“நின்னுக்கோரி வரனம்,பாலிருக்கி பழமிருக்கி” தமிழ் சினிமாவில் மதிப்புமிக்க குணச்சித்திர வேடங்களின் நடிகர் எல்ஐசி நரசிம்மன்

சிறுவயதில் குழந்தைகளிடம், பெரியவர்கள் பொதுவாக கேட்கும் கேள்வியாக, "நீ வளர்ந்த பின் டாக்டர், என்ஜினியர், போலீஸ், வக்கீல் இவர்களில் யாராக ஆக விருப்பம்" என்பது தான். அப்படி சிறுவயது ரோல் மாடலாக இருக்கும் கதாபாத்திரங்களுக்கு என தன்னை சினிமாக்களில் பொருத்தி கொண்டவராக நடிகர் எல்ஐசி நரசிம்மன் இருந்துள்ளார். குணச்சித்திர நடிகராக சுமார் 300க்கும் மேற்பட்ட படங்களில் நடித்திருக்கும் இவர், பெரும்பாலான படங்களில் போலீஸ், நீதிபதி, டாக்டர் போன்ற பலரின் சிறுவயது ரோல் மாடல் கேரக்டர்களிலேயே தோன்றியுள்ளார்.

எல்ஐசி நரசிம்மன் கலைப் பயணம்

கோவை மாவட்டத்தை பூர்வீகமாக கொண்டவர் எல்ஐசி நரசிம்மன். இவரது நிஜ பெயர் விஎல் நரசிம்மன். சிறு வயது மீது கலை ஆர்வம் மிக்கவராக இருந்த இவர் பள்ளியில் படித்தபோதே நாடகங்களில் தவறாமல் நடிப்பவராக இருந்துள்ளார். இவரது கலை ஆசைக்கு பெற்றோர்கள் தடை போட படிப்பில் கவனம் செலுத்தி பட்டம் பெற்றதோடு சென்னை வந்த எல்ஐசி நிறுவனத்தில் வேலை கிடைத்து பணிபுரிந்தார்.

நடிகை சந்திரகாந்தா நடத்தி வந்த சிவகாமி கலைமன்றம் நாடக குழுவின் இணைந்த எல்ஐசி நரசிம்மன், காலையில் வேலை, மாலையில் நாடகம் என இருந்து வந்துள்ளார். நாடகங்களில் பெரும்பாலும் முன்னணி கதாபாத்திரங்களில் தோன்றி கவனத்தை ஈரத்த நரசிம்மன், பின்னர் நடிகர் மேஜர் சுந்தர்ராஜன் நாடக ட்ரூப்பின் இணைந்து பல்வேறு நாடகங்களில் நடித்து வந்துள்ளார்.

திருப்பம் தந்த ரஜினியின் சூப்பர் ஹிட் படம்

மேடை நாடக நடிப்பால் சினிமா வாய்ப்பை பெற்ற நரசிம்மன், ஜெயசங்கர் நடத்த ஆசீர்வாதம் படம் மூலம் சினிமாவில் அறிமுகமானார். இதன்பின்னர் கமல்ஹாசனின் அந்தரங்கள் படத்தில் சிறு வேடத்தில் நடித்தார்.

ஆனால் இயக்குநர் எஸ்.பி. முத்துராமன் தான் மேடை நாடகங்களில் நரசிம்மன் நடிப்பு திறமையை பார்த்து அவருக்கு முதன்முதலில் சினிமாவில் நடிக்கும் வாய்பபை கொடுத்தார்.

எஸ்.பி. முத்துராமன் இயக்கிய ஒரு கோவில் இரு தீபங்கள் என்ற பிளாக் அண்ட் ஒயிட் படத்தில் மூன்று ஹீரோக்களில் ஒருவராக நடித்தார் நரசிம்மன். ஆனால் இந்த படம் ரிலீஸ் ஆகவில்லை என கூறப்படுகிறது. இதன் பின்னர் ரஜினிகாந்த் நடித்த ஆறிலிருந்து அறுபதுவரை படத்தில் அவரது தம்பியாக நடிக்க நரசிம்மனுக்கு, இயக்குநர் எஸ்.பி. முத்துராமன் வாய்ப்பை தந்தார். இதுவே நரசிம்மன் சினிமா கேரியரில் அவருக்கு திருப்புமுனையை தந்தது.

தன்னை ஒரு தேர்ந்த நடிகராக நிருபிக்க காரணமாக இருந்த இந்த படத்துக்கு பின்னர் தொடர்ந்து சினிமா வாய்ப்புகள் குவிய எல்ஐசியில் பார்த்து வந்த வேலையில் இருந்து விருப்பு ஓய்வு பெற்று முழு நேர நடிரானார்.

கவுண்டமணியுடன் காமெடியில் கலக்கிய நரசிம்மன்

ஆறிலிருந்து அறுபதுவரை படத்துக்கு பின் தொடர்ச்சியாக ரஜினியுடன் பல படங்களில் நடித்த நரசிம்மன், கமல், பிரபு போன்ற நடிகர்களுடன் நடித்தார். பொதுவாக குணச்சித்திர வேடங்களில் தோன்ற வந்த இவர் ராமராஜன் நடித்த தெம்மாங்கு பாட்டுக்காரன் படத்தில் கவுண்டமணியுடன் காமெடியில் அதகளம் செய்திருப்பார்.

படத்தில் பாட்டு வாத்தியாராக வரும் கவுண்டமணியிடம், கசாப்பு கடைக்காரராக வரும் நரசிம்மன் பாட்டு கற்றுக்கொள்வார். அப்போது பாலிருக்கி பழமிருக்கி என இவர் படுவது, நின்னுக்கோரி வரனம் என கசாப்பு கடை கத்தியால் தரைய தட்டுவது என வயிறை புண்ணாக்கும் விதமாக சிரிக்க வைத்திருப்பார்.

சின்னத்திரையிலும் முத்திரை பதித்த நடிகர் நரசிம்மன்

சினிமா மட்டுமல்லாமல் ஏராளமான டிவி சீரியல்கள், விளம்பர படங்களிலும் தோன்றி முத்திரை பதித்தவராக இருந்துள்ளார். சமூகத்தில் மதிப்புமிக்கவர்களாக இருக்கு நீதிபதி, போலீஸ், கல்லூரி புரொபோசர் போன்ற வேடங்கள் என அதில் தோன்றும் நடிகராக தவறாமல் நரசிம்மன் இருப்பார்.

நளினி என்பவரை திருமணம் செய்து கொண்ட நரசிம்மனுக்கு ஒரு மகன். மகள் இருக்கிறார்கள். இரண்டு வருடங்கள் புற்றுநோயுடன் போராடி வந்த நரசிம்மன், சென்னையில் தனது வீட்டில் தூக்கத்திலேயே உயிரிழந்தார். அக்டோபர் 27ஆம் தேதியான இன்று அவரது 13வது நினைவு நாள் ஆகும். நரசிம்மன் இந்த உலக விட்டு சென்றாலும் தனது கதாபாத்திரங்ளின் மூலம ரசிகர்கள் மனதில் வாழ்ந்து கொண்டிருப்பவராக உள்ளார்.