மைனா நந்தினி - யோகேஷ்வரன் வாழ்க்கையில் வந்த புதுவரவு

சரவணன் மீனாட்சி சீரியல் மூலம் சின்னத்திரையில் அனைவரும் மத்தியில் அறியப்பட்டவர், மைனா நந்தினி. இந்த சீரியலில் அவர் மைனா என்ற கதாபாத்திரத்தின் மூலம் நடித்ததில், அவருக்கு அந்த அடைமொழி கிடைத்தது.

இதனையடுத்து அவர் ரியாலிட்டி நிகழ்ச்சிகளையும் தொகுத்து வழங்கி வருகிறார். அத்துடன் வம்சம், ரோமியோ ஜூலியட், கேடி பில்லா கில்லாடி ரங்கா படங்களில் நடித்தார்.

இவர் சமீபத்தில் வெளியான விக்ரம் படத்தில், விஜய் சேதுபதியின் மனைவியாக நடித்து இருந்தார். சின்னத்திரையில் மட்டுமில்லை வெள்ளித்திரையிலும் இப்போது மைனா ரொம்ப பிஸியாக இருக்கிறார்.

இவருக்கும், சீரியல் நடிகர் யோகேஷ்வரனும் காதலித்து திருமணம் செய்து கொண்டனர். இந்த தம்பதிக்கு துருவன் என்ற இரண்டு வயது மகன் இருக்கிறான். இவர்கள் யூ-டியூப் சேனல் வைத்து நடத்தி வருகின்றனர்.

சில மாதங்களுக்கு முன்பு தான் அபார்ட்மெண்டில் இருந்து தனி வீட்டிற்கு சென்றனர். அதே போல் சமீபத்தில் மாலத்தீவுக்கு சுற்றுலா சென்றனர்.

இந்நிலையில் மைனா நந்தினி - யோகேஷ்வரன் தம்பதி புதியதாக கார் ஒன்றை வாங்கி உள்ளனர். இதனை நந்தினி தனது இன்ஸ்டாகிராம் பக்கத்தில் ஷேர் செய்துள்ளார்.

அந்த படத்தில் மாலையுடன் புது கார் முன்பு இருவரும் போஸ் கொடுத்திருக்கின்றனர். இவர்களுக்கு ரசிகர்கள் தங்களது வாழ்த்துக்களை கூறி வருகின்றனர்.

முன்னதாக மணிமேகலை, கார் வாங்கி இருந்தார். அதனை அவர் தனது சமூக வலைதளத்தில் வெளியீட்டு உள்ளார்.