5 SuperFoods: நெல்லிக்காய் முதல் மோர் வரை: இயற்கையாக கொழுப்பின் அளவைக் குறைக்க உதவும் 5 சூப்பர் ஃபுட்கள்!

5 SuperFoods: அதிக அளவு எல்.டி.எல் கொழுப்பு (குறைந்த அடர்த்தி கொண்ட கொழுப்புப்புரதம்) மற்றும் ட்ரைகிளிசரைடுகள் மாரடைப்பு போன்ற பயங்கரமான உடல்நலப் பிரச்னையின் ஆரம்ப அறிகுறியாக இருக்கலாம். 

அதிக கொழுப்பு, அதிக சர்க்கரை உள்ள உணவுகள் உடலில் இரத்த ஓட்டத்தில் கட்டுப்பாடற்ற அளவிலான கெட்ட கொழுப்புக்கு வாழ்க்கை முறை காரணிகளாக இருக்கலாம். 

ஒரு சுறுசுறுப்பற்ற வாழ்க்கை முறையைக் கொண்டிருந்தால், கொலஸ்ட்ரால் பிரச்னைகள் மற்றும் அதைத் தொடர்ந்து நாள்பட்ட நோய்கள் உருவாகும் வாய்ப்புகள் அதிகம். வழக்கமான உடற்பயிற்சியைத் தவிர,  நார்ச்சத்து, பழங்கள், காய்கறிகள், ஆரோக்கியமான கொழுப்புகள் மற்றும் சில மூலிகைகள் ஆகியவற்றைச் சேர்ப்பது கொழுப்பைக் குறைக்க உதவும். 

கொலஸ்ட்ரால், உடலால் உற்பத்தி செய்யப்படும் மெழுகு போன்ற பொருள். இது பல முக்கியமான செயல்பாடுகளைக் கொண்டுள்ளது. இதை நாம் உணவின் மூலம் அதிகம் சேர்க்கும்போது, அது உடல் செயல்பாடுகளை சேதப்படுத்தத் தொடங்குகிறது. 

நல்ல கொழுப்பின் அளவு அல்லது எச்.டி.எல் (உயர் அடர்த்தி கொண்ட கொழுப்புப்புரதம்) ஆகியவற்றை மேம்படுத்துவது எல்.டி.எல்-ஐ அகற்ற உதவும். புகைபிடித்தல் மற்றும் குடிப்பதைத் தவிர்ப்பது கொழுப்பு நிர்வாகத்திற்கு உதவுகிறது. 

ஊட்டச்சத்து நிபுணர் கணேரிவால் தனது இன்ஸ்டாகிராம் பதிவில்,  சூப்பர்ஃபுட்களைப் பற்றி விவாதித்தார்.

1. பூண்டு:

பூண்டு சமைக்கும்போது தாளிக்கையில் பயன்படுத்தப்படுகிறது. நீங்கள் ஒரு பூண்டு சூப்பையும் தயார் செய்துகுடிக்கலாம். எனது வாடிக்கையாளர்களில் பெரும்பாலானோருடன், நான் பயன்படுத்தும் சமையல் குறிப்புகளில் ஒன்று, பூண்டு பால். தொடர்ந்து 12 வாரங்களுக்கு படுக்கை நேரத்தில் இதை உட்கொள்ளுங்கள். உங்களுக்காக இரத்த ஓட்டம் மேம்படுவதைப் பார்க்கலாம்.

2. பார்லி:

பார்லியில் கொலஸ்ட்ராலைக் குறைக்க உதவும் ப்ரீபயாடிக் பீட்டா-குளுக்கன் உள்ளது. பார்லி கிச்சடி, பார்லி கஞ்சி, பார்லி சூப் மற்றும் பார்லி ரொட்டி போன்ற பல வடிவங்களில் இதை உணவில் சேர்க்கலாம் என்று ஊட்டச்சத்து நிபுணர் கூறுகிறார்.

3. திரிபலா:

திரிபலா ஒரு நேர சோதனை செய்முறையாகும். இது உடலில் வீக்கத்தை நீக்குகிறது. இது உடலில் உள்ள கிட்டத்தட்ட அனைத்து உறுப்புகளுக்கும் உதவுகிறது. எனவே, இந்தியாவில் ஒரு பிரபலமான நாட்டுப்புற பழமொழி உள்ளது. அதில், "ஒரு தாய் தனது குழந்தைகளை கவனித்துக்கொள்வதைப் போலவே, திரிபலாவும் உடலின் உள் உறுப்புகளை கவனித்துக்கொள்கிறது"என்று. அப்படிப்பட்ட உணவு திரிபலா உடலில் கொழுப்பினைக் குறைக்க உதவுகிறது. 

4. மோர்:

பாரம்பரிய முறையில் மோர் தயாரித்து, பின்னர் அதில் மஞ்சள் தூள், கல் உப்பு, கறிவேப்பிலை மற்றும் அரைத்த இஞ்சி சேர்த்துக் கலக்கவும். ஒவ்வொரு நாளும் ஒரு முறை இதை உட்கொள்ளுங்கள், 3 மாதங்களுக்குப் பிறகு உங்கள் கொழுப்பின் அளவு குறைவதை நீங்கள் காண்பீர்கள்.

5. நெல்லிக்காய்:

கொழுப்பினை நீக்க சிறந்த வீட்டு வைத்தியங்களில் ஒன்று, நெல்லிக்காய். நெல்லிக்காயை 12 வாரங்கள் நுகர்ந்தால், அது கொழுப்பைக் குறைக்க உதவும். ஃப்ரெஷ் நெல்லிக்காயைப் பயன்படுத்துங்கள், இல்லையெனில் ஆண்டு முழுவதும் சந்தையில் கிடைக்கும் நெல்லிக்காய் தூளை நீங்கள் நீரில் கலந்து அருந்தலாம்.

"உங்களிடம் ஒட்டுமொத்த சீரான வாழ்க்கை முறை இல்லையென்றால் மேலே உள்ள சூப்பர்ஃபுட்கள் எதுவும் செயல்படாது: சரியாக சாப்பிடுங்கள், சரியான நேரத்தில் தூங்குங்கள், அடிக்கடி உங்கள் உடலை நகர்த்துங்கள்; மன அழுத்தத்தை நன்கு கையாளுங்கள்" என்று ஊட்டச்சத்து நிபுணர் கணேரிவால் கூறுகிறார்.