Akshaya Tritiya: அட்சய திரிதியைக்கு தங்கம் வாங்குவது சரியா..? ஜோதிடர் சொல்வது என்ன? - முழு விவரம் உள்ளே

இஸ்ரோ ராக்கெட்டும், தங்கம் விலையும்

அட்சய திரிதியை நாளில் தங்கம் வாங்கினால் செல்வம் பெருகும் என்று மக்கள் நம்புகிறார்கள். இதனால் அட்சய திரிதியையன்று நகைக்கடைகளில் ஈக்கள் மொய்ப்பதை போல் கூட்டம் அலைமோதும். அவரவர் சக்திக்கேற்ப தங்கம் வாங்குவதை வழக்கமாக வைத்திருப்பார்கள். ஆனால் தற்போது தங்கம் விற்கும் விலைக்கு குண்டுமணி தங்கம் வாங்குவதே குதிரை கொம்பாக இருக்கிறது. இஸ்ரோ ராக்கெட்டை விட தங்கம் விலை விண்ணை முட்டும் அளவிற்கு உயர்ந்துள்ளது தான் இதற்கெல்லாம் காரணம்.

இதையும் படிங்க: நினைத்ததை நிறைவேற்றும் முருகர் வழிபாடு.. இன்று ஏப்ரல் 15 நல்ல நேரம், ராகு காலம், எமகண்டம் எப்போது?.. விபரம் இதோ!

அட்சய திரிதியை நாளில் என்ன செய்யலாம்

அட்சய திரிதியை நாளில் தங்கம் வாங்க வேண்டும் என்று எந்த சாஸ்திரத்திலும் சொல்லப்படவில்லை. இடைச்செருகலாக வந்த சம்பிரதாயம் தான் தங்கம் வாங்கும் விஷயம். உண்மையை போட்டு உடைக்க வேண்டும் என்றால் அட்சய திரிதியை நாளில் முன்னோர்களுக்கு (பிதுர்கள்) தர்ப்பணம் செய்வது மிகுந்த பலனை தரும்.

புனித நீராடிவிட்டு கோயிலுக்கு சென்று சாமி தரிசனம் செய்வது, இல்லாதவர்களுக்கு இயன்ற அளவுக்கு தானம் செய்ய வேண்டும். குறிப்பாக அன்னதானம் செய்வது சிறப்பு.

இதையும் படிங்க: செலவில் கவனம்.. தொழில் வாழ்க்கையில் சிந்தனை தேவை.. மின ராசிக்கு இன்றைய நாள் எப்படி?

பெருமாளுக்கே கடன் கொடுத்த குபேரன், மகாலட்சுமியை வணங்கி செல்வத்தை பெற்ற தினம் என்பதால், அட்சய திரிதியை நாளில் லட்சுமி பூஜை, குபேர பூஜை செய்தால் ஐஸ்வர்யம் பெருகும். தங்கம் குரு பகவானை குறிக்கும் ஆபரணம். வெள்ளி சுக்கிரனை குறிக்கும்.

தான தர்மங்கள் போதும்

நவக்கிரகங்களில் சுக்கிரன் மகாலட்சுமி அம்சம். அதனால் அட்சய திரிதியை நாளில் தங்கம் வாங்குவதை விட சிறந்தது வெள்ளி தான். ஒரு கிராம் வெள்ளி வாங்கிலும் போதும். வெள்ளி பொருட்களுடன் கல் உப்பு, பச்சரிசி, மல்லிப்பூ வாங்கி சுக்கிர ஹோரையில் பூஜை அறையில் மகாலட்சுமி படத்திற்கு முன்பு வைத்து மனதார வணங்கினால் போதும் ஐஸ்வர்யம் சேரும். முடிந்தால் இயன்ற அளவுக்கு தான தர்மங்கள் செய்தால் போதும் மகாலட்சுமி மனம் குளிர்ந்து ஐஸ்வர்யத்தை அள்ளி தருவாள்.

இதையும் படிங்க: ஆடம்பர செலவை தவிர்க்கவும்.. உறவில் உரையாடல் முக்கியம்.. மேஷ ராசிக்கு இன்றைய நாள் எப்படி?

தங்கம் வாங்க வேண்டும் என்று எந்த சாஸ்திரத்திலும் சொல்லப்படவில்லை. இடைச்செருகலாக வந்த சம்பிரதாயம் தான் தங்கம் வாங்கும் விஷயம். அட்சய திரிதியை நாளில் தங்கம் வாங்குவதை விட சிறந்தது வெள்ளி தான்.

ஜோதிட சிரோன்மணி ஆர்.கே.வெங்கடேஸ்வர்

astrovenkataeswar@gmail.com
91590 13118

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.