Kayal Serial: கயலுக்கு எதிராக நடந்த கூட்டு சதி.. முக்காடு போட்டு மறைத்த மூர்த்தி.. பதறும் வடிவு! -கயல் சீரியல் அப்டேட்!

Kayal Serial: கயல் சீரியலில் இருந்து இன்று வெளியான புரோமோவில், மூர்த்தி முகத்தில் ஒருவித சஞ்சலம் தெரிந்த நிலையில், அதை கயலும், காமாட்சியும் கண்டுபிடித்து விட்டார்கள். இதையடுத்து அவர்கள் இதுகுறித்து கேட்க, அவன் என்ன சொல்வதென்று தெரியாமல் திணறிக் கொண்டிருந்தான். இதற்கிடையே, கயலின் தங்கை தீபிகாவின் திட்டத்தை தெரிந்து கொண்டு, இந்த கல்யாணத்தை நிறுத்த வேண்டும் என்று தானே நினைத்துக் கொண்டிருக்கிறாய். உன் முகத்திரையை கிழிக்கிறேன் என்று சொல்லி வேகமாக கிளம்புகிறாள். இது தொடர்பான நிகழ்வுகள் இன்றைய கயல் சீரியலின் புரோமோவில் இடம் பெற்றிருக்கின்றன.

கடந்த எபிசோடில் நடந்தது என்ன?

தர்மலிங்கமும்,வடிவும் கயலின் கல்யாணத்தை நிறுத்துவதற்காக சிவசங்கரியின் தங்கையை வைத்து, அன்புவின் ஃபோனை திருடி, லேடிஸ் பாத்ரூமில் வைத்தார்கள். அது பெரிய பிரச்சினையாக வெடித்த நிலையில், அதனை வைத்து, கல்யாணத்தை நிறுத்த வேண்டும் அவர்கள் முடிவெடுத்திருந்தார்கள். மகேஷ் இதை சைபர் கிரைம் போலீசாரிடம் கொண்டு செல்லலாம் என்று கூறி, உடனே போன் செய்து வரவும் வைத்தான்.

போலீசார் வந்தால் நாம் மாட்டிக் கொள்வோம் என்று சுதாரித்துக் கொண்ட தர்மலிங்கம், தன்னுடைய பையனான சுப்ரமணியையே அதற்கு பலிகிடவாக மாற்றினான். சுப்ரமணியும் வேறு வழியில்லாமல் அப்பாவிற்காக பழியை ஏற்றுக்கொண்டான். இதையடுத்து ஒரு வழியாக பிரச்சினையை முடித்த தர்மலிங்கம் இதனைப்பற்றி பேசிக்கொண்டிருக்க, அதை மூர்த்தி பார்த்து விட்டான். இதையடுத்து கடும் கோபம் அடைந்த மூர்த்தி தர்மலிங்கத்தின் கழுத்தை நெரித்து கொல்லப் பார்த்தான். இதில், தர்மலிங்கமும் வடிவும் என்னசெய்வதென்று தெரியாமல் திணறிக்கொண்டிருந்தனர்.

கழுத்தை நெறித்த மூர்த்தி

ஒரு கட்டத்தில் வடிவு எவ்வளவோ சொல்லியும், தர்மலிங்கம் எவ்வளவோ அலறியும், மூர்த்தி தர்மலிங்கத்தை விடவில்லை. எங்கள் வீட்டில் ஒரு மூத்தவராக இருந்து, நீங்கள் எப்படி இதை செய்யலாம் என்று கடுமையாக சாடினான். ஆனாலும், அவனுக்குள் தன்னுடைய பெரியப்பாவை இப்படி செய்து விட்டோமே என்ற குற்ற உணர்வு உறுத்திக் கொண்டே இருந்தது.

இந்த நிலையில் ஏன் இப்படி செய்தீர்கள் என்று கேட்க, தர்மலிங்கம் தன்னைத் தானே அடித்துக் கொண்டு, நான் இப்படிப்பட்ட ஒரு கேவலமான காரியத்தை செய்திருக்கிறேன் என்று நினைக்கும் பொழுது, தனக்கு குற்ற உணர்ச்சியாக இருக்கிறது என்று கூறினார். மேலும் அங்கிருந்த கத்தியை எடுத்து தன்னைத்தானே குத்திக் கொள்ள முயன்றார். இதையடுத்து அதிர்ச்சி அடைந்த மூர்த்தி, இதை நீங்கள் வெளியே சொல்ல வேண்டாம் நானும் வெளியே சொல்ல மாட்டேன். கயலின் கல்யாணம் தற்போது நல்லபடியாக நடக்கட்டும். இனிமேல் இப்படி செய்யாதீர்கள் என்று மன்னித்து விட்டு விட்டான். இதையடுத்து என்ன நடக்கப்போகிறது, மூர்த்தி என்ன செய்யப்போகிறான் என்பதை இன்றைய தினம் ஒளிப்பரப்பாகும் சீரியலில் பார்க்கலாம்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.