தமிழ் செய்திகள்  /  ஜோதிடம்  /  Sooriya Bhagawan: மேஷம் முதல் மீனம் வரை! சூரியன் உடன் சேரும் கிரகங்களால் ஏற்படும் நன்மை தீமைகள்!

Sooriya Bhagawan: மேஷம் முதல் மீனம் வரை! சூரியன் உடன் சேரும் கிரகங்களால் ஏற்படும் நன்மை தீமைகள்!

Kathiravan V HT Tamil
May 29, 2024 07:49 PM IST

ஒருவரது ஜாதகத்தில் சூரியன் வலுவாக இருந்தால் ஜாதகர் மிகுந்த ஆளுமை திறன் கொண்டவராகவும், அதிகாரம் மிக்கவராகவும் வலம் வருவார்.

மேஷம் முதல் மீனம் வரை! சூரியன் உடன் சேர்ந்த கிரகங்களால் ஏற்படும் நன்மை தீமைகள்!
மேஷம் முதல் மீனம் வரை! சூரியன் உடன் சேர்ந்த கிரகங்களால் ஏற்படும் நன்மை தீமைகள்!

ஒருவரது ஜாதகத்தில் சூரியன் வலுவாக இருந்தால் ஜாதகர் மிகுந்த ஆளுமை திறன் கொண்டவராகவும், அதிகாரம் மிக்கவராகவும் வலம் வருவார். 

தன்னம்பிக்கைசூரிய பகவானோடு பிற கிரகங்கள் இணையும் போது அவர்களின் இயல்பு சிலவற்றை இழப்பார்கள். இந்த மாபெரும் ஒளி கிரகமான சூரியனை விழுங்கும் சக்தியை இருள் கிரகங்களான ராகு, கேது பெற்று உள்ளது. 

சூரியன் சந்திரன் சேர்க்கை 

சூரியனும், சந்திரனும் ஒரே இடத்தில் இணைந்து இருப்பது அமாவாசை யோகத்தை கொடுக்கும். சந்திரனின் ஆதிபத்தியம், காரகத்துவத்தை சூரியன் எடுத்துக் கொண்டு செயல்படுவார். சூரியன், சந்திரன் சேர்க்கை இணையும் இடங்களை பொறுத்து சில மாறுதல்கள் ஏற்படலாம். இந்த அமைப்பு கொண்டவர்களுக்கு இனிமையான தாம்பத்திய வாழ்கை கிடைக்கும். 

சூரியன் செவ்வாய் சேர்க்கை 

சூரியன் உடன் செவ்வாய் இணைவது நன்மை, தீமை இரண்டும் கலந்த அமைப்பாக உள்ளது. இரண்டுமே கோபக்காரர கிரகங்கள் என்பதால் இந்த இணைவு உள்ளவர்கள் அவசர முடிவுகளை எடுப்பவர்களாக இருப்பார்கள். இந்த சேர்க்கையால் ஜாதகர் உஷ்ண ஆதிக்கத்தை பெறுவார். 

சூரியன் புதன் சேர்க்கை 

சூரியன் புதன் சேர்க்கை நல்ல பலன்களை தரக்கூடும். ஆனாலும் சூரியன் புதன் இணைவு சுபர்கள் இடத்தில் இருந்தால் புத ஆதித்த்ய யோகத்தை ஏற்படுத்தும். தான் சார்ந்த துறைகளில் சிறப்பு அடையும் நிலையை இந்த சேர்க்கை ஏற்படுத்தும். 

சூரியன் சுக்கிரன் சேர்க்கை 

சூரியன் சுக்கிரன் சேர்க்கை மூலம் சுக்கிரன் வலிமை இழந்து சூரியனை வலிமைப்படுத்துவார். இதனால் ஜாதகருக்கு சுயமுன்னேற்றம் ஏற்படும். தகப்பனால் நன்மை கிடைக்கும்.

சூரியன் குரு சேர்க்கை 

சூரியன் உடன் குரு சேர்வது சிவராஜ யோகத்தை ஏற்படுத்தும். அரசு வேலை, அரசியலில் பதவி, அதிகாரப்பதவி ஆகியவற்றை இது கொடுக்கும். 

சூரியன் சனி சேர்க்கை 

சூரியன் உடன் சனி பகவான் இணைவது நன்மைகளை தராது. தந்தை - மகன் இடையே பிரச்னைகளை ஏற்படுத்தும். உறவுகளுடன் சங்கடம் ஏற்படலாம். ஆனால் இவர்கள் இணைவில் சுபர்களின் தொடர்பு வரும் போது ஜாதகர் தொழிலதிபராக வருவார். 

சூரியன் ராகு சேர்க்கை 

சூரியன் உடன் ராகு இணைந்தால் பெரும் பொருள் ஆசையை ஜாதகருக்கு உருவாக்குவார். சம்பாத்தியத்திற்காக என்ன வேண்டுமானாலும் செயலாம் என்ற நிலை உருவாகும். 

சூரியன் கேது சேர்க்கை 

சூரியன் உடன் கேது இணைவது ஆன்மீக வாழ்கையில் ஈடுபாடு இருக்கும். மந்திரம், தந்திரம், மருந்துகளில் ஈடுபாடு இருப்பது போன்ற சிந்தனைகள் ஜாதகருக்கு இருக்கும். 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

WhatsApp channel