Actor Premji: விஜய்யின் கார் எண்..அவர் 2026இல் முதலமைச்சர் ஆவார் என கேரண்டி தருகிறேன் - பிரேம்ஜி பேச்சு

ரசிகர்களின் மத்தியில் மிக பெரிய எதிர்பார்ப்பை ஏற்படுத்திய தி கோட் (தி கிரேட்டஸ்ட் ஆஃப் ஆல் டைம்) அன்டை மாநிலமான கேரளாவில் அதிகாலை 4 மணி காட்சியுடன் வெளியாகியுள்ளது. தமிழ்நாட்டில் படத்தின் முதல் காட்சி காலை 9 மணிக்கு வெளியாகிறது.

இதற்கிடையே படம் குறித்து நேர்மறையான விமர்சனங்கள் வெளிவந்து கொண்டிருக்கின்றன. படத்தை காண தளபதி விஜய்யின் ரசிகர்கள் மிகுந்த ஆர்வத்தில் இருந்து வருகின்றனர்.

தி கோட் படத்தின் இயக்குநர் வெங்கட் பிரபுவின் சகோதரரும், படத்தில் முக்கிய கதாபாத்திரத்தில் நடித்திருக்கும் நடிகர் பிரேம்ஜி ஹிந்துஸ்தான் டைம்ஸுக்கு பிரத்யேக பேட்டி அளித்தார். அப்போது அவர் படம் குறித்து பேசும்போது, இந்தப் படம் பிளாக்பஸ்டராக இருக்கும் என்றும், உலகளவில் அனைத்து மொழிகளிலும் ரூ. 1,500 கோடி வசூலிக்கும் என்றும் கூறினார்.

'தி கோட் படம் பிளாக்பஸ்டராக இருக்கும்'

தி கோட் படத்தில் விஜய் இரண்டு கதாபாத்திரங்களில் நடித்திருப்பது அனைவருக்கும் தெரியும். இதில் மூத்தவர் மற்றும் இளையவர் என இரு கேரக்டர்களில் வருகிறார்.

மூத்த விஜய்யை நான் ‘மாமா’ (மாமா) என்றும் இளைய விஜய் என்னை மாமா என்றும் அழைப்பார்கள். படத்தில் நான் சிநேகாவின் அண்ணனாக நடிக்கிறேன். அவர் மூத்த விஜய் கேரக்டரின் மனைவி.

விஜய் முதலமைச்சர் ஆவதற்கு நான் கேரண்டி

படத்தில் விஜய்யின் கார் எண் CM2026 என்று முன்னர் தெரிவித்தது, தளபதி விஜய் 2026இல் தனது கட்சியான தமிழக வெற்றி கழகத்துடன் (TVK) அரசியலுக்கு வருவதைக் குறிக்கிறது.

விஜய்க்கும் அவரது கட்சிக்கும் வாக்களிப்பீர்களா என்று பிரேம்ஜியிடம் கேட்டதற்கு, “ஆம், நிச்சயமாக! 2026இல் அவருக்கு வாக்களிப்பேன். 2026இல் விஜய் தமிழ்நாடு முதல்மைச்சராக வருவார் என நான் கேரண்டி அளிக்கிறேன்" என்றார்.

அஜித் குமார், தளபதி விஜய் என இருவருடனும் நடித்துள்ள நிலையில் பிரேம்ஜிக்கு பிடித்தது யார் என கேட்டபோது,

“எனக்கு மிகவும் பிடித்தவர் சூப்பர் ஸ்டார் ரஜினிகாந்த. நான் நிச்சயமாக அஜித் மற்றும் விஜய்யை நேசிக்கிறேன் ஆனால் சூப்பர் ஸ்டார் எல்லாவற்றுக்கும் மேலாக இருக்கிறார்" என்று சொல்லிவிட்டு சிரித்தார்.

தொடர்ந்து தி கோட் பற்றி பேசிய அவர், " தி கோட் படம் முழுக்க முழுக்க ஆச்சர்யங்கள் நிறைந்தது. இது ரசிகர்களுக்கும் பெரிய கொண்டாட்டமாக இருக்கும்." என்று கூறினார்.

45 வயதில் திருமணம்

பிரேம்ஜியின் சகோதரர் வெங்கட் பிரபு 26 வயதின்போதே திருமணம் செய்து கொண்டார். ஆனால் பிரேம்ஜி நீண்ட காலம் முரட்டு சிங்கிளாக இருந்து வந்த நிலையில், தனது 45 வயதில் கடந்த ஜூன் மாதம் திருமணம் செய்து பிரம்மசர்ய விரதத்தை முடித்துக்கொண்டார். சிந்து என்பவரை திருமணம் செய்து கொண்டிருக்கும் பிரேம்ஜி புதுமாப்பிள்ளை ஆன பிறகு வெளியாகும் முதல் படமாக தி கோட் உள்ளது.

"என் அம்மா இறந்த பிறகு நான் மிகுந்த மனவேதனையில் இருந்தேன். பின்னர் சிந்துவை காதலித்தேன். அவருடனான உறவு நன்றாக இருந்ததோடு, மனதில் மாற்றம் ஏற்படுத்தியது. தி கோட் ரிலீஸ் கொண்டாட்டங்களை ஆவலுடன் எதிர்பார்த்துக் கொண்டிருக்கிறேன்,” என்று தெரிவித்தார்.

தி கோட்

தளபதி விஜய், பிரசாந்த், பிரபுதேவா, சிநேகா, லைலா, மீனாட்சி செளத்ரி, மோகன் என பெரும் நட்சத்திர பட்டாளமே நடித்திருக்கும் தி கோட் படம் ஆக்‌ஷன் த்ரல்லர் படமாக உருவாகியுள்ளது. படத்துக்கு யுவன் ஷங்கர் ராஜா இசையமைத்துள்ளார். இந்த ஆண்டின் மிகப் பெரிய எதிர்பார்ப்பை ஏற்படுத்தியிருக்கும் இந்த படம், விஜய் அரசியல் கட்சி அறிவித்த பின்னர் வெளியாகும் படமாக உள்ளது.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/