Madhavan: ரூ. 17.5 கோடியில் சொகுசு அப்பார்மெண்ட் வாங்கிய நடிகர் மாதவன் - வைரலாகும் வீட்டின் புகைப்படங்கள்

தமிழ் சினிமாவில் முன்னணி நடிகராக இருந்து வரும் மாதவன், பாலிவுட்டிலும் புகழ்பெற்றவாக உள்ளார். மும்பையில் வசித்து வரும் மாதவன் அங்குள்ள பாந்த்ரா குர்லா வளாகத்தில் ஒரு புதிய சொகுசு அப்பார்மெண்ட் வாங்கியுள்ளார். மாதவன் வாங்கியிருக்கும் சொத்தின் மதிப்பு ரூ. 17.5 கோடிக்கு என கூறப்படுகிறது.

அவரது இந்த புதிய அப்பார்மெண்ட் குடியிருப்புக்கு தயாராக உள்ளது, சுமார் 389 சதுர மீட்டர் (4,182 சதுர அடி) மற்றும் இரண்டு பார்க்கிங் இடங்களுடன் இந்த அப்பார்மெண்ட் அமைந்துள்ளது.

மாதவன் பங்களாவின் கூடுதல் தகவல்கள்

4 மற்றும் 5 BHK அடுக்குமாடி குடியிருப்புகளை வழங்கும் உயர்தர குடியிருப்பு கட்டுமான நிறுவனான சிக்னியா பேர்ல் கட்டியிருக்கும் இந்த அப்பார்ட்மெண்ட்கள் 'வெனிஷியன் சூட்ஸ்' பாணியில் கட்டமைக்கப்ப்டடுள்ளது.

உட்புறச் சுவர்கள் மெதுவாக மறைந்து, ஒன்றோடொன்று இணைக்கும் லிவிங் ஸ்பெஸ் பகுதிகளின் நீட்டிக்கப்பட்ட கேன்வாஸைக் கொடுக்கின்றன. ஒரு வசதியான வாழ்க்கை முறைக்கு ஏற்ற பிரீமியம் வசதிகள் மற்றும் அம்சங்களை வழங்கும் விதமாக அமைந்துள்ளது. இது குடியிருப்பாளர்களுக்கு விரிவான லிவிங் ஸ்பெஸ், அதிநவீன வசதிகள் மற்றும் சூழலை வழங்குவதற்காக வடிவமைக்கப்பட்டுள்ளது. ஸ்கொயர் யார்டுகளின் கூற்றுப்படி, ஜூலை 22ஆம் தேதி இறுதி செய்யப்பட்ட விற்பனைப் பத்திரத்துக்கு, ரூ. 1.05 கோடி ரூபாய் முத்திரைத் தொகையும், பதிவுக் கட்டணமாக ரூ. 30 ஆயிரம் இருந்துள்ளது.

 மாதவன் புதிய வீடு புகைப்படங்கள்

மாதவன் வாங்கியிருக்கும் புதிய அப்பார்மெண்டின் புகைப்படங்கள் சமூக வலைத்தளங்களில் வெளியாகி வைரலாகியுள்ளது.

மாதவனின் புதிய அடுக்குமாடி குடியிருப்பு, வசதியான பாந்த்ரா குர்லா காம்ப்ளக்ஸ் பகுதியில் அமைந்துள்ளது. பாந்த்ரா குர்லா வளாகம் (BKC) மும்பையின் மிகவும் துடிப்பான மற்றும் மதிப்புமிக்க இடங்களில் ஒன்றாக உள்ளது,

உயர்தர குடியிருப்பு வாழ்க்கையுடன் வணிக சுறுசுறுப்பை தடையின்றி கலக்கிறது. உயர்தர வசதிகள், ஆடம்பர வாழ்க்கை விருப்பங்கள் மற்றும் மூலோபாய இருப்பிடம் ஆகியவற்றின் கலவையுடன், BKC மும்பையில் ஆடம்பரத்தை விரும்புவோரின் இடமாக உள்ளது.

மாதவன் புதிய படங்கள்

மாதவன் நடிப்பில் இந்த ஆண்டு தொடக்கத்தில் சைத்தான் என்ற படம் வெளியானது. இந்த படத்தில் ஜோதிகாவும் முக்கிய கதாபாத்திரத்தில் நடித்திருந்தார். பிரபல தயாரிப்பாளரான எஸ். சஷிகாந்த், டெஸ்ட் என்ற படத்தின் மூலம் இயக்குநராக அறிமுகமாகிறார். இந்த படத்தில் முக்கிய கதாபாத்திரத்தில் மாதவன் நடிக்கிறார். சித்தார்த், நயன்தாரா முன்னணி கதாபாத்திரத்தில் நடிக்கும் இந்த படம் ஸ்போர்ஸ்ட் டிராமா பாணியில் உருவாகிறது. இதுதவிர அதிர்ஷ்டசாலி என்ற படத்திலும் நடித்து வருகிறார்.

அத்துடன் மீடியாஒன் குளோபல் என்டர்டெயின்மென்ட் தயாரிக்கும் இரண்டு திரைப்படங்களில் மாதவன் ஒப்பந்தமாகியுள்ளார்: மித்ரன் ஆர். ஜவஹர் இயக்கித்தில் லண்டன் பின்னணியில் உருவாகும் பேமிலி டிராமா படத்திலும்,கிருஷ்ணகுமார் ராமகுமார் இயக்கும் இந்திய பொறியாளர் கோபால்சாமி துரைசாமி நாயுடு வாழ்க்கை வரலாற்றை அடிப்படையாக வைத்து உருவாகும் படத்திலும் நடிக்கிறார்.

அதேபோல் இயக்குநர் ராஜேஷ் டச்ரிவரின், செம்பகராமன் பிள்ளையின் வாழ்க்கை வரலாற்று படத்திலும் கரண் சிங் தியாகியின் சி. சங்கரன் நாயரின் வாழ்க்கை வரலாற்று படத்திலும் முக்கிய வேடங்களில் நடிக்க உள்ளார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/