Kavithalaya Krishnan: ‘ஒரு போட்டோ கேட்டது குத்தமா.. என்ன அந்த மாதிரி திட்டி.. பாபா படத்தில்..’ - கவிதாலயா கிருஷ்ணன்!
Jul 28, 2024, 08:07 AM IST
Share
Kavithalaya krishnan: விதியை போட்டதே நான் தான். நான் அதை உடைக்கலாம்… என்று கூறி, வாங்க கிருஷ்ணன்…நாம் போட்டோ எடுத்துக் கொள்ளலாம் என்று கூறி அங்கிருந்த மாடிக்கு அழைத்துச் சென்றார். - கவிதாலயா கிருஷ்ணன்!
Kavithalaya Krishnan: பாபா படப்பிடிப்பில் தனக்கு நடந்த மோசமான சம்பவம் குறித்து கவிதாலயா கிருஷ்ணன் பிஹைண்ட்வுட்ஸ் யூடியூப் சேனலுக்கு அளித்த பேட்டியில் பேசி இருக்கிறார்.
சரக்கு அடிக்க மாட்டீர்கள்
இது குறித்து அவர் பேசும் போது, “பாபா திரைப்படத்தின் படப்பிடிப்பு வெளியூரில் நடந்து கொண்டிருந்தது. அந்தப் படத்தில் இடம்பெற்று இருந்த ஆட்டோக்காரர் கேரக்டரை ரஜினி சார்தான் எனக்கு பரிந்துரைத்து, நடிக்க வைத்தார். இதையடுத்து, ரஜினிகாந்த் அந்த படத்தின் படப்பிடிப்பில் என்னை சந்தித்தார். என்னிடம் உங்களுக்கான சம்பளம் சரியாக இருந்ததா, சாப்பிட்டீர்களா என்றெல்லாம் விசாரித்தார்.
கூடவே, வேறு ஏதாவது வேண்டுமா என்றும் கேட்டார். நான் எதுவும் வேண்டாம் என்று சொன்னேன். ஆனாலும் விடாத அவர், நீங்கள் மது கூட அருந்த மாட்டீர்கள் வேற ஏதாவது வேண்டுமா என்று மீண்டும் கேட்டார். இதையடுத்து, நான் உங்களுடன் ஒரு போட்டோ எடுத்துக் கொள்ள வேண்டும் என்று கேட்டேன். அவர் உடனே ஷூட்டிங் முடிந்த பின்னர் எடுத்துக் கொள்ளலாமா என்று கேட்டார். நான் சரி என்று கூறிவிட்டேன்.
திட்டத்தீர்த்த தயாரிப்பாளர்
இதை கேள்விபட்ட அந்த படத்தின் எக்சிக்யூட்டிவ் தயாரிப்பாளர் என்னிடம் வந்து, நீங்கள் ரஜினி சாரிடம் போட்டோ கேட்டீர்களாமே என்று கேட்க, ஆமாம் என்று நான் கூறியதுதான் மிச்சம். ஷூட்டிங்கில் யாரும் அவருடன் போட்டோ எடுக்கக்கூடாது என்பது விதியாக இருக்கும் பொழுது, நீங்கள் எப்படி அவரிடம் போட்டோ கேட்பீர்கள் என்று கூறி, என்னை கடுமையாக திட்டி தீர்த்து விட்டார். தொடர்ந்து நீங்கள் வீட்டிற்கு கிளம்பலாம் என்றும் கூறினார்.
ஆனால் நான் அங்கிருந்து கிளம்பவில்லை. நான் ரஜினி சாருக்காக காத்திருந்தேன். ரஜினி சார் ஷூட்டிங் முடித்து விட்டு, காரில் ஏறும் பொழுது, கிருஷ்ணன் எங்கே… என்னிடம் போட்டோ கேட்டாரே என்று கேட்டு இருக்கிறார். இந்த நிலையில் விஷயம் தெரிந்து நான் அங்கு வந்து விட்டேன். ரஜினி சார் என்னிடம் போட்டோ கேட்டீர்கள்..பின்னர் ஏன் கிளம்பி விட்டீர்கள் என்று கேட்டார். நான் எக்சிக்யூட்டி தயாரிப்பாளர் போட்டோ கேட்டதற்கு திட்டியதை அவரிடம் போட்டுக் கொடுத்து விட்டேன்.
எரிச்சல் கிளப்பிய ரஜினிகாந்த்
இதையடுத்து எக்சிக்யூட்டிவ் தயாரிப்பாளரிடம் ரஜினி சார், ஏன் அப்படி சொன்னீர்கள் என்று கேட்க, அவர் அது விதியாக இருக்கிறதே சார் என்று கூற, ரஜினி சார் விதியை போட்டதே நான் தான். நான் அதை உடைக்கலாம்… என்று கூறி, வாங்க கிருஷ்ணன்…நாம் போட்டோ எடுத்துக் கொள்ளலாம் என்று கூறி அங்கிருந்த மாடிக்கு அழைத்துச் சென்றார்.
போட்டோ எடுக்கப்போகும் போது, என் தோள் மீது கை போடுங்கள் என்று கூறினார். நான் அப்படியே அதிர்ந்து நின்று விட்டேன். நான் எப்படி சார் உங்கள் தோள் மீது கை போட முடியும் என்று கேட்டதற்கு, ரஜினி சார், உங்களை எத்தனை வருடங்களாக எனக்குத் தெரியும். நீங்கள் எனக்கு சிகரெட்டெல்லாம் வாங்கி கொடுத்து இருக்கிறீர்கள்… என்ன மறந்து விட்டீர்களா என்று சொன்னார். மேலும் நாம் இங்கு நின்று போட்டோ எடுப்பதற்கு காரணம், கீழே இருக்கும் கவுண்டமணி உள்ளிட்ட கலைஞர்களுக்கு, நீங்கள் என்னுடன் போட்டோ எடுக்கிறீர்கள் என்பது தெரிய வேண்டும். காரணம், நான் அவர்களுக்கு போட்டோ கொடுக்கவில்லை என்று கூறினார். மேலும் புகைப்படம் எடுத்த வரை இந்த புகைப்படத்தை அடுத்த நாளே பிரிண்ட் போட்டு இவர் கையில் கொடுக்க வேண்டும் என்று கறாராக சொல்லிவிட்டு கிளம்பினார். இதையடுத்து இரண்டு நாட்களில் அந்த போட்டோ என்னுடைய கைக்கு வந்து விட்டது” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்