Palani fire accident:பழனி அருகே தனியார் நூல் ஆலையில் பாய்லர் வெடித்து தீ விபத்து

திண்டுக்கல் : பழனி அருகே சாமிநாதபுரம் பகுதியில் உள்ள வெங்கடேஸ்வரா நூல் ஆலையில் பாய்லர் வெடித்து தீ விபத்து ஏறபட்டுள்ளது. இதையடுத்து தீயணைப்புத் துறையினருக்கு தகவல் தெரிவிக்கப்பட்டது. தகவல் அறிந்து விரைந்து வந்த தீயணைப்புத் துறையினர் தீயை அணைக்கும் முயற்சியில் ஈடுபட்டனர்.

பின்னர் ஒரு மணி நேர போராட்டத்திற்கு பிறகு தீயணைப்புத் துறையினர் தீயை அணைத்தனர். பின்னர் இதுகுறித்து போலீசார் விசாரணை மேற்கொண்டனர். அதில், ஆயில் கேன் மூலம் தீ பற்றி பாய்லர் வெடித்ததாக முதற்கட்ட விசாரணையில் தெரியவந்துள்ளது. இந்த தீ விபத்தால் அப்பகுதியில் புகைமூட்டமாக காணப்பட்டது.

இந்த தீ விபத்தால் அப்பகுதியில் பரபரப்பான சூழல் உருவானது. மேலும் இந்த விபத்து குறித்து  போலீசார் தீவிர விசாரணை மேற்கொண்டு வருகின்றனர்.