Vanitha : கை நிறைய வளையல்.. திருமணத்திற்கு ரெடியான வனிதா? நிஜமா உங்களுக்கு திருமணமா? கேள்வி எழுப்பும் நெட்டிசன்கள்!

சமூக வலைதள பக்கங்களில் தற்போது பரபரப்பாக பேசிக் கொண்டிருப்பது வனிதா விஜயகுமாரின் திருமண பேச்சு தான். நேற்று ஒரு புகைப்படத்தை வெளியிட்டு ஒட்டு மொத்த இணைய வாசிகளையும் தன் பக்கம் ஈர்த்துவிட்டார் வனிதா. தமிழ் சினிமாவில் பலம்பெரும் நடிகரான விஜயகுமார் மற்றும் மஞ்சுளாவின் மூத்த மகள் தான் வனிதா விஜயகுமார். ஆனால் தற்போது தனது தந்தையுடன் பேச்சு வார்த்தை இல்லாமல் தனியாக வாழ்ந்து வருகின்றார்.

பர்சனல் பிரச்சினைகளின் வழியாகவே பிரபலம்

விஜய் நடித்த சந்திரலேகா திரைப்படத்தில் நடிகையாக அறிமுகமான அவர், தொடர்ந்து பல திரைப்படங்களில் நடித்தார். வனிதா விஜயகுமாரை பொறுத்தவரை அவர் நடிகையாக பிரபலமானதை விட, அவருடைய பர்சனல் பிரச்சினைகளின் வழியாகவே பிரபலம் அடைந்ததே அதிகம்.

முதலில் நடிகர் ஆகாஷை திருமணம் செய்த அவர் கருத்துவேறுபாடு காரணமாக அவரை பிரிந்தார். அதன் பின்னர் தொழிலதிபர் ஆனந்த் ஜெய் ராஜனை திருமணம் செய்து கொண்டார். அந்த மண உறவும் சில ஆண்டுகளில் முடிவுக்கு வந்தது. பின்னர், 2013ஆம் ஆண்டு நடன இயக்குநர் ராபர்ட்டுடன் வாழ்க்கையைத் தொடங்கிய வனிதா, 2017ஆம் ஆண்டு உறவில் இருந்து விலகினார். அதன் பின்னர் பீட்டர் பால் என்பவருடன் உறவில் இருந்த வனிதா அவரையும் திருமணம் செய்து கொண்டு பின்னர் பிரிந்தார்.

5 ஆம் தேதி திருமணமா?

இதனிடையே பிக்பாஸ் நிகழ்ச்சியில் பங்குபெற்ற வனிதா விஜயகுமார் மீண்டும் மீடியா வெளிச்சத்திற்கு வந்தார். அதனைத்தொடர்ந்து தன்னுடைய மகளான ஜோவிகாவையும் அண்மையில் நடந்து முடிந்த பிக்பாஸ் நிகழ்ச்சியில் பங்கு பெற செய்தார்.

இந்நிலையில் கடற்கரை ஒன்றில் ராபர்ட் மாஸ்டரின் கையை காதலோடு பிடித்தபடி வனிதா விஜயகுமார் புகைப்படம் ஒன்றை பதிவிட்டு உள்ளார். அதில் Save The Date October 5 என்று குறிப்பிடப்பட்டுள்ளது. அதாவது அவர்கள் இருவருக்கும் வருகிற 5 ஆம் தேதி திருமணம் நடைபெறவிருப்பதாக சொல்லப்பட்டு இருக்கிறது.

Mr & Mrs எனும் படத்தில் ராபர்ட் மாஸ்டருடன் இணைந்து ஜோடி போட்டு வனிதா விஜயகுமார் நடித்து வருகிறார். அந்த படத்தின் ஃபர்ஸ்ட் லுக் போஸ்டரைத் தான் வரும் அக்டோபர் 5ஆம் தேதி வெளியிடபோகின்றனர் என்றும் அதற்கான பப்ளிசிட்டி ஸ்டன்ட் தான் இது என தகவல்கள் வெளியாகி உள்ளன.

கை நிறைய வளையல் போட்டு இருக்கும் வனிதா

இந்நிலையில்  இன்ஸ்டாகிராமில் சில தினங்களுக்கு முன்பு கை நிறைய வளையல் போட்டு இருக்கும் புகைப்படத்தை வனிதா ஷேர் செய்திருக்கின்றார். இந்த புகைப்படத்தை பார்த்த ரசிகர்கள் பலரும் என்ன வனிதா அக்கா கல்யாணத்துக்கு ரெடி ஆகிட்டீங்க போலயே? நிஜமா உங்களுக்கு திருமணமா?  ராபர்ட் மாஸ்டரை மீண்டும் திருமணம் செய்து கொள்கிறீர்களா? என்று கருத்துக்களை பகிர்ந்து வருகிறார்கள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.