vadivelu birthday: வடிவேலு பிறந்தநாளில் நாய்சேகர் ரிட்டன்ஸ் படக்குழு சர்ப்ரைஸ்

லைக்கா புரொடக்‌ஷன்ஸ் தயாரிக்கும் இந்தப் படத்தி சுராஜ் இயக்குகிறார். இந்தப் படத்தின் டைட்டில் வடிவேலு நடித்த பிரபல காமெடி கதாபாத்திரமான நாய்சேகர் என்பதை தழுவி நாய்சேகர் ரிட்டன்ஸ் என வைக்கப்பட்டுள்ளது.

முன்னதாக இந்தப் படத்துக்கு முதலில் நாய்சேகர் என்றே தலைப்பு வைக்கப்பட்டிருந்தது. ஆனால் இதேபோல் நடிகர் சதீஷ் நடித்த படமும் உருவாகி ரிலீசுக்கு தயாராகிவிட்ட நிலையில், வடிவேலுவின் படத்துக்கு நாய்சேகர் ரிட்டன்ஸ் என தலைப்பு மாற்றப்பட்டது.

படத்தில் வடிவேலு கதையின் நாயகனாக நடித்து வருகிறார். சந்தோஷ் நாரணயனன் இசையமைக்கிறார். இதையடுத்து வடிவேலுவின் 62வது பிறந்தநாளை முன்னிட்ட படத்தின் புதிய போஸ்டரை படக்குழுவினர் வெளியிட்டுள்ளனர்.

இந்தப் படத்தில் குக் வித் கோமாளி சிவாங்கி, ரெடிங் கிங்ஸ்லே, ஷிவானி நாரயணன், ஆனந்தராஜ், முனிஸ்காந்த், ராவ் ரமேஷ், ஆர்ஜே விக்னேஷ்காந்த் உள்பட பலரும் நடித்து வருகிறார்கள்.

வடிவேலு தனது பிறந்தநாளை மாரிசெல்வராஜ் இயக்கத்தில் உருவாகி வரும் மாமன்னன் படப்பிடிப்பு தளத்தில் வைத்து கொண்டாடியுள்ளார். இதன் புகைப்படங்கள் சமூக வலைத்தளங்களில் வெளியாகியுள்ளது.

சந்திரமுகியின் இரண்டாம் பாகமாக உருவாகி வரும் சந்திரமுகி 2 படத்திலும் காமெடி வேடத்தில் நடித்து வருகிறார் வடிவேலு.