Vadapalani Bus Accident : வடபழனியில் கிரேன் மோதி மாநகர பேருந்து சேதம்!

சென்னை : வடபழனியில் இன்று காலையில் மாநகரப் பேருந்து சென்று கொண்டிருந்தபோது மெட்ரோ ரயில் பணியில் ஈடுபட்டிருந்த கிரேன் பயங்கரமாக மோதியுள்ளது. இந்த விபத்தில் பேருந்தின் முன் பகுதி பெரும் சேதம் அடைந்துள்ளது.

பேருந்தில் பயணிகள் அதிகம் இல்லாததால் பெரும் விபத்து தவிர்க்கப்பட்டது. நல்வாய்ப்பாக யாருக்கும் காயம் இல்லை. 

விபத்து குறித்து அறிந்ததும் போலீசார் சம்பவ இடத்திற்கு சென்று கிரேன் மோதியதில் சேதம் அடைந்த மாநகர பேருந்தை அப்புறப்படுத்தி போக்குவரத்தை சீர் செய்தனர். விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.