Southern Railway: சென்னை - மதுரை ரயில் சேவையில் மாற்றம்..சில ரயில்கள் ரத்து - தெற்கு ரயில்வே வெளியிட்ட முக்கிய அறிவிப்பு

மதுரை, திருவனந்தபுரம் ரயில்வே கோட்டங்களில் நடைபெறவுள்ள பராமரிப்பு பணிகள் காரணமாக ரயில் சேவைகளில் மாற்றம் செய்யப்பட்டுள்ளன. அதன் விபரம் இதோ..!

மதுரை – இராமநாதபுரம் இடையே பகல் 12.30 மணிக்கும் மற்றும் இராமநாதபுரம் – மதுரை இடையே காலை 11 மணிக்கும் இயக்கப்படும் பாசஞ்சர் ரயிலானது வருகிற ஆகஸ்ட் 5,6,8,9,11 ஆகிய நாட்களில் முழுமையாக ரத்து செய்யப்பட்டுள்ளது.

ரயில் சேவை பகுதியாக ரத்து

மங்களூரு – கன்னியாகுமரி இடையே அதிகாலை 5.05 மணிக்கு இயக்கப்படும் பரசுராம் விரைவு ரயில் ஆகஸ்ட் 5,8 ஆகிய தேதிகளில் திருவனந்தபுரம் வரை மட்டுமே இயக்கப்படும். 

கன்னியாகுமரி – மங்களூரு சென்ட்ரல் இடையே அதிகாலை 3.45 மணிக்கு இயக்கப்படும் பரசுராம் விரைவு ரயில் வருகிற ஆகஸ்ட் 6,9 ஆகிய தேதிகளில் கன்னியாகுமரியில் இருந்து புறப்படுவதற்கு பதிலாக திருவனந்தபுரத்தில் இருந்து காலை 6.15 மணிக்கு புறப்படும் என்று தெரிவிக்கப்பட்டுள்ளது.

மதுரை – புனலூர் இடையே இரவு 11.25 மணிக்கு இயக்கப்படும் விரைவு ரயிலானது வருகிற ஆகஸ்ட் 5,8 ஆகிய நாட்களில் திருநெல்வேலி வரை மட்டுமே இயக்கப்படும். மறுவழித்தடத்தில் புனலூர் – மதுரை இடையே மாலை 5.15 மணிக்கு இயக்கப்படும் விரைவு ரயிலானது ஆகஸ்ட் 6,9 ஆகிய நாட்களில் புனலூரில் இருந்து இயக்கப்படுவதற்கு பதிலாக திருநெல்வேலியில் இருந்து இயக்கப்படும்.

ரயில் சேவையில் மாற்றம்

குருவாயூர் – சென்னை எழும்பூர் இடையே இரவு 11.15 மணிக்கு இயக்கப்படும் விரைவு ரயிலானது வருகிற ஆகஸ்ட் 4,5,8,10 ஆகிய நாட்களில் மதுரை, சோழவந்தான், திண்டுக்கல் வழியாக செல்வதற்கு பதிலாக மானாமதுரை, காரைக்குடி, புதுக்கோட்டை வழியாக சென்னை எழும்பூர் வந்தடையும்.

சென்னை எழும்பூர் – குருவாயூர் இடையே காலை 9.45 மணிக்கு இயக்கப்படும் விரைவு ரயிலானது வருகிற ஆகஸ்ட் 4 ஆம் தேதியன்று திண்டுக்கல், சோழவந்தான், மதுரை வழியாக செல்வதற்கு பதிலாக புதுக்கோட்டை, காரைக்குடி, மானாமதுரை வழியாக குருவாயூர் சென்றடையும்.

மயிலாடுதுறை – செங்கோட்டை இடையே மதியம் 12 மணிக்கு இயக்கப்படும் விரைவு ரயில் ரயிலானது வருகிற ஆகஸ்ட் 8 ஆம் தேதியன்று திண்டுக்கல், சோழவந்தான், மதுரை வழியாக செல்வதற்கு பதிலாக புதுக்கோட்டை , காரைக்குடி, மானாமதுரை வழியாக செங்கோட்டை செல்லும்.

குருவாயூர் – சென்னை எழும்பூர் இடையே இரவு 11.15 மணிக்கு இயக்கப்படும் விரைவு ரயிலானது வருகிற ஆகஸ்ட் 16 முதல் 26 ஆம் தேதி வரை கேரளா மாநிலம் எர்ணாகுளம் வழியாக செல்வதற்கு பதிலாக கோட்டயம் வழியாக செல்லும்.

சென்னை சென்ட்ரல் – திருவனந்தபுரம் இடையே மாலை 3.10 மணிக்கு இயக்கப்படும் விரைவு ரயிலானது, வருகிற ஆகஸ்ட் 18,25 ஆகிய தேதிகளில் கேரளா மாநிலம் எர்ணாகுளம் வழியாக செல்வதற்கு பதிலாக கோட்டயம் வழியாக செல்லும்.

மேலும், திருச்சி-காரைக்குடி, மயிலாடுதுறை -செங்கோட்டை, கொச்சுவேலி-மங்களூரு, சென்னை - திருவனந்தபுரம் ஆகிய ரயில்களின் சேவையிலும் மாற்றம் செய்யப்பட்டுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9