Detox Blood Vessels, Liver : ரத்த நாளங்கள் மற்றும் கல்லீரலை ஒரே நேரத்தில் சுத்தப்படுத்த வேண்டுமா? இந்த பானம் போதும்!

ரத்த நாளங்கள்

ரத்த நாளங்கள் நமது உடல் முழுவதும் ரத்தத்தை கொண்டு செல்பவையாகும். உடல் முழுவதும் ரத்தம் செல்லும் இதன் துவக்கம் மற்றும் முடிவு இரண்டும் உங்கள் இதயத்தில் இருக்கும். ரத்த நாளங்கள் மற்றும் இதய நாளங்கள்தான் உங்கள் உடலில் ரத்த ஓட்ட மண்டலத்தை உருவாக்குகின்றன. உடலில் 60 ஆயிரம் மைல் ரத்த நாளங்கள் உள்ளன. அவை மூன்று வகைப்படும். தமனிகள் உங்கள் இதயத்தில் இருந்து ரத்தத்தை எடுத்துச் செல்கின்றன. நரம்புகள் உங்கள் இதயத்தில் இருந்து ரத்தத்தை பின்புறம் எடுத்துச்செல்கின்றன. ரத்த நுண் குழாய்கள், சிரைகள் தமனிகளையும் நரம்புகளையும் இணைக்கின்றன. உங்கள் உடலில் இவற்றில் எப்படி ரத்த ஓட்டம் நடைபெறுகிறது என்று பாருங்கள்.

ரத்த ஓட்டம்

உங்கள் இதயத்தின் வலப்புறத்தில் நரம்புகள ரத்தத்தைக் கொண்டு வருகின்றன.

நுரையீரல் தமனிகள் உங்கள் நுரையீரலுக்கு ரத்தத்தைக் கொண்டு செல்கின்றன. அங்கு அவை ஆக்ஸிஜனைப் பெறுகின்றன.

நுரையீரல் நரம்புகள், உங்கள் இதயத்தின் இடப்புறத்தில் ஆக்ஸிஜன் அதிகம் உள்ள ரத்தத்தைக் கொண்டு செல்கின்றன.

உடலின் முக்கிய தமனி உங்கள் இதயத்தின் இடப்புறத்தில் உள்ள ரத்தத்தை உங்கள் உடல் முழுவதும் மற்ற தமனிகள் மூலம் அனுப்பி வைக்கிறது.

ரத்த நுண்குழாய்களுக்கு மெல்லிய சுவர்கள்தான் இருக்கும். அதனால் அவை ஆக்ஸிஜன், ஊட்டச்சத்துக்கள், கார்பன்டைஆக்ஸைட் மற்றும் கழிவு என திசுக்களில் இருந்து தேவையானவற்றை கிரகிக்கவும், தேவையற்றவற்றை வெளியேற்றவும் உதவுகின்றன.

நரம்புகள் மீண்டும் உங்கள் இதயத்துக்கு ரத்தத்தை திருப்பிக்கொண்டு வருகின்றன. இந்த செயல் மீண்டும் மீண்டும் இதே முறையில் நடைபெறுகிறது.

கல்லீரல்

நமது உடலில் உள்ள முக்கிய உறுப்புகளில் ஒன்று கல்லீரல். ஆனால் இதயம், நுரையீரல், மூளை ஆகியவற்றைதான் மருத்துவ உலகம் முக்கியமான உறுப்பாக கூறும்.

ஆனால், கல்லீரல்தான் உண்மையில் நமது உடலின் முக்கிய பாகம். அது உடலில் பல்வேறு வேலைகளை செய்து நமது உடல் ஆரோக்கியத்துடன் இருக்க உதவுகிறது.

இது உடலுக்கு கிடைக்கும் ரத்தத்தில் உள்ள நச்சுக்களை வெளியேற்றி, ஆரோக்கியமான ரத்த சர்க்கரை அளவை பராமரித்து, ரத்தம் உறைதலை முறைப்படுத்தி, உடலுக்கு தேவையான பல்வேறு முக்கிய பணிகளை செய்கிறது. இது உடலின் வலது புறத்தில் வயிற்றுப்பகுதியில் உள்ளது.

நமது உடலில் கல்லீரல் 500க்கும் மேற்பட்ட வேலைகளை செய்கிறது. ரத்த ஓட்டத்தில் உள்ள நச்சுக்களை அகற்றுகிறது. ரத்த சர்க்கரை அளவை பராமரிக்க உதவுகிறது. ரத்தச் சர்க்கரை அளவை கட்டுப்படுத்துகிறது.

தேவையான பொருட்கள்

கேரட் – 1

பீட்ரூட் – 1

இஞ்சி – அரை இன்ச்

ஆப்பிள் – 1

ஆரஞ்சு – 1

செய்முறை

பீட்ரூட், கேரட், ஆப்பிள் மற்றும் இஞ்சி என அனைத்தையும் சுத்தம் செய்து ஒரு மிக்ஸிஜாரில் சேர்த்து அடித்து எடுத்துக்கொள்ளவேண்டும். அதில் ஆரஞ்சு பழத்தை ஸ்க்வீசரில் பிழிந்து சேர்த்துக்கொள்ளவேண்டும். அனைத்தையும் தேன் சேர்த்து கலந்து அல்லது தேன் சேர்க்காமலும் கலந்து பருகலாம்.

இதை காலையில் வெறும் வயிற்றில் பருகவேண்டும். இது ஸ்மூத்தி போல் இருக்கும். இதை காலையில் பருகினால் அன்று முழுவதும் உங்கள் ரத்த நாளங்கள் மற்றும் கல்லீரல் இரண்டும் சுத்தம் செய்யப்பட்டு அவற்றின் பணிகள் சிறப்பாக நடக்கும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.