H. Vinoth: அடுத்து யாரை இயக்கப்போகிறார் ஹெச்.வினோத்? - முக்கிய விவரம் உள்ளே!
Dec 12, 2023, 07:16 PM IST
Share
ஹெச்.வினோத் அஜித்தை வைத்து மீண்டும் படம் இயக்கவுள்ளதாகத் தகவல் வெளியாகியுள்ளது.
துணிவு படத்தை அடுத்து இயக்குநர் ஹெச். வினோத் நடிகர் அஜித்குமாரிடமும், நடிகர் கார்த்தியிடமும் கால்ஷீட் கேட்டு வருவதாகத் தகவல் வெளியாகியுள்ளது.
நடிகர் கமல்ஹாசன் பிரபாஸுடன் சேர்ந்து 'கல்கி 2898 ஏடி' என்ற படத்திலும், மணி ரத்னம் இயக்கி வரும் ‘தக் லைஃப்’ படத்திலும் நடித்து வருகிறார். ஆகையால், ஹெச்.வினோத் ரெடிசெய்த கதையில், நடிகர் கமல்ஹாசன் நடிப்பதாக உறுதி செய்யப்பட்டிருந்தாலும், அவர் தரப்பில் இருந்து கால்ஷீட் பஞ்சாயத்துகளால் கமலை வைத்து உடனடியாக படம் எடுக்கமுடியாமல் தவித்து வருகிறார், இயக்குநர் ஹெச்.வினோத்.
அதைத்தொடர்ந்து நடிகர் யோகி பாபு மற்றும் நடிகர் தனுஷிடம் படம் இயக்க கால்ஷீட் கிடைக்குமா எனக் கேட்டுள்ளார். ஆனாலும், அவர்களும் படுபிஸியாக இருப்பதாகத் தகவல் வந்திருக்கிறது.
இதனால் சற்று அப்செட்டான ஹெச்.வினோத் தான் முன்னர் பணிபுரிந்த கார்த்தியிடம் தீரன் அதிகாரம் ஒன்று படத்தின் இரண்டாம் பாகத்தை இயக்குவது குறித்து பேசியுள்ளார். ஆனால், அவரும் நலன் குமாரசாமியின் படம் மற்றும் கைதி 2ஆகியப் படங்களுக்கு கால்ஷீட் கொடுத்துள்ளதால், விழி பிதுங்கியுள்ளார்.
இதனால் ஹெச். வினோத், தனது ஆஸ்தான கதாநாயகனான அஜித்திடமே மீண்டும் கதை சொல்லி, படம் இயக்கும் முயற்சிகளில் ஈடுபட்டுவருவதாகத் தகவல் வெளியாகியுள்ளது.
முன்னதாக ஹெச். வினோத் அஜித்தை வைத்து நேர்கொண்ட பார்வை, வலிமை, துணிவு ஆகியப் படங்களை இயக்கியுள்ளார் என்பது குறிப்பிடத்தக்கது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்