Accident: திருப்பதி சென்றபோது சோகம்.. சித்தூர் அருகே சாலை விபத்தில் 3 பேர் பலி

சிங்கப்பூரில் இருந்து சென்னை வந்து அங்கிருந்து திருப்பதி சென்றபோது சித்தூர் அருகே சாலை விபத்தில் 3 பேர் உயிரிழந்தனர்.

ஆந்திரப் பிரதேச மாநிலம், சித்தூர் மாவட்டத்தில் டேங்கர் லாரியுடன் கார் மோதியதில் காரில் பயணித்த 3 பேர் நிகழ்விடத்திலேயே உயிரிழந்தனர்.

நகரி நகராட்சி அருகே தர்மபுரம் கிராஸில் எண்ணெய் ஏற்றி வந்த டேங்கர் லாரி கார் மீது இன்று காலை மோதியது.

காரில் இருந்த 3 பேர் சம்பவ இடத்திலேயே உயிரிழந்தனர். உள்ளூர் மக்களின் உதவியுடன் காரில் இருந்த உடல்களை போலீஸார் மீட்டனர்.

நகரி போலீஸார் டேங்கர் லாரி ஓட்டுநரை கைது செய்து காவல் நிலையத்தில் வைத்து விசாரித்து வருகின்றனர்.

காரில் பயணித்தவர்கள் திருப்பதிக்கு சென்று கொண்டிருந்தது தெரியவந்துள்ளது. காலையில் நிகழ்ந்த இந்த விபத்து நகரி பகுதியில் பெரும் சோகத்தை ஏற்படுத்தியது.