தமிழ் செய்திகள்  /  Astrology  /  Special Story About Very Ancient Mangala Saneeswarar Temple

HT Temple SPL: பித்ரு தோஷம், தீரா பிரச்னைகளையும் தீர்க்கும் மங்கள சனீஸ்வரர்..எங்கு தெரியுமா?

Karthikeyan S HT Tamil
Jan 23, 2024 07:36 AM IST

Mangala Saneeswarar Temple: பித்ரு தோஷம், கிரக தோஷங்களை நீக்கி சகல பலன்களை தரும் மங்கள சனீஸ்வரர் பகவானின் சிறப்புக்கள் பற்றி இங்கு காண்போம்.

மங்கள சனீஸ்வரர் கோயில்.
மங்கள சனீஸ்வரர் கோயில்.

ட்ரெண்டிங் செய்திகள்

தஞ்சாவூர் மாவட்டம் பட்டுக்கோட்டையில் இருந்து சுமார் 25 கி.மீட்டர் தொலைவில் அமைந்துள்ளது விளங்குளம் கிராமம். இந்த கிராமத்தில் அமைந்துள்ள ஸ்ரீஅட்சயபுரீஸ்வரர் திருக்கோயில் சனிபகவான் தனி சந்நிதியில் தம் தேவியரோடு ஆதிபிருஹத் சனீஸ்வரர் எனும் மங்கள சனீஸ்வரராக எழுந்தருளி பக்தர்களுக்கு அருள்பாலித்து வருகிறார்.

இந்த பூமியில் பல்லாயிரம் ஆண்டுகளுக்கு ஒருமுறை மகாபிரளயம் உண்டாகும். பூமியில் வாழக்கூடிய உயிரினங்கள் அழிந்து மீண்டும் தோன்றும். அப்படியொரு பிரளய காலத்தின் முடிவில் பூமியில், மீண்டும் புதிய உயிரினங்கள் தோன்றவும். மனிதகுலம் தழைக்கவும் ஒரு வைகாசி மாத திருதியை நன்னாளில் பூவுலகில் விளங்குளம் கிராமத்தில் இறைவன் அட்சயபுரீஸ்வராக தோன்றினார் என்கிறது ஸ்தல புராணம்.

பிரளயம் முடிந்து மனித இனங்கள் தோன்றுவதற்கு முன்னரே, சனிபகவான் முதன் முதல் அமர்ந்த தலம் இது. பிருஹத் என்றால் பெரிதான என்று அர்த்தம். எனவே, ஆதியில் தோன்றிய பெரிய சனீஸ்வரர் என்று பொருள்படும்படி ஆதி பிருஹத் சனீஸ்வரர் என்றும் மங்கள சனீஸ்வரர் என்றும் அழைக்கப்படுகிறார்.

அட்சயப் பாத்திரம் போல் அள்ள அள்ளக் குறையாமல் பொருளை தந்தருளும் இந்த ஆலயத்தில் அம்பாளின் திருநாமம் அபிவிருத்தி நாயகி. அதாவது, கணவருக்கு நிகராக இவளும் நமக்கெல்லாம் அபிவிருத்தியைத் தந்தருளும் 'கருணைக் கடல்' என்று பக்தர்களால் போற்றப்படுகிறாள்.

சனி தோஷம் தீர்த்து, பித்ரு தோஷம், கிரக தோஷங்கள், சங்கடங்கள் அனைத்தையும் நீக்கி அருள்பவராக சனி பகவான் இங்கே எழுந்தருளியிருக்கிறார். சனியால் பிரச்னை உள்ளவர்கள் இந்த கோயிலில் வழிபாடு செய்துவிட்டு காகத்திற்கு உணவு படைக்கலாம். அந்த உணவை காகங்கள் சாப்பிட்டால் நம்முடைய சனி தோஷம் விளகிவிடும் என்று சொல்லப்படுகிறது. வாழ்வில் ஒருமுறையேனும் விளங்குளம் கிராமம் வந்து, மங்கள சனீஸ்வரரைத் தரிசித்து சென்றால் வாழ்க்கையை மங்களகரமானதாக மாற்றி அருள்வார் என்பது பக்தர்களின் நம்பிக்கை. 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

2024 ஜோதிட பலன்கள்

புத்தாண்டு ராசி பலன்கள், பண்டிகைகள், வாழ்த்துக்கள் மற்றும் பலவற்றை இங்கே படிக்கலாம்.

டாபிக்ஸ்