Harsha Yogam: ’மேஷம் முதல் மீனம் வரை!’ யாரையும் அடக்கி ஆள வைக்கும் ஹர்ஷ யோகம் யாருக்கு? ஜோதிடம் சொல்லும் ரகசியம்!

ஹர்ஷ யோகம் 

அற்புதமான வாழ்கையை அமைத்து தரும் யோகமான ஹர்ஷ யோகத்தை தரும் கிரகங்களான பாவ கிரகங்கள் உள்ளன. ’ஹர்ஷம்’ என்ற சொல்லுக்கு குதிரை என்று பொருள் ஆகும். பாவ கிரகங்கள் அமரும் ஸ்தானத்திற்கு ஏற்ப ஒரு ஜாதகத்தில் உயர்நிலை புகழ் மற்றும் அந்தஸ்துகளை மிக குறுகிய காலத்தில் பாவக்கோள்களால் வழங்க முடியும். 

சுபக்கோள்கள் தரும் யோகங்களை விட, பாவக் கோள்கள் தரும் யோகங்கள் மூலம் முக வேகமான பலன்களை பெற முடியும் என்பது ஜோதிடர்களின் கூற்றாக உள்ளது .

இயற்கை பாவிகள் என சொல்லக்கூடிய சனி, செவ்வாய், ராகு, கேது மற்றும் சூரியன் ஆகிய கிரங்களில் யாராவது ஒருவரோ அல்லது இருவரோ லக்னத்திற்கு 6ஆம் இடத்தில் இருக்க வேண்டும். 6ஆம் இடத்திற்கு உரிய கிரகம் 8 அல்லது 12ஆம் இடத்தில் இருந்தால் ஹர்ஷ யோகம் உண்டாகிறது என ஜோதிட சாஸ்திரங்கள் கூறுகின்றன. 

ஹர்ஷ யோக பலன்கள் 

உடல் வலிமை, மன வலிமை,  எதையும் எதிர்த்து போராடும் துணிச்சல், எதையும் துணிவுடன் எதிர்க்கும் தன்மை, போட்டிகளில் வெற்றி பெறும் அமைப்பு, அரசாங்க உயர் பதவிகள், அதிகாரம் மிக்கவர்கள் தொடர்பு, நீண்ட ஆயுள், சமயோஜித புத்தி ஆகிய நன்மைகளை ஹர்ஷ யோகம் மூலம் ஜாதகர் பெறுவார். 

உதாரணமாக தனுசு லக்ன ஜாதகத்தை எடுத்துக் கொள்வோம். இவர்களின் 6ஆம் இடமான ரிஷபம் ராசியில் பாவ கிரகமான சனி பகவான் அமர்ந்து உள்ளார் என வைத்துக் கொள்வோம். ரிஷபம் ராசிக்கு அதிபதியான சுக்கிர பகவான் 8ஆம் இடமான கடகம் ராசியில் இருந்தால், ஹர்ஷ யோகம் உண்டாகும்.

இந்த ஜாதகருக்கு, சனி, சுக்கிரனின் தசை அல்லது புத்தி ஆகியவை நடைபெறும் காலங்களில் ஹர்ஷ யோகம் வேலை செய்யும். 

ஆனால் அதே நேரத்தில் லக்னாதிபதி வலிமை உடன் இருப்பது அவசியம். யோகங்கள் பல ஜாதகங்களில் ஒளிந்து இருந்தாலும், அனைத்தையும் சமாளித்து வெற்றி நடைபோட வைக்கும் சூழ்சுமம் லக்னாதிபதியிடம்தான் உள்ளது. 

6ஆம் இடத்தில் பாவக்கோள்கள் அமர்வது, அந்த வீட்டுக்கு அதிபதிகள் 8, 12ஆம் இடங்களில் மறைந்தால் ஹர்ஷ யோகத்தின் வலிமையை மேலும் கூட்டும்.  

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:-

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9