ஆமை அவதாரத்தில் ஆணவம் கொண்ட விஷ்ணு பகவான்.. பாடம் புகட்டிய கச்சபேஸ்வரர்.. காஞ்சிபுரம் திருக்கோயில்!

காஞ்சிபுரம் மாநகரமானது விஷ்ணு காஞ்சி, சிவகாஞ்சி என்ற இரண்டு பகுதிகளாக பிரிக்கப்பட்டுள்ளன காஞ்சிபுரம் மாவட்டத்தில் நீங்கள் எந்த மூலையில் இருந்தாலும் ஏதேனும் ஒரு கோயில் கோபுரத்தை பார்த்து விட முடியும். அதன் காரணமாகவே அது கோயில் நகரமாக கருதப்படுகிறது. அங்கு இருக்கக்கூடிய கோயில்களை பார்ப்பதற்காகவே நாள்தோறும் பல்லாயிரக்கணக்கான பக்தர்கள் வந்து செல்கின்றனர்.

மேலும் படிங்க| நவபஞ்ச யோகத்தின் அதிர்ஷ்டத்தை அனுபவிக்கும் ராசிகள் இவர்கள்தான்

காஞ்சிபுரத்தில் பல சிறப்பு மிகுந்த கோயில்கள் இருந்து வருகின்றன. அந்த வரிசையில் இருக்கக்கூடிய சிறப்பு மிகுந்த கோவில்களில் ஒன்றுதான் கச்சபேஸ்வரர் திருக்கோயில். இந்த கோயிலின் தலவிருட்சமாக முருக்கடி மரம் திகழ்ந்து வருகின்றது. இந்த திருக்கோயில் கச்சபேசம் என பக்தர்களால் அழைக்கப்படுகிறது.

இந்த கோயில் பற்றி கிபி ஏழாம் நூற்றாண்டில் இயற்றப்பட்ட தண்டியலங்காரம் என்ற இலக்கண நூலில் குறிப்பிடப்பட்டுள்ளது.

மேலும் படிங்க| கேது பகவானின் ராஜ வாழ்க்கையை பெறுகின்ற ராசிகள்

தல வரலாறு

பாற்கடலை கடைந்து அமிர்தம் எடுப்பதற்காக வாசுகி பாம்பும் மத்தாக மந்திரம் மலையும் பயன்படுத்தப்பட்டன. அப்போது மந்திர மழை கடலில் மூழ்கத் தொடங்கியுள்ளது. இதனால் அமிர்தம் கிடைக்காமல் பணி தடைபடும் என்ற அச்சத்தில் விஷ்ணு பகவான் ஆமை அவதாரம் எடுத்தார்.

மந்திர மலையை தாங்கி பிடித்து அடியில் நின்றார் மகாவிஷ்ணு. பணி நிறைவடைய மகாவிஷ்ணு ஆமை வடிவத்தில் அவதாரம் எடுத்து மிகப்பெரிய உதவியை புரிந்தார். அதன் காரணமாக விஷ்ணு பகவானுக்கு செருக்கு உண்டானதாக கூறப்படுகிறது.

அதற்குப் பிறகு உலகமே அழியும் வகையில் கடலை ஆமை அவதாரத்தில் இருந்த விஷ்ணு பகவான் கலக்கியதாக கூறப்படுகிறது. இதனால் கோபமடைந்த சிவபெருமான் ஆமையின் ஓட்டினை எடுத்து மறைத்து வைத்துள்ளார். அதற்குப் பிறகு ஆமை அவதாரத்தில் இருந்த விஷ்ணு பகவான் தனது தவறை உணர்ந்துள்ளார். அதற்குப் பிறகு இந்த கோயிலில் வீற்றிருக்கக்கூடிய சிவபெருமானை ஆமை அவதாரத்தில் இருந்த விஷ்ணு பகவான் வழிபட்டுள்ளார்.

அதன் காரணமாகவே இங்கு வீட்டில் இருக்கக்கூடிய சிவபெருமான் கச்சபேஸ்வரர் என அழைக்கப்படுகிறார். ஆமை வடிவத்தில் இருக்கக்கூடிய விஷ்ணு பகவான் வழிபட்டதால் இந்த திருநாமம் கொடுக்கப்பட்டுள்ளது.

மேலும் படிங்க| சனி பகவானின் ராஜ வாழ்க்கையை பெறுகின்ற ராசிகள் இவர்கள்தான்

தல சிறப்பு

வடக்கு நோக்கி ஏழு நிலை கொண்ட ராஜகோபுரம் இந்த கோயிலில் காணப்படுகிறது. இந்த கோயிலில் வீற்றிருக்கக்கூடிய சிவலிங்கம் ஆமை, நாகம், தாமரை, சிம்மம், யுகங்கள் ஆகிய ஐந்து ஆசனங்கள் மீது அமைக்கப்பட்டுள்ளதாக கூறப்படுகிறது. இதுபோன்ற காலத்தில் சிவபெருமான் காட்சி கொடுப்பது மிகவும் அரிதாகும்.

ஒரே கோயில் வளாகத்தில் இரண்டு சிவன் கோயில்கள் இருப்பது இதற்கு தனி சிறப்பாகும். இந்த கோயிலில் சித்திரை மாதத்தில் கொண்டாடப்படும் பிரம்மோற்சவ திருவிழா மிகவும் முக்கிய திருவிழாவாகக் கூறப்படுகிறது. கார்த்திகை மாதங்களில் ஒவ்வொரு ஞாயிற்றுக்கிழமைகளிலும் கடை ஞாயிறு என்ற திருவிழா கொண்டாடப்பட்டு வருகிறது. அந்த தினங்களில் மண்டை விளக்கு ஏற்றி கோயிலை சுற்றி வந்தால் உடல் உபாதைகள் அனைத்தும் நீங்கும் என கூறப்படுகிறது.

அமைவிடம்

காஞ்சிபுரத்தில் நெல்லுக்கார தெரு பகுதியில் இந்த கச்சபேஸ்வரர் திருக்கோயில் அமைந்துள்ளது