தீபா கிடைக்கும் வரை..அபாய சபதம் ஏற்ற தர்மலிங்கம்..ஷக்திக்கு உதித்த சந்தேகம் - பரபரக்கும் கார்த்திகை தீபம்!

தீபாவுக்காக தர்மலிங்கம் எடுத்த முடிவு.. கார்த்திக் காப்பாற்ற போவது எப்படி? கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில், திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் ஷூட்டிங் ஸ்பாட்டில் போலீஸ் துப்பாக்கிக்கு பதிலாக ரியல் துப்பாக்கி மாறிவிட, கடைசி நொடியில் தீபா கார்த்தியை காப்பாற்றி என்ன என்பது குறித்து பார்க்கலாம்.

மனதை மாற்றிய சக்தி

வீட்டில் தர்மலிங்கம் தீபா சின்ன வயசுல இருந்து ரொம்ப கஷ்டப்பட்ட பொண்ணு, தன்னுடைய தம்பியோட மருத்துவ செலவுக்காக, தன்னுடைய குரலையே அடமானம் வச்சுட்டா. உங்கள கல்யாணம் பண்ண பிறகுதான் அவ கொஞ்சம் சந்தோஷமா இருக்க ஆரம்பிச்சா. நீங்க அவளுக்கு கிடைச்சது அவ செஞ்ச பாக்கியம். எப்படியாவது தீபாவை கண்டு பிடிக்கணும் என்று சொல்லி வருத்தப்பட்டு பேச, கார்த்திக் கூடிய சீக்கிரம் கண்டுபிடித்து விடலாம் சார் என்று ஆறுதல் சொல்லி தேற்றுகிறான்.

இன்னொரு பக்கம், ஆசிரமத்தில் இருக்கும் சக்தி தீபாவை தேடி யாரும் வராத காரணத்தினால், போலீஸூக்கு விஷயத்தை சொல்லிவிடலாம் என்று முடிவெடுக்கிறாள். சக்தி ஸ்டேஷனுக்கு வர, அதற்கு முன்னதாக துங்கா ஐஸ்வர்யாவை பார்க்க ஸ்டேஷனுக்கு வந்திருக்க, அதைப் பார்த்து சக்தி தனது மனதை மாற்றிக் கொள்கிறாள்.

வாசித்துக் கொண்டே இருக்கப்போவதாக

அடுத்து கோயிலுக்கு வந்த தர்மலிங்கம், தீபா கிடைக்கும் வரை வாசித்துக் கொண்டே இருக்கப் போவதாக சொல்லி உட்கார்ந்து நாதஸ்வரம் வாசிக்க தொடங்குகிறார். இந்த சமயத்தில் ஷக்தி கோயிலுக்கு வர, இங்கு நடப்பதை அறிந்து, ஒருவேளை தர்மலிங்கம் தான் தீபாவோட அப்பாவாக இருப்பாரோ என யோசிக்கிறாள்.

அதே நேரத்தில் துங்கா அனுப்பிய ஆள் சக்தியை பார்த்து விடுகிறான். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

அதாவது, அடுத்த நாள் காலையில், தீபா மற்றும் கார்த்திக் இருவரும் ரிசார்ட்டில் இருந்து வீட்டிற்கு கிளம்பினர். இன்னொரு பக்கம் ஷூட்டிங் நடந்து கொண்டிருந்தது. அங்கு, ஷூட்டிங்கில் பயன்படுத்தப்படும் போலி துப்பாக்கிக்கு பதில் ரியல் துப்பாக்கி மாறியது தெரியாமல், அங்குள்ளவர்கள் ஷூட்டிங் செய்து கொண்டிருந்தனர்.

இதற்கிடையே, ஹீரோயினுக்கு டைலாக் பேச வராத காரணத்தால், டைரக்டர் கார்த்தியிடம் உதவி கேட்க, கார்த்திக் வந்து ஹீரோயினுக்கு டைலாக் சொல்லிக்கொடுத்தான். மறுபக்கம் தீபா ரிசப்ஷனில் காத்துக் கொண்டிருந்தாள்.

அப்போது ஷூட்டிங்கிற்கு துப்பாக்கியை கொடுத்த நிறுவனத்தில் இருந்து போன் செய்து, தவறுதலாக ரியல் துப்பாக்கியை கொடுத்து விட்டதாக சொல்ல, இந்த விஷயம் அறியும் தீபா விஷயத்தை சொல்ல ஓடி வந்தாள்.

நீளமான டைலாக் பேசிய ஹீரோயின், துப்பாக்கியை எடுத்து சுட போகும் இறுதி நொடியில், தீபா வந்து விஷயத்தை சொல்ல, அனைவரும் அதிர்ச்சியாகி ஷூட்டிங்கை நிறுத்தினர். அதன் பிறகு டைரக்டர் துப்பாக்கியை எடுத்து பார்த்து, உண்மை துப்பாக்கி என அறிந்து தீபாவிற்கு நன்றி கூறினார். அடுத்து கார்த்திக் மற்றும் தீபா கிளம்பினர்.

இன்னொரு பக்கம், டைரியின் மூலமாக தீபாவின் காதல் குறித்து படித்து அறியும் கீதா, கூடிய சீக்கிரம் தீபா திரும்பி வரணும், கார்த்திக் மேலே எவ்வளவு காதலோடு இருக்காங்க என்று வேண்டிக்கொண்டாள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.