்டியிருக்கும்.
அந்தவகையில், மேஷம் முதல் மீனம் வரையிலான 12 ராசிக்காரர்களுக்கு இன்று வேலை, தொழில், காதல், வருமானம், ஆரோக்கியம், கல்வி எப்படி இருக்கும் என்பதை பற்றி இங்கு தெரிந்து கொள்ளலாம்.
மேஷம்
மேஷம் ராசி அன்பர்களே அரசு வழியில் எதிர்பார்த்த உதவிகள் கிடைக்கும். தொழில் அபிவிருத்திக்கான முயற்சிகளில் எதிர்பார்ப்புகள் நிறைவேறும். அதிர்ஷ்டகரமான சில வாய்ப்புகள் மூலம் மாற்றங்கள் ஏற்படும். மாணவர்களுக்கு கல்வியில் முன்னேற்றம் உண்டாகும். உடல் ஆரோக்கியம் சிறப்பாக இருக்கும்.
ரிஷபம்
ரிஷப ராசி அன்பர்களே குடும்பத்தில் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். அரசு தொடர்பான பணிகளில் சிந்தித்துச் செயல்படவும். சமூகப் பணிகளில் செல்வாக்குகள் அதிகரிக்கும். வியாபார பணிகளில் லாபம் மேம்படும். திறமைக்கு உண்டான புதிய வாய்ப்புகள் கிடைக்கும். உறவினர்களின் வழியில் மதிப்பு மேம்படும்.
மிதுனம்
மிதுன ராசி அன்பர்களே கல்வி சார்ந்த செயல்பாடுகளில் முன்னேற்றம் ஏற்படும். எதிர்பார்த்த சில உதவிகள் கிடைப்பதில் தாமதமாகும். உறவினர்களின் வழியில் பொறுமை வேண்டும். வியாபாரம் மந்தமாக இருக்கும். ஆரோக்கிய விஷயங்களில் கவனம் வேண்டும். வெளி வட்டாரத்தில் புதுவிதமான அனுபவம் உண்டாகும்.
கடகம்
கடகம் ராசி அன்பர்களே பணிபுரியும் இடத்தில் பொறுப்புகள் அதிகரிக்கும். மற்றவர்களை நம்பி முடிவெடுப்பதில் கவனம் வேண்டும். உடல் ஆரோக்கியத்தில் ஏற்ற, இறக்கங்கள் உண்டாகும். முன்கோபத்தினை குறைத்துக் கொள்வது தேவையற்ற பகைமையை தவிர்க்கும்.
சிம்மம்
உயர் பொறுப்பில் இருப்பவர்களால் புதிய அனுபவம் ஏற்படும். சேமிப்பது தொடர்பான சிந்தனைகள் மேம்படும். உடன்பிறப்புகளை பற்றி புரிந்து கொள்வீர்கள். கணவன், மனைவிக்கு இடையே புரிதல் ஏற்படும். தேவையில்லாத அலைச்சல் உண்டாகும்.
கன்னி
கன்னி ராசி அன்பர்களே வெளியூர் பயணம் சாதகமாகும். நெருக்கமானவர்களை பற்றிய புரிதல் ஏற்படும். அலுவலகப் பணிகளில் மரியாதை அதிகரிக்கும். புதிய வேலைகளில் இருந்துவந்த தாமதங்கள் குறையும். அரசியல் சார்ந்த துறையில் இருப்பவர்களுக்கு எதிர்பார்ப்புகள் நிறைவேறும். உடல் ஆரோக்கியத்தில் கவனம் வேண்டும். .
துலாம்
துலாம் ராசி அன்பர்களே குழந்தைகளின் வழியில் மகிழ்ச்சியான செய்திகள் கிடைக்கும். பொழுதுபோக்கு விஷயங்களில் ஆர்வம் உண்டாகும். செயல்பாடுகளில் ஒருவிதமான மந்தத்தன்மை உண்டாகும். சக ஊழியர்களிடம் அனுசரித்துச் செல்லவும்.
விருச்சிகம்
விருச்சிக ராசி அன்பர்களே பொருளாதாரம் தொடர்பான நெருக்கடிகள் குறையும். குடும்பத்தில் மகிழ்ச்சியான செய்திகள் கிடைக்கும். எதிராக இருந்தவர்கள் விலகிச் செல்வார்கள். அறிமுகம் இல்லாத எதிர்பாலின மக்களிடம் கவனம் வேண்டும். எதிர்பாராத வகையில் தனவரவுகள் கிடைக்கும்.
தனுசு
வேலையாட்களின் ஒத்துழைப்பு மேம்படும். திட்டமிட்ட காரியங்களை எண்ணிய விதத்தில் செய்து முடிப்பீர்கள். சிறுதூர பயணங்களால் மனதளவில் மாற்றம் உண்டாகும். வீட்டின் தேவைகளை அறிந்து நிறைவேற்றி வைப்பீர்கள். விளையாட்டு விஷயங்களில் ஆர்வத்துடன் கலந்து கொள்வீர்கள்.
மகரம்
மகர ராசி நேயர்களே அக்கம்-பக்கம் இருப்பவர்களுடன் அனுசரித்து நடந்து கொள்ளவும். இழுபறியான வரவுகள் கிடைக்கும். வாடிக்கையாளர்களிடம் விட்டுக்கொடுத்துச் செல்லவும். பண விஷயத்தில் சிக்கனம் வேண்டும். விலை உயர்ந்த பொருட்களில் கவனம் வேண்டும். பொன், பொருள் சேர்க்கை சார்ந்த எண்ணம் மேம்படும்.
கும்பம்
கும்பம் ராசி அன்பர்களே உத்தியோகப் பணிகளில் எதிர்பாராத சில மாற்றங்கள் ஏற்படும். புதிய முயற்சிகளில் சிந்தித்துச் செயல்படவும். சில செலவுகள் மூலம் நெருக்கடிகள் உண்டாகும். நீண்ட நேரம் கண் விழிப்பதை தவிர்க்கவும். சேமிப்பு தொடர்பான எண்ணங்கள் மேம்படும். எதிலும் அவசரமின்றி நிதானத்துடன் செயல்படவும்.
மீனம்
மீனம் ராசி அன்பர்களே உடலில் இருந்துவந்த சில வலிகளுக்கு தீர்வு கிடைக்கும். அனுபவம் மூலம் சில மாற்றமான முடிவுகள் கிடைக்கும். ரகசியமான செயல்பாடுகளால் மேன்மை உண்டாகும். விலை உயர்ந்த பொருட்களை வாங்கி மகிழ்வீர்கள். வெளியூர் பயணங்களின் மூலம் விருத்தி உண்டாகும். மற்றவர்களின் தேவைகளை நிறைவேற்றுவீர்கள்.

டாபிக்ஸ்