International Moon Day: மனிதன் நிலவில் கால் வைத்த நாள்!சர்வதேச நிலவு தினம் இன்று - நிலவு ஆராய்ச்சியில் இந்தியாவின் பங்கு

அப்பல்லோ 11 சந்திரப் பயணத்தின் ஒரு பகுதியாக நிலவில் மனிதன் முதன்முதலில் நிலவில் இறங்கியதன் ஆண்டு நிறைவைக் கொண்டாடும் வகையில் ஜூலை 20 அன்று சர்வதேச நிலவு தினம் உலகம் முழுவதும் அனுசரிக்கப்படுகிறது.

1969 ஆம் ஆண்டு நிலவில் காலடி எடுத்து வைத்த முதல் விண்வெளி வீரர்களான நீல் ஆம்ஸ்ட்ராங் மற்றும் பஸ் ஆல்ட்ரின் ஆகியோரின் பங்களிப்பை போற்றும் வகையில் இந்த நாள் கொண்டாடப்படுகிறது. பல ஆண்டுகளாக தொழில்நுட்பம் எவ்வாறு வளர்ச்சியடைந்துள்ளது என்பதையும், எதிர்காலத்தில் ஆராய்வதற்கு இன்னும் நிறைய இருக்கிறது என்பதையும் மக்கள் உணர நாளாக இந்த நாள் அமைந்துள்ளது.

சர்வதேச நிலவு தினம் வரலாறு

மனிதர்கள் நிலவை பற்றிய பல்வேறு கோட்பாடுகளை எப்போதும் சிந்தித்து வந்தனர். முதல் தொலைநோக்கி கண்டுபிடிக்கப்படும் வரை இது மர்மமாகவே இருந்தது. தொலைநோக்கி நிலவின் மேற்பரப்பின் ஒரு கண்ணோட்டத்தைக் கொடுத்ததோடு, விண்வெளி ஆய்வில் ஒரு புதிய வழியை திறந்தது. நிலவின் மேற்பரப்பை பற்றி புரிந்து கொள்ள பல பணிகள் செயல்படுத்தப்பட்டுள்ளன.

ஐக்கிய நாடுகளின் பொதுச் சபை) ஜூலை 20 ஆம் தேதியை சர்வதேச நிலவு தினமாக அறிவித்தது, நிலவில் மனிதன் முதன்முதலில் இறங்கியதை கொண்டாடவும், நிலையான நிலவு ஆய்வு மற்றும் அதன் பயன்பாடு பற்றிய விழிப்புணர்வை பரப்பவும் இந்த நாள் அர்பணிக்கப்படுகிறது

சர்வதேச நிலவு நாள் முக்கியத்துவம்

ஐக்கிய நாடுகள் சபை விண்வெளி மனித வாழ்வில் ஒரு புதிய அங்கமாக இருப்பதாக கூறி அதை அங்கீகரித்துள்ளது. எனவே, மனிதகுலத்தின் முன்னேற்றத்துக்காக விண்வெளி பயன்படுத்துவதை இந்த அமைப்பு நோக்கமாகக் கொண்டுள்ளது.

ஐக்கிய நாடுகளின் விண்வெளி விவகாரங்களுக்கான அலுவலகம் என்பது ஐ.நா.வின் அதிகாரப்பூர்வ அமைப்பாக உள்ளது. இது விண்வெளியை அமைதியான முறையில் பயன்படுத்துவதில் சர்வதேச அளவிலான ஒத்துழைப்பை ஊக்குவிக்கிறது.

நிலவு பற்றி அடிப்படை விஷயங்கள்

நிலவை வானில் கண்டறிவது மிகவும் எளிதானது. நமக்கு மிக நெருக்கமாக இருப்பதால், நமது கலாச்சாரத்தில் இது மிகவும் முக்கியமானதாக இருப்பதுடன், பூமியில் அலைகளை ஏற்படுத்துவதில் நிலவு பெரும் பங்கு வகிக்கிறது.

நிலவின் அளவு பூமியின் கால் பகுதியாக உள்ளது. அதன் பூமத்திய ரேகையைச் சுற்றி 10,917 கிமீ விட்டம் மற்றும் 1,737 கிமீ ஆரம் உள்ளது. நிலவில் காற்று இல்லை, எனவே அது வெப்பத்தை தாங்கவோ அல்லது நிலத்தை சூடாக வைத்திருக்கவோ முடியாது.

சந்திரன் பூமியிலிருந்து சுமார் 384,400 கிலோமீட்டர் தொலைவில் உள்ளது, எனவே ஒரு விமானத்தில் அதை அடைய நிற்காமல் சென்றால் 17 நாள்களுக்கு வரை ஆகும்.

நிலவு ஆராய்ச்சியில் இந்தியாவின் பங்கு

ஜூலை 14, 2023 அன்று, இந்திய விண்வெளி ஆராய்ச்சி மையத்தின் (இஸ்ரோ) சந்திரயான்-3 விண்கலம் ஆந்திரப் பிரதேசத்தின் ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து வெற்றிகரமாக விண்ணில் ஏவப்பட்டது.

நிலவின் தென் துருவத்தில் விண்கலத்தை வெற்றிகரமாக தரையிறக்கிய முதல் நாடு என்ற பெருமையை இந்தியா அடைந்துள்ளது. இந்தியாவின் சந்திரயான்-3 பயணம் ஆகஸ்ட் 23, 2023 அன்று நிலவின் தென் துருவத்துக்கு அருகே வெற்றிகரமாக தரையிறங்கியது.

நிலவின் தென் துருவத்திலிருந்து 300 கிலோமீட்டர் தொலைவில் உள்ள மலாபெர்ட் ஏ என்ற பள்ளத்தில் ஒடிஸியஸ் தரையிறங்கியது.

நிலவு பற்றி நாசாவின் சில புள்ளிவிவரங்கள்

பூமியிலிருந்து சராசரி தூரம்: 238,855 மைல்கள் (384,400 கிமீ)

பெரிஜி (பூமிக்கு மிக அருகில்): 225,700 மைல்கள் (363,300 கிமீ)

அபோஜி (பூமியிலிருந்து வெகு தொலைவில்): 252,000 மைல்கள் (405,500 கிமீ)

சுற்றுப்பாதை சுற்றளவு: 1,499,618.58 மைல்கள் (2,413,402 கிமீ)

சராசரி சுற்றுப்பாதை வேகம்: 2,287 mph (3,680.5 kph)

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/