Tamil Calendar 2025: ஜன.18 இன்றைய விஷேசங்கள் என்னென்ன?.. நல்ல நேரம், ராகு காலம் எப்போது?.. தமிழ் காலண்டர் தகவல்கள்!
Tamil Calendar 18.01.2025: 2025 ஆம் ஆண்டு ஜனவரி 18 ஆம் நாளான இன்று (சனிக்கிழமை) முக்கிய விஷேசங்கள், பூஜைக்கு உரிய நல்ல நேரம், ராகு காலம், எமகண்டம் உள்ளிட்ட பல்வேறு விவரங்களை தமிழ் நாள்காட்டியின் மூலம் உங்களுக்கு வழங்குகிறோம்.

இந்து சாஸ்திரத்தின் படி, வாரத்தின் ஒவ்வொரு நாளும் ஏதாவது ஒரு தெய்வத்திற்கு அர்ப்பணிக்கப்படுகிறது. அந்தவகையில், பெருமாளுக்கு உகந்த நாளாக சனிக்கிழமை கருதப்படுகிறது. இதனால் சனிக்கிழமை விரதத்தை கடைபிடித்தால் நினைத்த காரியம் விரைவில் நிறைவேறும் என்பது நம்பிக்கை. பெருமாளைச் சனிக்கிழமை அன்று ஆராதனை செய்து வழிபாடு செய்தால், சனி பகவான் கொடுக்கும் சங்கடத்தில் இருந்து காக்கும் கடவுளான பெருமாள் நம்மைக் காத்தருள்வார் என்பது ஐதீகம்.
செல்வம், ஆயுள், ஆரோக்கியம் இவை மூன்றும் ஒரு மனிதனுக்கு மிகவும் முக்கியமானது. இவை அனைத்தும் கிடைக்க வேண்டும் என்றால் சனிக்கிழமைகளில் விரதம் இருக்கலாம். சனிக்கிழமை விரதம் கடைபிடிக்கப்படும் போது பகல் நேரங்களில் பழமும், நீர் கலந்த பாணத்தை மட்டும் சாப்பிடலாம். இரவில் எளிய உணவுடன் விரதத்தை முடித்துக்கொள்ளலாம். மாலையில் பெருமாள் கோயிலுக்கு சென்று எள் கலந்த நல்லெண்ணெய் தீபம் ஏற்றி வழிபட வேண்டும். இந்த சிறப்பு வாய்ந்த நாளில் பூஜைக்கு உரிய நல்ல நேரம், இன்றைய விஷேசங்கள், நல்லநேரம், எமகண்டம் குறித்த தகவல்களை இங்கு அறிவோம்.
இன்றைய பஞ்சாங்கம்
தமிழ் ஆண்டு : குரோதி வருடம்
தமிழ் மாதம் : தை 05
தேதி: 18.01.2025
கிழமை - சனிக்கிழமை
சூரிய உதயம்
இன்றைய சூரிய உதயமானது காலை 6:35 மணிக்கு நடைபெறுகிறது
நல்ல நேரம்
காலை 07:30 மணி முதல் 08:30 மணி வரை நல்ல நேரம்
மாலை 04:30 மணி முதல் 05:30 மணி வரை நல்ல நேரம்
ராகுகாலம்
காலை 09:00 மணி முதல் 10:30 மணி வரை ராகுகாலம்
கௌரி நல்ல நேரம்
பகல் 10:30 மணி முதல் 11:30 மணி வரை கெளரி நல்ல நேரம்
இரவு 09:30 மணி முதல் 10:30 மணி வரை கெளரி நல்ல நேரம்
௭மகண்டம்
பகல் 01:30 மணி முதல் 03:00 மணி வரை எமகண்டம்
குளிகை
காலை 06:00 மணி முதல் 07:30 மணி வரை குளிகை
(குளிகை காலத்தில் ஒரு காரியம் செய்தால் மீண்டும் அதேபோன்று நடைபெறும் என்பதால் செய்கின்ற காரியங்களை சிந்தித்து அனுசரித்து செய்யவும்)
சூரிய அஸ்தமனம்
மாலை 6:00 மணிக்கு சூரிய அஸ்தமனம் நடைபெறும்
சந்திராஷ்டம நட்சத்திரம்
அவிட்டம், திருவோணம்
சந்திராஷ்டம ராசி
இரவு 09.14 வரை மகரம் பின்பு கும்பம் ராசிக்கு சந்திராஷ்டமம்.
சூலம்
இன்று கிழக்கே சூலம்
பரிகாரம்
இன்றைய பரிகாரமாக தயிர் பயன்படுத்தலாம்
இன்றைய விசேஷங்கள்
- திருவெற்றியூர் ஸ்ரீபாகம்பிரியாள் அம்மன் திருக்கோயிலில் காலை சனீஸ்வரர் பகவானுக்கு சிறப்பு அபிஷேக ஆராதனை நடைபெறும்.
- ஸ்ரீவில்லிபுத்தூர் ஸ்ரீஆண்டாள் ஆலயத்தில் அம்மன் அன்ன வாகனத்தில் புறப்பாடு நடைபெறும்.
- திருநள்ளார் ஸ்ரீசனிஸ்வர பகவானுக்கு சிறப்பு அபிஷேக ஆராதனை செய்தல் நன்று.
இன்றைய வழிபாடு
ஸ்ரீ ஆஞ்சநேயரை வழிபட மனதில் இருந்து வந்த கவலைகள் நீங்கும் என்பது ஐதீகம்.
பொறுப்பு துறப்பு:
இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் ஜோதிடர்கள் மற்றும் தமிழ் நாள்காட்டியின் தகவல்கள் அடிப்படையில் உருவாக்கப்பட்ட செய்தியாகும். இதில் உள்ள கருத்துக்கள் மற்றும் தகவல்களுக்கு இந்துஸ்தான் டைம்ஸ் தமிழ் பொறுப்பாகாது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

டாபிக்ஸ்