பத்து பொருத்தம் தேவையா? பத்து பொருத்தம் பார்த்தும் பிரச்னை வருவது ஏன்?.. ஜோதிடர் விளக்கம் இதோ!

மேலும் படிக்க | வெளிநாடு செல்வது யோகமா? தோஷமா?.. கிரீன் கார்டு யாருக்கு கிடைக்கும்?.. ஜோதிடர் கூறுவது என்ன? - விபரம் இதோ!

பத்து பொருத்தம் பார்த்தும் பிரச்னை வருவது ஏன்?

“எல்லாப் பொருத்தமும் பார்த்துதான் கல்யாணம் பண்ணோம். பத்துக்கு ஒன்பது பொருத்தம் நல்லா இருக்குன்னு சொன்னாங்க. ஆனா கல்யாணம் ஆகி முழுசா ஒருமாசம் கூட வாழல. அதுக்குள்ள ரெண்டு பேருக்கும் சண்டைன்னு பிரிஞ்சிட்டாங்க.” என்ற பேச்சை தற்காலத்தில் பரவலாக கேட்க முடிகிறது.

காதல் திருமணங்களுடன் ஒப்பிடும் போது நிச்சயிக்கும் திருமணங்களின் தோல்வி விழுக்காடு குறைவுதான் என்றாலும், பார்த்து பார்த்து செய்த திருமணங்கள் நீதிமன்ற படிக்கட்டுகளை ஏறுவதால், இளைய தலைமுறையினருக்கு மட்டுமல்ல, பெற்றோர்களுக்கும் ஜோதிடத்தின் மீதான நம்பிக்கை குறைகிறது.

மேலும் படிக்க | அதிர்ஷ்ட எழுத்துக்கள்: இந்த 4 ஆங்கில எழுத்துக்களில் பெயர் தொடங்கும் பெண்கள் அதிர்ஷ்ட தேவதைகளாம்..!

பொருத்தம் பார்த்துத்தானே திருமணத்தை நடத்தினோம், ஆனால் பிரிந்துவிட்டார்களே.. அப்படியென்றால் ஜோதிடம் பொய்யா?, அல்லது ஜோதிடர் பொய் சொன்னாரா? என்ற சந்தேகம் தோன்றுவதும் இயற்கையே. இதற்கு நேரடியாக பதில் சொல்ல வேண்டும் என்றால் நிச்சயமாக ஜோதிடம் பொய் சொல்லாது. ஜோதிடர்களும் பொய் சொல்ல மாட்டார்கள். அப்படியென்றால், தவறு உண்டானது எங்கே.. கொஞ்சம் அலசுவோம்.

மேலும் படிக்க | பச்சை கற்பூரத்தை பூஜை அறையில் வைத்தால் பணகஷ்டம் நீங்குமா?.. வாஸ்து சாஸ்திரம் சொல்வது என்ன? - விபரம் இதோ!

பொருத்தம் பார்க்கும் விதம் தான் தவறு:

பத்து பொருத்தம் பார்க்கும் முறை என்பது ஆண், பெண் ஆகியோரின் ஜென்ம நட்சத்திரத்தை கொண்டு கணிக்கும் முறை. அதாவது பெண்ணின் நட்சத்திரத்தில் இருந்து ஆணின் நட்சத்திரம் வரை எண்ணி வரும் எண்ணிக்கையை அடிப்படையாகக் கொண்டு கணக்கிட்டு அதனை வைத்து பொருத்தம் பார்த்துச் சொல்வார்கள். இங்கேதான் தவறு நிகழ்கிறது. இந்த பத்து பொருத்தமும் முழுக்க முழுக்க ஆண், பெண் இருவரின் ஜென்ம நட்சத்திரத்தை மட்டுமே அடிப்படையாகக் கொண்டு கணிக்கப்படுகிறதே தவிர ஜாதகத்தில் உள்ள கிரக நிலைகளின் அடிப்படையில் அமைவது அல்ல. திருமணப் பொருத்தம் பார்க்கும்போது ஜாதக கட்டத்தை ஆராய்ந்து பலனைப் பார்க்காமல், வெறும் நட்சத்திரத்தை மட்டும் அடிப்படையாகக் கொள்ளும்போது நாம் நினைப்பதற்கு மாறாக நடந்துவிடுகிறது. இது அனைத்திற்கும் மேலாக, திருமண தகவல் மையங்களே இந்த பொறுப்பை ஏற்றுக் கொண்டு ஆண், பெண்ணுக்கு பொருத்தம் பார்த்து ஏற்ற வரன்களை அனுப்புவதுதான் உச்சகட்ட கொடுமை.

கட்டுரையாளர்: ஜோதிட சிரோன்மணி ஆர்.கே.வெங்கடேஸ்வர், astrovenkataeswar@gmail.com, 91590 13118

பொறுப்புத் துறப்பு: இது ஜோதிட நிபுணரான கட்டுரையாளரால் வழங்கப்பட்ட தகவல். இதன் உண்மை தன்மைகளுக்கு இந்துஸ்தான் டைம்ஸ் தமிழ் பொறுப்பாகாது. ஜோதிட நிபுணர்களின் ஆலோசனைகள் மற்றும் கருத்துகளை பெறுவது உங்களின் சுய விருப்பத்தை பொருத்ததாகும்.