Thalapathy 69: முதல்ல என்ன சீன் எடுப்பாங்க.. பூஜையுடன் தொடங்கிய 'தளபதி 69 ' - குஷியான விஜய் ரசிகர்கள்!

Thalapathy 69: நடிகர் விஜய் தனது அரசியல் கட்சி குறித்த அறிவிப்பை தெரிவித்தபோது தமிழ் சினிமாவில் இருந்து முழுவதுமாக ஒதுங்கப்போவதாக அறிவித்தார்.

அப்போது இயக்குநர் ஹெச். வினோத் இயக்கும் தனது 69 ஆவது படமே தனது கடைசி படம். அதன் பின் முழு நேர அரசியலில் ஈடுபட போவதாகவும் நடிப்பதில் இருந்து முவுவதுமாக விலகுவதாகவும் அறிவித்தார். இந்த அறிவிப்பு ரசிகர்களிடையே பெரும் அதிர்ச்சியை ஏற்படுத்தியது. இதனால் விஜய்யின் 69 ஆவது படத்திற்கு ரசிகர்கள் மத்தியில் மிகுந்த எதிர்பார்ப்பு இருந்ததது. 

இந்நிலையில் 'தளபதி 69 ' படத்தின் பூஜை இன்று ( அக். 4 ) சென்னையில் நடைபெற்றது. இதில் படக்குழுவினர் உள்ளிட்ட அனைவரும் கலந்து கொண்டார்கள். இது தொடர்பான புகைப்படங்கள், வீடியோக்கள் சமூக வலைதளங்களில் வெளியாகி வைரலகி வருகிறது.

அரசியல் படம்

சதுரங்கவேட்டை’ திரைப்படம் மூலமாக இயக்குநராக அறிமுகமான ஹெச். வினோத், ‘ தீரன் அதிகாரம் ஒன்று ’  படத்தை இயக்கியதின் மூலம் கவனம் மிகு இயக்குநர்கள் பட்டியலில் இணைந்தார். தொடர்ந்து அஜித்தின் ‘ நேர் கொண்ட பார்வை ’ ‘ வலிமை ’ , ‘ துணிவு ’ உள்ளிட்ட படங்களை இயக்கி நட்சத்திர இயக்குநர்கள் பட்டியலில் இணைந்தார்.

விஜய் அடுத்ததாக அரசியலுக்கு செல்ல இருப்பதால் இந்தப்படம் அரசியல் படமாக இருக்குமா என்ற கேள்விக்கு, இந்தப்படம் முழுக்க முழுக்க விஜயின் படமாக இருக்குமென்று ஹெச்.வினோத் கூறியிருந்தார்.

கோட் படம்

நடிகர் விஜயின் நடிப்பில் கடந்த செப்டம்பர் 5 ஆம் தேதி வெளியான கோட் திரைப்படம் கலவையான விமர்சனங்களை பெற்று வருகிறது. இருப்பினும் பெரும்பான்மையான பார்வையாளர்களுக்கு திரைப்படம் பிடித்திருப்பதால், படத்தின் வசூல் 500 கோடி ரூபாய்யை தாண்டி மெகா ஹிட் அடித்திருக்கிறது.

அனிமல் திரைப்படம் மூலம் ரீ எண்ட்ரி ஆன நடிகர் பாபி டியோல், ஏற்கனவே நடிகர் விஜய்யுடன் பீஸ்ட் படத்தில் நடித்திருந்த நடிகை பூஜா ஹெக்டே, பிரேமலு படத்தின் நாயகி மமிதா பைஜு, இயக்குநரும் நடிகருமான கௌதம் மேனன் போன்றோர் விஜய் 69 படத்தில் இணைந்து உள்ளதாக படத்தின் தயாரிப்பு நிறுவனமான கேவிஎன் புரொடக்ஷன் அறிவிப்பை அடுத்தடுத்து வெளியிட்டு வந்தது. அஞ்சாதே திரைப்படத்தில் தனது நடிப்பால் பலரின் கவனத்தையும் ஈர்த்தவர் நடிகர் நரேன்.

படப்பிடிப்பு

இது வரை மக்கள் தளபதி 69 படத்தில் நடிக்கப் போகும் நடிகர்களின் பட்டியலை கண்டு குஷியாகி வந்த நிலையில், இந்தப் படத்திற்கான படப்பிடிக்கு தொடங்கும் நாள் இன்றுடன்  ( அக் . 4 ) பூஜையுடன் தொடங்கியது. இது தொடர்பான புகைப்படங்கள், வீடியோக்கள் சமூக வலைதளங்களில் வைரலாகி வருகிறது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.