Karthi: ஹைதராபாத்துக்கு லட்டு... துபாய்க்கு குச்சு மிட்டாய்... வச்சு செய்த சாமி... வெளியான வீடியோ

மெய்யழகன் திரைப்படத்தை தெலுங்கிலும் படக்குழு வெளியிடும் நிலையில், அதற்கான ப்ரொமோஷன் நடைபெற்றது. அப்போது, தொகுப்பாளரின் கேள்விக்கு நடிகர் கார்த்தி நகைச்சுவையாக பதிலளிக்க அது சீரிஸான எதிர்வினையை ஏற்படுத்தியது.

இந்த நிலையில், மெய்யழகன் திரைப்படத்திற்கான ப்ரொமோஷன் பணிக்காக துபாய் சென்றது படக்குழு. அப்போது, நடிகர் கார்த்தியும், அரவிந்த் சாமியும் கையில் குச்சு மிட்டாயை வைத்துக் கொண்டு பேசிய வீடியோவை படக்குழு வெளியிட்டுள்ளது. இதையடுத்து லட்டு பிரச்சனை முடிந்ததும் குச்சு மிட்டாய்க்கு வந்து விட்டீர்களா என பலரும் கார்த்தியை கிண்டல் செய்து வருகின்றனர்.

திருப்பதி லட்டு பிரசாதம் தயார் செய்யப்படும் நெய்யில் விலங்குகளின் கொழுப்பு கலந்திருக்கலாம் என்று வெளியான தகவல் மக்களிடையே அதிர்ச்சியை ஏற்படுத்தியது. இந்த விவகாரம் தேசிய அளவில் பேசுபொருள் ஆன நிலையில் பலரும் தங்களது விமர்சனங்களை முன் வைத்தனர்.

டோலிவுட்டில் லட்டு பிரச்சனை

இதற்கிடையில், திருப்பதி லட்டு விவகாரம் தொடர்பாக ஹைதராபாத்தில் நடைபெற்ற சத்யம் சுந்தரம் அதாவது மெய்யழகன் படத்துக்கு தெலுங்கில் சூட்டிய பெயர் பட நிகழ்ச்சியின்போது தொகுப்பாளர் நடிகர் கார்த்தியிடம்,சிறுத்தை படத்தில் வரும் கண்ணா லட்டு தின்ன ஆசையா என காமெடியாக நடிகர் கார்த்தி பேசும் காட்சியை மீம் ஆக மாற்றி. லட்டு வேணுமா? இன்னொரு லட்டு வேணுமா சார் என நகைச்சுவையாகக் கேட்டார்.

அதற்குப் பதில் அளித்த நடிகர் கார்த்தி, "லட்டு குறித்து இப்போது பேசக்கூடாது. இது சென்ஸிடிவ் ஆன டாப்பிக்காக தற்போது உள்ளது. எனவே, லட்டு தற்போது வேண்டாம்" என்று சிரித்தவாறே சொன்னார்.

வம்படியாக வந்த பிரச்சனை

தொகுப்பாளர் விடாமல், மோதிச்சூர் லட்டு வேணுமா? என்று கேட்டார். அதற்குப் பதிலளித்த கார்த்தி, "லட்டு இப்போது வேண்டாம்" எனப் பதில் கூறினார்.

கடுப்பான பவர் ஸ்டார்

நடிகர் கார்த்தி பேசிய வீடியோ டோலிவுட்டில் வைரலான நிவையில், " லட்டு பற்றி பலருக்கு சிரிப்பாக உள்ளது. ஒரு சினிமா நிகழ்ச்சியில்கூட லட்டு, சென்சிட்டிவ் ஆன டாபிக் என ஹீரோ சொல்வதைப் பார்த்தேன்.

ஒருபோதும் யாரும் அப்படி பேசவேண்டாம். நான் அந்த ஹீரோவை ஒரு நல்ல நடிகராக மதிக்கிறேன். சனாதன தர்மத்தைப் பற்றி பொது இடத்தில் பேசுவதற்கு முன், ஒரு முறைக்கு நூறு முறையாவது சிந்திக்க வேண்டும்" என்று பவன் கல்யாண் காட்டமாகப் பேசினார்.

மன்னிப்பு கேட்ட கார்த்தி

இந்த விஷயம் சர்ச்சையாகியிருப்பதை உணர்ந்த நடிகர் கார்த்தி, தனது எக்ஸ் தளப் பக்கத்தில் வருத்தம் தெரிவித்தார்.

இந்த நிலையில், தற்போது மெய்யழகன் திரைப்படத்தின் ப்ரமோஷன் பணிக்காக துபாய் சென்ற படக்குழு, வீடியோ ஒன்றை வெளியிட்டுள்ளது.

வச்சு செய்த அரவிந்த் சாமி

அதில், நடிகர் கார்த்தியும் அரவிந்த் சாமியும் குச்சி மிட்டாய் சாப்பிட்டுக்கொண்டு இருந்தனர். அப்போது கார்த்தி, ஏன் அத்தான் நம்ம நீடாமங்கலம் எப்போ துபாய் மாதிரி ஆகும் என வெள்ளந்தியாக கேட்டார். அதற்கு பதிலளித்த அரவிந்த் சாமி, நீ இன்னும் கொஞ்ச நாள் இங்கேயே இரு. அப்போ துபாய் நீடாமங்கலம் மாதிரி ஆகிடும் என பதிலளிப்பார்.

இந்த வீடியோவை படக்குழு வெளியிட்ட நிலையில், நடிகர் கார்த்தியின் லட்டு பிரச்சனையே இப்போ தான் முடிந்துள்ளது. அதற்குள் அவர் குச்சி மிட்டாய் பக்கம் சென்று விட்டாரா என கிண்டலாக கூறி வருகின்றனர்.