UNESCO World Heritage Centre: ’யுனெஸ்கோவுக்கு ஒரு மில்லியன் டாலர்களை இந்தியா வழங்கும்!’ அறிவிப்பால் அதிரடி காட்டிய மோடி!

யுனெஸ்கோ உலக பாரம்பரிய மையத்திற்கு, இந்தியா சார்பில் ஒரு மில்லியன் டாலர்கள் வழங்கப்படும் என்று பிரதமர் நரேந்திர மோடி அறிவித்து உள்ளார். 

பாரம்பரியத்திற்கு பாதுகாப்பு

புதுதில்லியில் உள்ள பாரத் மண்டபத்தில் இன்று நடைபெற்ற யுனொஸ்கோவின் 46-வது அமர்வைத் தொடக்கி வைத்துப் பேசிய பிரதமர் மோடி, உலகப் பாரம்பரியத்தைப் பாதுகாப்பதை இந்தியா தனது பொறுப்பாகக் கருதுவதாகவும், எனவே, இந்தியாவில் மட்டுமல்லாது, பாரம்பரியப் பாதுகாப்புக்கு ஆதரவளித்து வருவதாகவும் கூறினார். 

"உலகளாவிய பாரம்பரியத்தைப் பாதுகாப்பதை இந்தியா தனது பொறுப்பாகக் கருதுகிறது, எனவே, இந்தியாவில் மட்டுமல்ல, உலகளாவிய அளவில் பாரம்பரிய சின்னங்களை பாதுகாப்பதற்கு நாங்கள் ஆதரவை வழங்குகிறோம். கம்போடியாவில் உள்ள அங்கோர் வாட் போன்ற பல பாரம்பரியங்களைப் பாதுகாப்பதில் இந்தியா உதவுகிறது.  யுனெஸ்கோவின் உலக பாரம்பரிய மையத்திற்கு ஒரு மில்லியன் டாலர்களை வழங்குவதாக நான் அறிவித்துள்ளேன்" என்று பிரதமர் மோடி கூறினார்.

பாரம்பரியத்தை பாதுகாக்க ஒன்றிணையவும்

"இன்று, உலக பாரம்பரியக் குழுவின் 46வது அமர்வின் மூலம், பரஸ்பர பாரம்பரியத்தை முன்னெடுத்துச் செல்ல ஒன்றிணைய வேண்டும் என்பதே இந்தியாவின் வேண்டுகோள். மனித நல உணர்வுகளின் விரிவாக்கத்திற்காக ஒன்றிணைவோம். பாரம்பரியத்தை இனம் கண்டு புறக்கணித்த காலத்தையும் உலகம் கண்டுள்ளது. வளர்ச்சிக்காக, ஆனால் இன்றைய சகாப்தம் மிகவும் விழிப்புடன் இருக்கிறது" என்று பிரதமர் மோடி கூறினார்.

இந்தியாவின் அறிவியல் பாரம்பரியம்

இந்தியாவின் தொலைநோக்கு வளர்ச்சி மற்றும் பாரம்பரியம் குறித்து பேசிய பிரதமர், "கடந்த 10 ஆண்டுகளில், இந்தியா நவீன வளர்ச்சியின் புதிய பரிமாணங்களைத் தொட்டுள்ளது, மேலும் அதன் பாரம்பரியத்தில் பெருமை கொள்ள உறுதியளித்துள்ளது. அது காசியில் உள்ள விஸ்வநாதர் வழித்தடமாகட்டும், அயோத்தியில் ராமர் கோயில் ஆகட்டும். அல்லது பண்டைய நாளந்தாவின் நவீன வளாகமாகட்டும். இன்று நாடு முழுவதும் இதுபோன்ற எண்ணற்ற பணிகள் நடைபெற்று வருகின்றன, ஆயுர்வேதத்தின் பலன்கள் முழு உலகத்தையும் சென்றடைகின்றன, ஆனால் இது இந்தியாவின் அறிவியல் பாரம்பரியம்.

இந்தியாவின் பாரம்பரியம் வெறும் வரலாறு அல்ல அது அறிவியலும் கூட என்றும் பிரதமர் மோடி சுட்டிக்காட்டினார். "இந்தியாவின் பாரம்பரியத்தில், உயர்மட்ட பொறியியலின் புகழ்பெற்ற பயணத்தை ஒருவர் காணலாம். டெல்லியில் இருந்து சில நூறு கிலோமீட்டர் தொலைவில், 3500 மீட்டர் உயரத்தில் கேதார்நாத் கோயில் உள்ளது. இன்றும், அந்த இடம் புவியியல் ரீதியாக மிகவும் சவாலானது. அந்த இடத்திற்கு செல்ல நிறைய நடக்க வேண்டும், அல்லது ஹெலிகாப்டரில் செல்ல வேண்டும். ஆனால் 8 ஆம் நூற்றாண்டில் கடும் பனிப்பாறைகள் கொண்ட சூழைல் அங்கு கட்டுமான நடந்து உள்ளது என்பது ஆச்சரியமாக உள்ளது. 

"உலகில் பல்வேறு பாரம்பரிய மையங்கள் உள்ளன, ஆனால் இந்தியா மிகவும் பழமையானது, நிகழ்காலத்தின் ஒவ்வொரு புள்ளியும் ஒரு புகழ்பெற்ற கடந்த காலத்தின் கதையை விவரிக்கிறது. டெல்லியை இந்தியாவின் தலைநகராக உலகம் அறிந்திருக்கிறது, ஆனால் இங்கிருந்து 15 கிலோமீட்டர் தொலைவில், 2000 ஆண்டுகளாக திறந்த வெளியில் நிற்கும் ஒரு இரும்புத் தூண் உள்ளது. அந்த நேரத்தில் இந்தியாவின் உலோகவியல் எவ்வளவு முன்னேறியது என்பதை இது காட்டுகிறது, இந்தியாவின் பாரம்பரியம் வரலாறு மட்டுமல்ல, அது அறிவியலும் கூட என்று மோடி கூறினார்.