Suriya: வாரணம் ஆயிரம் படத்துக்கு பின் கல்லூரி மாணவனாக மாறும் சூர்யா! எந்த படத்துக்காக தெரியுமா?
Dec 21, 2023, 04:31 PM IST
Share
கடைசியாக வாரணம் ஆயிரம் படத்தில் கல்லூரி மாணவனாக நடித்த சூர்யா, அதன் பிறகு பல்வேறு விதமான கதாபாத்திரங்களில் நடித்து வந்துள்ளார். இப்போது மீண்டும் கல்லூரி மாணவன் கேரக்டரில் தோன்றவுள்ளார்.
தமிழ் சினிமாவில் முன்னணி நடிகராக இருந்து வரும் சூர்யா தற்போது பீரியட் ஆக்ஷன் த்ரில்லர் டிராமா பாணியில் உருவாகும் கங்குவா படத்தில் நடித்து வருகிறார். படத்தை சிறுத்தை சிவா இயக்குகிறார். கங்குவா படத்தின் மூலம் பாலிவுட் ஹீரோயின் திஷா பதானி தமிழில் அறிமுகமாகிறார்.
இந்த படத்தை தொடர்ந்து சூர்யா நடிக்க இருக்கும் 43வது படத்தை சுதா கொங்காரா இயக்குகிறார். சூரரை போற்று வெற்றிக்கு பின்னர் மீண்டும் சுதா கொங்காரா படத்தில் நடிக்கவுள்ளார் சூர்யா.
1967இல் தமிழ்நாட்டில் நிகழ்ந்த இந்தி எதிர்ப்பு போராட்டத்தை அடிப்படையாக வைத்து இந்த படம் உருவாக இருப்பதாக கூறப்படுகிறது. இதையடுத்து படத்தில் சூர்யா கல்லூரி மாணவனாக நடிக்க இருப்பதாக தகவல்கள் தெரிவிக்கின்றன.
இந்த படத்தின் படப்பிடிப்பு அடுத்த ஆண்டு தொடக்கத்தில் தொடங்கவுள்ளதாக கூறப்படுகிறது. இதற்கிடையே கல்லூரி மாணவந் லுக்குக்கு ஏற்ப சூர்யா மாறி வருகிறாராம்.
இந்த படத்தில் முக்கிய கதாபாத்திரத்தில் நடிக்க மலையாள நடிகர் துல்கர் சல்மான், நஸ்ரியா ஆகியோரிடம் பேச்சுவார்த்தை நடைபெற்று வருவதாக படக்குழுவுக்கு நெருக்கமான வட்டார தகவல்கல் தெரிவித்துள்ளன.
சூர்யா நடிப்பில் கடந்த 2022 ஆண்டில் எட்டுத்திக்கும் துணிந்தவன் படம் வெளியானது. அதே ஆண்டின் கமலின் விக்ரம் படத்தில் ரோலெக்ஸ் என்ற கேமியோ கதாபாத்திரத்தில் தோன்றி இந்தியா முழுவதும் டிரெண்டானார். அதேபோல் மாதவன் இயக்கி நடித்த ராக்கெட்ரி: தி நம்பி எபெக்ட் படத்தில் சூர்யாவாகவே தோன்றினார்.
இதையடுத்து 2023இல் சூர்யா நடிப்பில் எந்த படமும் வெளியாகவில்லை. கங்குவா படத்தில் பல கெட்டப்புகளில் தோன்றும் சூர்யா, அந்த படத்தின் படப்பிடிப்பில் பிஸியாக உள்ளார்.
2024ஆம் ஆண்டில் கங்குவா, சுதா கொங்காரா இயக்கும் சூர்யா 43 படங்கள் ரசிகர்களுக்கு சிறந்த விருந்தாக அமையும் என எதிர்பார்க்கலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்