Kamika Ekadasi: காமிகா ஏகாதசியும் சத்திரியர் கதையும்.. பெருமாளை இந்நாளில் வணங்கும்போது கிடைக்கும் நன்மைகள்!

ஜோதிட சாஸ்திரத்தின் படி, விஷ்ணு தனது பக்தர்களின் நலன்களை அருளுகிறார் மற்றும் அவர்களின் விருப்பங்களை நிறைவேற்றுகிறார். ஆனால் ஜோதிடத்தில் குறிப்பிடப்பட்டுள்ள மொத்த 12 ராசிகளில் சிலவற்றிற்கு விஷ்ணு பகவான் தலைமை தாங்குகிறார் என்பது உங்களுக்குத் தெரியுமா?

காமிகா ஏகாதசி நாளின் முக்கியத்துவம்:

இந்த ஆண்டு காமிகா ஏகாதசி விரதம் ஜூலை 31அன்று அனுசரிக்கப்படுகிறது. காமிகா ஏகாதசி விரத நாளில், முதலில் ஒரு உறுதிமொழியை எடுத்துக்கொள்ளுங்கள். பின்னர், காமிகா ஏகாதசியின் கதையை இந்த நாளில் படிப்பர். இந்த கதையைக் கேட்பதன் மூலம் புண்ணிய பலன் கிடைக்கிறது என்று கூறப்படுகிறது. சூரிய கிரகணம் மற்றும் சந்திர கிரகணத்தில் புனித நீர்நிலைகளில் நீராடுவதன் மூலம் கிடைக்கும் புண்ணியம், காமிகா ஏகாதசி அன்று விஷ்ணுவை வணங்குவதன் மூலமும், காமிகா ஏகாதசி பற்றிய புராண கதையைக் கேட்பதன் மூலமும் கிடைப்பதாகக் கூறப்படுகிறது.

காமிகா ஏகாதசி விரதத்தின் கதை: 

ஒரு காலத்தில், ஒரு கிராமத்தில் ஒரு சத்திரியர் வாழ்ந்து வந்தார். அவர் தன்னைப் பற்றி மிகவும் பெருமைப்படுபவர். குறிப்பாக அவர் தனது சக்தி மற்றும் வலிமையைப் பற்றி பெருமிதம் கொண்டு இருப்பார். அந்த சத்திரியர் கடவுளை மிகவும் நம்பினார். ஆனால் அவர் இதயத்தில் ஆணவம் இருந்தது. இருந்தாலும், அவர் ஒவ்வொரு நாளும் விஷ்ணுவை வணங்குவதில் ஆர்வத்துடன் இருப்பார். 

ஒரு நாள், அவர் ஒரு முக்கியமான வேலையாக வீட்டை விட்டு வெளியே சென்றார், சத்திரியர். வழியில் ஒரு பிராமணரைச் சந்தித்தார். இருவருக்கும் ஏதோ ஒரு விஷயமாக சண்டை ஏற்பட்டது. சண்டை முற்றி, இந்த விவகாரம் கைகலப்பாக மாறியது. சத்திரியர் மிகவும் வலிமையானவன். எனவே, பிராமணர் தனது பலவீனத்தால் சத்திரியரின் தாக்குதலைத் தாங்க முடியாமல் அங்கேயே விழுந்து இறந்தான்.

பிராமணரின் மரணத்தைக் கண்டு சத்திரியர் திகைத்தான். தன் தவறை உணர்ந்து அதற்காக மிகவும் வருந்தினார். இந்தச் சம்பவம் கிராமத்தில் காட்டுத்தீ போல் பரவியது. சத்திரிய இளைஞர் கிராம மக்களிடம் மன்னிப்புக் கேட்டு, பிராமணரின் இறுதிச் சடங்குகளை தானே செய்வதாக உறுதியளித்தார். ஆனால், பண்டிதர்கள் அந்த இறுதிச்சடங்கில் கலந்து கொள்ள மறுத்துவிட்டனர்.