சீனாவில் வேகமாக பரவும் புதிய வைரஸ்..இந்தியாவிற்கு ஆபத்தா? - மத்திய அரசு விளக்கம்!

சீனாவில் புதிதாகப் பரவிவரும் ஏவியன் இன்ஃப்ளூயன்ஸா வகை கண்டறியப்படாத காய்ச்சல் காரணமாக சீன குழந்தைகளிடையே ஏற்படும் சுவாசக் கோளாறு பிரச்னையை உன்னிப்பாக கண்காணித்து வருவதாக மத்திய சுகாதார அமைச்சகம் தெரிவித்துள்ளது.

ஏவியன் இன்ஃப்ளூயன்ஸா மற்றும் சுவாச பிரச்னைகளின் பாதிப்பு ஆகிய இரண்டிலும் இந்தியாவிற்கான பாதிப்பு குறைவாக உள்ளதாகவும் மத்திய சுகாதார அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது. தற்போதைய சூழ்நிலையில் இருந்து வெளிப்படும் எந்தவொரு நெருக்கடியையும் இந்தியா எதிர்கொள்ள தயாராக இருப்பதாகவும் அந்த அறிக்கையில் கூறப்பட்டுள்ளது.

வடக்கு சீனாவில் உள்ள குழந்தைகளிடையே மர்மமான சுவாச நோய் பரவுவதாக ஊடகங்களில் வெளியான செய்திகளை மத்திய சுகாதார அமைச்சகம் கவனத்தில் கொண்டுள்ளது. இது தொடர்பாக உலக சுகாதார நிறுவனம் அறிக்கை ஒன்றை வெளியிட்டுள்ளது. அதில் "தற்போது கிடைத்த தகவல்களின் அடிப்படையில், கடந்த சில வாரங்களில் சீனாவில் சுவாச நோய்களின் பிரச்னைகள் அதிகரித்துள்ளதாக தெரிவிக்கப்பட்டுள்ளது. மேலும், இந்த வைரஸ் தொற்றானது, ஒரு மனிதரிடமிருந்து மற்றொரு மனிதருக்கு பரவும் வாய்ப்பு குறைவாக உள்ளதாகவும் மற்றும் குறைந்த இறப்பு விகிதத்தை கொண்டுள்ளதாகவும் உலக சுகாதார அமைப்பு தெரிவித்துள்ளது.

குழந்தைகளின் சுவாச கோளாறு நோய்க்கு வழக்கமான காரணங்கள் பல இருந்தாலும் அசாதாரண நோய்க்கிருமி அல்லது எதிர்பாராத ஏதேனும் அடையாளம் காணப்படவில்லை எனவும் மருத்துவ அறிக்கைகள் தெரிவிப்பதாகவும் மத்திய சுகாதார அமைச்சகம் தெரிவித்துள்ளது.

உலகளாவிய நோய் கண்காணிப்பு அமைப்பு ProMed, சீனாவில் 'கண்டறியப்படாத நிமோனியா' குறித்த எச்சரிக்கையை வெளியிட்டதும், உலக சுகாதார அமைப்பு சீனாவிடம் இருந்து கூடுதல் தகவல்களைக் கேட்டதும் இந்த தகவல் வெளிச்சத்திற்கு வந்தது.

சீனாவில் புதிய வகை வைரஸ் வேகமாக பரவி வருவதாகவும் அந்தக் காய்ச்சல் பாதிப்பால் மருத்துவமனைகள் நிரம்பி வருவதாகவும் ஊடகங்கள் தெரிவிக்கின்றன.  இதுதொடர்பான வீடியோக்களும் சமூகவலைத்தளங்களில் வெளிவந்துள்ளன.இது ஒரு புதிய நோய் அல்லது புதிய வைரஸ் காய்ச்சல் அல்ல, ஆனால் மைக்கோபிளாஸ்மா நிமோனியா போன்ற அறியப்பட்ட நோய்க் கிருமிகளின் சுழற்சி என்று சீனா கூறியது.

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.