Top 7 Benefits of Ivy Gourd : எக்கச்சக்க நன்மைகளை அள்ளி வழங்கும் கோவக்காய்! உடல் பருமன் முதல் புற்றுநோய் வரை துரத்தும்!

கோவக்காய் எண்ணற்ற மருத்துவ குணங்கள் நிறைந்தது. கோவக்காயில் எண்ணற்ற வகைகளும் உள்ளது. கோவக்காய் வீக்கத்தை குறைக்கும் தன்மைகொண்து. இதில் உள்ள ஆன்டி ஆக்ஸிடன்ட்கள் பல்வேறு உடல் உபாதைகளை தீர்க்கின்றன. ரத்த அழுத்தம் மற்றும் நீரிழிவு என அவை வகைப்படுத்தப்பட்டுள்ளன. இந்தக் காய் கசப்புத் தன்மைகொண்டது. இது உடலில் செரிமானம் சீராக நடைபெற உதவுகிறது. உடல் எடையை குறைக்க உதவுகிறது. கோவக்காயில் உள்ள பீட்டா கரோட்டின்கள், ஆன்டிஆக்ஸிடன்ட்களின் தன்மைகொண்டவை. ரத்த பாதையில் ஆன்டி ஆக்ஸிடன்ட்கள் ஃப்ரி ராடிக்கல்களை முறைப்படுத்துகின்றன. இது செல்களின் சேதத்தை தடுக்கிறது அல்லது தாமத்தப்படுத்துகிறது. கோவக்காயில் ஃபைட்டோநியூட்டிரியன்கள் உள்ளன. அவை சாப்போனின்கள், ஃப்ளேவனாய்ட்கள் மற்றும் டெர்பெனாய்ட்கள் ஆகும். இவை இதயம் மற்றும் புற்றுநோய்க்கு எதிரான ஆற்றல் கொண்டவை. இது ஆஸ்துமா, சரும நோய்களையும் குணப்படுத்தும் தன்மைகொண்டது என்று குறிப்பிடப்பட்டுள்ளது. கோவக்காயில் அதிகளவில் நார்ச்சத்துக்கள், இரும்புச்சத்துக்கள், வைட்டமின் பி ஆகியவை உள்ளது. மலச்சிக்கலைப்போக்கும் திறன் கொண்டது கோவக்காய். இதில் உள்ள நன்மைகளை விரிவாகப் பார்ப்போம்.

ரத்த சர்க்கரை

கோவக்காய், ஆயுர்வேத மருத்துவத்தில் சர்க்கரை நோய்க்கு தீர்வாகிறது. இதன் இலைகளும் சமைத்து சாப்பிடப்படுகிறது. இதன் இலைகளில் சூப் தயாரிக்கலாம். கோவக்காயின் இலைகள், உங்கள் உடலில் குளுக்கோஸ் தாங்கும் திறனை அதிகரிக்கிறது. உங்கள் உணவில் கோவக்காயை சேர்ப்பதால் அது உங்கள் ரத்த சர்க்கரை அளவை முறைப்படுத்த உதவுகிறது.

உடல் பருமன்

கோவக்காயில் உள்ள உடல் பருமனுக்கு எதிரான குணங்கள், கொழுப்புகள் உருவாவதை தடுக்கின்றன. உடலின் வளர்சிதையை அதிகரித்து, ரத்த சர்க்கரை அளவைக் குறைக்கிறது. இது பெரும்பாலான இந்திய உணவுகளில் அதிகம் பயன்படுத்தப்படுகிறது.

சோர்வு

உங்கள் உடலுக்கு தேவையான ஆற்றல்களுள் ஒன்று இரும்புச்சத்துக்கள். எனவே உங்கள் உணவில் இரும்புச்சத்துக்கள் அதிகம் உள்ள உணவு வகைகளை எடுத்துக்கொண்டாலே போதும். அது உங்களின் உடல் சீராக இயங்க உதவும். இரும்புச்சத்துக்கள் குறைந்தால் அனீமியா ஏற்படும். இரும்புச்சத்துக்கள் உடலுக்கு ஆற்றலைத் தருகிறது. உடலின் சமநிலை மற்றும் ஃபிட்னஸை முறைப்படுத்துகிறது. இரும்புச்சத்துக்கள் குறைபாடு பல்வேறு உடல் உபாதைகளுக்கு இட்டுச்செல்லும். எனவே இந்தக்காயை சாப்பிட்டால் அது உங்கள் உடலில் உள்ள இரும்புச்சத்துக்கள் குறைபாட்டைப் போக்கும்.

நரம்பு மண்டலத்தை காக்கிறது

தர்ப்பூசணியைப்போல், கோவக்காயில் வைட்டமின் பி2 உள்ளது. அது நீரில் கரையக்கூடியது. இது உங்கள் உடலின் ஆற்றல் அளவை அதிகரிக்கச் செய்கிறது. உங்கள் உடலில் இந்த வைட்டமின் முக்கிய பங்கு வகிக்கிறது. இதில் உள்ள ஊட்டச்சத்துக்கள், மினரல்கள் மற்றும் ஆன்டி ஆக்ஸிடன்ட்கள் நரம்பு மண்டலம் மேம்பட உதவுகிறது.

நோய்களை தீர்க்க உதவுகிறது

கோவக்காய் பல்வேறு நோய்களை தீர்க்க உதவுகிறது. இதன் ஆன்டிஆக்ஸிடன்ட் குணங்கள் உடலில் உள்ள ஃப்ரி ராடிக்கல்களை அழிக்கிறது. இது உங்களுக்கு வயோதிகம் ஏற்பட காரணமான ஒன்றாகும். இதுமட்டுமின்றி, காய்ச்சல், ஆஸ்துமா, தொழுநோய், மஞ்சள் காமாலை மற்றும் வயிறு கோளாறுகள் உள்ளிட்ட பல்வேறு நோய்களை குணப்படுத்துகிறது.

அலர்ஜியை எதிர்க்கிறது

இதில் உள்ள சாப்போனின்கள், ஆல்கலைட்கள், ஸ்ட்ராய்ட்கள், ஃப்ளேவனாய்ட்கள் மற்றும் கிளைக்கோசைட்கள் உடலை அலர்ஜிகளில் இருந்து காக்கிறது.

புற்றுநோயைத் தடுக்கிறது

கோவக்காயில் உள்ள ஆன்டி ஆக்ஸிடன்ட்கள் மற்றும் அதிகம் உள்ள பீட்டாகரோட்டின் குணங்கள், புற்றுநோயைத் தடுக்கிறது. கட்களின் வளர்ச்சியைக் குறைக்கிறது. புற்றுநோய் செல்கள் அதிகரிப்பதை தடுக்கிறது. புற்றுநோய் ஏற்படும் ஆபத்தைக் குறைக்கிறது. எனவே இந்த கோவக்காயை உங்கள் அன்றாட உணவில் சேர்ப்பது அவசியம்.

ஊட்டச்சத்துக்கள்

100 கிராம் கோவக்காயில் 18 கலோரிகள் உள்ளன. 0.1 கிராம் கொழுப்பு, பொட்டாசியம் 0.0064 கிராம், கார்போஹைட்ரேட்கள் 3.1 கிராம், கால்சியம் 0.4 கிராம், வைட்டமின் சி 1.56 சதவீதம், இரும்புச்சத்துக்கள் 17.50 சதவீதம் உள்ளது.

பக்கவிளைவுகள்

இந்த காயே சிலருக்கு அலர்ஜியை ஏற்படுத்தும். எனவே மருத்துவரின் பரிந்துரைப்படியே இந்தக்காயை எடுத்துக்கொள்ளவேண்டும். இந்தக்காயை சாப்பிடும்போது உங்களுக்கு சருமத்தில் அரிப்பு அல்லது உடலில் புண்கள் தோன்றினால் இதை எடுத்துக்கொள்வதை தவிர்ப்பது நல்லது. கர்ப்பிணிகள், பாலூட்டும் தாய்மார்கள் மற்றும் பச்சிளம் குழந்தைகளும் மருத்துவரின் பரிந்துரையின் பெயரிலேயே எடுத்துக்கொள்ளவேண்டும்.

கோவக்காயில் உள்ள வேறு பலன்கள்

நீங்கள் உடல் பருமனால் அவதிப்படுபவர் என்றால், உங்கள் உணவில் கட்டாயம் கோவக்காய் இருக்கட்டும். அது உங்களுக்கு உடல் எடையை குறைக்க உதவுகிறது.

கோவக்காயில் 1.4 கிராம் இரும்புச்சத்து உள்ளது, இது உடலில் இருந்து ரத்த சோகையை நீக்குகிறது. உங்கள் உடலில் இரும்புச்சத்து குறைவாக இருந்தால், அதிலிருந்து விடுபட இந்தக்காய் உதவும்.

நீங்கள் மாதவிடாய் பிரச்னைகளால் பாதிக்கப்பட்டிருந்தால், கோவக்காய் உங்களை காப்பாற்றும். தினமும் எடுத்துக்கொண்டால், ஒழுங்கற்ற மாதவிடாய் சுழற்சியில் இருந்து உங்களை காப்பாற்றிக்கொள்ளலாம்.

கோவக்காயில் ஆன்டிஆக்ஸிடன்ட்கள் நிறைந்துள்ளன, அவை உங்கள் நோய் எதிர்ப்பு சக்தியை அதிகரிக்கும். நோய் எதிர்ப்பு சக்தியை அதிகரிப்பதுடன் புற்றுநோய், கட்டிகள் மற்றும் சிறுநீரக கற்கள் ஆகியவற்றிலிருந்து உங்களைப் பாதுகாக்கிறது.

தினமும் கோவக்காய் சாப்பிட்டு வந்தால், உடலில் அதிகப்படியான சர்க்கரையின் அளவு குறையும். ரத்த சர்க்கரையை கட்டுக்குள் வைத்திருக்க உதவும்.