பெரிதாக படங்கள் எதுவும் இல்லை..இந்த வாரம் ஓடிடியில் வெளியான தமிழ் த்ரில்லர் வெப்சீரிஸ்! அய்யனார் அரிவாள் பார்வையில் கதை

தீபாவளிக்கு இன்னும் இரண்டு வாரங்கள் இருக்கும் நிலையில் திரையரங்குகளை போல், ஓடிடியிலும் சில எதிர்பார்ப்பை ஏற்படுத்திய படங்கள் தீபாவளி ஸ்பெஷலாக வெளியாகும் என அறிவிக்கப்பட்டுள்ளன. அதற்கு முன் அக்டோபர் மூன்றாவது வெள்ளிக்கிழமையான அக்டோபர் 18ஆம் தேதி என்னென்ன படங்கள் ஓடிடியில் வெளியாகியுள்ளன, இந்த வார விடுமுறையில் எந்த படங்களை பார்க்கலாம் என்பதை தெரிந்து கொள்வோம்

ஸ்னேக்ஸ் அண்ட் லேடர்ஸ்

இயக்குநர் கார்த்திக் சுப்பராஜின் ஏ ஸ்டோன் பெஞ்ச் புரொடக்சன் சார்பில் கல்யாண் சுப்ரமணியன் தயாரித்துள்ள தொடர் ஸ்னேக்ஸ் அண்ட் லேடர்ஸ். த்ரில்லர் பாணியில் உருவாகியிருக்கும் இந்த தொடரில் நவீன் சந்த்ரா, நந்தா, மனோஜ் பாரதிராஜா, முத்துக்குமார், ஸ்ரீந்தா, ஸ்ரீஜித் ரவி உள்பட பலரும் நடித்துள்ளார்கள். இதை அசோக் வீரப்பன், பரத் முரளீதரன், கமலா அல்கெமிஸ் ஆகியோர் இயக்கியுள்ளனர்.

இந்த சீரிஸ் தமிழ் தவிர தெலுங்கு, மலையாளம், கன்னடம் மற்றும் இந்தி ஆகிய மொழிகளில் அமேசான் ப்ரைமில் வெளியாகியுள்ளது.

1000 பேபிஸ்

மிகவும் எதிர்பார்ப்பை ஏற்படுத்தயிருக்கும் இந்த மலையாள த்ரில்லர் சீரிஸில் நீனா குப்தா, ரஹ்மான் பிரதான கதாபாத்திரங்களில் நடித்துள்ளார்கள். நஜீம் கோயா இயக்கியிருக்கும் இந்த சீரிஸ் மலையாளம் தவிர தமிழ், தெலுங்கு, கன்னடம், மராத்தி, ஹிந்தி மற்றும் பெங்காலி ஆகிய மொழிகளில் டிஸ்னி ப்ளஸ் ஹாட் ஸ்டாரில் வெளியாகியுள்ளது.

தி டெவில்ஸ் ஹவர் சீசன் 2

ஏற்கனவே ரசிகர்கள் மத்தியில் வரவேற்பை பெற்ற தி டெவில்ஸ் ஹவர் தயாரிப்பாளர்கள் தற்போது புதிய சீசனை வெளியிட்டுள்ளனர். இந்த சீசனில் லூசி, ஐசக் மற்றும் கிதியோன் ஆகியோரை பின்தொடரும் விதமாக அமைந்துள்ளது. தங்கள் வாழ்க்கையில் பல சவால்களை இவர்கள் எதிர்கொள்கிறார்கள், அதே நேரத்தில் சிக்கலான இயற்கைக்கு அப்பாற்பட்ட நிகழ்வுகளை அனுபவிப்பதையும் பரபர திரைக்கதையுடன் தி டெவில்ஸ் ஹவர் சீசன் 2இல் சொல்லப்படுகிறது

சென்னையில் வானம் மேக மூட்டத்துடன் காணப்படும்

ரமேஷ் கோவிந்தராஜன் நடித்து, இயக்கியிருக்கும் இந்த த்ரில்லர் படத்தில் மைம் கோபி, ஹரிணி ராமேஷ் கிருஷ்ணன், அனிஷ் பத்மநாபன் பிரதான கதாபாத்திரத்தில் நடித்துள்ளார்கள்.

ஒரு சூறாவளியின் போது ஒரு தேங்காய் கடையில் இருந்து ஒரு அய்யனார் அரிவாளின் பார்வையில் இருந்து சொல்லப்படும் கதையாக உள்ளது. மழை பாதிப்பில் இருந்து நகரம் காப்பாற்றப்படுமா? அருவாள் மீண்டும் கடைக்கு வருமா? என்பதை விறுவிறுப்பான திரைக்கதையுடன் கூறும் விதமாக படம் அமைந்துள்ளது

இது தவிர ஆஷிப் அலி, அமலாபால் நடித்த மலையாள படமான 'லெவல் கிராஸ் அமேசான் ப்ரைம் ஓடிடியிலும், அடா ஷர்மா நடித்துள்ள ரீட்டா சன்யால் டிஸ்னி ப்ளஸ் ஹாட்ஸ்டாரிலும் இந்த வார தொடக்கத்தில் வெளியாகி ஸ்டிரீமிங் ஆகி வருகிறது.