காதலை பிரித்த வில்லன் நடிகருக்கு மேடையில் வைத்து பளார் விட்ட பெண் - வைரல் விடியோ
Oct 27, 2024, 02:38 PM IST
- கன்னடாவில் டிவி நடிகராக இருந்து வருபவர் என்டி ராமசாமி. துணை நடிகரான இவர் ஒரு சில தெலுங்கு படங்களிலும் நடித்துள்ளார். இவர் நடித்திருக்கும் லவ் ரெட்டி என்ற படம் தற்போது வெளியாகி ஓடிக்கொண்டிருக்கிறது. படத்தில் வில்லனாக நடித்திருக்கும் என்டி ராமசாமி, ஹீரோயினின் தந்தையாக நடித்துள்ளார். இதில் காதலர்களி பிரிக்கும் விதமாக அவரது கதாபாத்திரம் அமைந்திருக்கும் நிலையில், படம் ஓடிக்கொண்டிருந்த தியேட்டருக்கு ரசிகர்களை சந்திக்க நடிகர் என்டி ராமசாமி உள்ளிட்ட படக்குழுவினர்கள் வந்திருந்தனர். அப்போது படம் முடிந்த பின்னர் மோடையில் ஏறிய படக்குழுவினர்களில் நடிகர் என்.டி.ராமசாமியை நோக்கி வந்த பெண், யாரும் எதிர்பாராத விதமாக அவரை கோபத்தில் அடித்து தாக்கியுள்ளார். பின் உடனடியாக அருகில் இருந்தவர்கள் நடிகர் தாக்க விடாமல் தடுத்ததுடன், அந்த பெண்ணை அங்கிருந்து அழைத்து சென்றனர். இதுதொடர்பான விடியோ சமூக வலைத்தளங்களில் வைரலாகி வருகிறது