Janhvi Kapoor: அம்மாவுக்கு மிகவும் பிடித்த இடம்! மும்பாத்தம்மன் கோயிலில் சாமி தரிசனம் - ஜான்வி கபூர் எமோஷனல்

பாலிவுட் சினிமாவில் வளர்ந்து வரும் இளம் நாயகியாக இருப்பவர் ஜான்வி கபூர். மறைந்த நடிகை ஸ்ரீதேவியின் மகளான இவரை கோலிவுட்டினர் சின்ன மயிலு என்று செல்லமாக அழைக்கிறார்கள். பிறந்த வளர்ந்தது மும்பையாக இருந்தாலும் இவருக்கு தனது தாயார் பிறந்த தமிழ்நாடு மீது தனி பாசம் உண்டு என்றே சொல்லலாம்.

அவ்வப்போது சென்னை விசிட் அடிக்கும் ஜான்வி கபூர் அங்கு ரிலாக்ஸாக நேரத்தை செலவிட்டு செல்வதையும் வழக்கமாக வைத்துள்ளார். சென்னையில் ஜான்வி கபூர் தந்தையும், தயாரிப்பாளருமான போனி கபூருக்கு சொந்தமாக ஆடம்பர பங்களா ஒன்று உள்ளது. அதைக்கூட சமீபத்தில் பிரபல டிராவல் நிறுவனத்துடன் ஒப்பந்தம் செய்து, பொதுமக்களும் வாடைகை கொடுத்து தங்கும் விதமாக வாய்ப்பும் ஏற்படுத்தப்பட்டுள்ளது.

முப்பாத்தம்மன் கோயிலில் சாமி தரிசனம்

ஐபிஎல் இறுதிப்போட்டியை காண்பதற்காக சென்னை வருகை புரிந்த ஜான்வி கபூர், இங்குள்ள முப்பாத்தம்மன் கோயிலில் சாமி தரிசனம் செய்துள்ளார். இதையடுத்து அதை புகைப்படம் எடுத்து தனது இன்ஸ்டாவில் பகிர்ந்திருக்கும் ஜான்வி, சென்னையில் அம்மாவுக்கு மிகவும் பிடித்தமான இடம் என எமோஷனையும் வெளிப்படுத்தியுள்ளார்.

ஜான்வியுடன், முன்னாள் ஹீரோயினும் கருத்தம்மா, உல்லாசம் உள்பட பல்வேறு படங்களில் நடித்த நடிகை மகேஷ்வரியும் கோயிலுக்கு சென்றுள்ளார். இருவரும் கோயில் வாசலில் வைத்து புகைப்படமும் எடுத்துக்கொண்டனர்.

கடவுள் பக்தி

பாலிவுட் சினிமாவில் தனது கவர்ச்சியால் கிறங்கடித்து ரசிகர்களின் கனவு கன்னியாக வலம் வரும் நடிகையாக இருக்கிறார் ஜான்வி கபூர். சினிமா தவிர பொது நிகழ்ச்சிகளிலும் கவர்ச்சி தரிசனத்தை அள்ள தரும் ஜான்வி, தீவிர கடவுள் பக்தி கொண்டவர் என அவருக்கு நெருக்கமானவர்கள் தெரிவித்துள்ளனர். திருப்பதி ஏழுமலையான கோயிலில் அடிக்கடி சாமி தரிசனம் செய்யும் ஜான்வி கபூர், தற்போது சென்னையில் முப்பாத்தம்மன் கோயிலில் முதல் முறையாக சாமி தரிசனம் செய்துள்ளார்.

ஜான்வி கபூர் புதிய படம்

ஜான்வி கபூர் நடித்திருக்கும் புதிய படமான மிஸ்டர் அண்ட் மிஸஸ் மகி வரும் 31ஆம் தேதி வெளியாகிறது. காதல் கலந்த ஸ்போர்ட்ஸ் டிராமா படமாக உருவாகியிருக்கும் இந்த படத்தில் ஜான்வி கபூர் ஜோடியாக ராஜ்குமார் ராவ் நடித்துள்ளார்.

தெலுகில் ஜூனியர் என்டிஆர் நடிக்கும் தேவாரா என்ற படத்தின் மூலம் தென்னிந்திய சினிமாவில் அறிமுகமாகிறார் ஜான்வி கபூர். இரண்டு பாகங்களாக உருவாகும் இந்த படத்தை தெலுங்கு சினிமா முன்னணி இயக்குநர் கொரட்லா சிவா இயக்குகிறார். ஆக்‌ஷன் படமாக உருவாகும் தேவாராவுக்கு அனிருத் இசையமைக்கிறார்.

ஐபிஎல் 2024 தொடரில் பல்வேறு போட்டிகளை நேரில் சென்று கண்டுகளித்த ஜான்வி, சென்னை சேப்பாக்கத்தில் நடைபெற்ற இறுதிப்போட்டியில் கொல்கத்தா நைட் ரைடர்ஸ் அணிக்கு ஆதரவு அளித்தார்.

இன்ஸ்டாவில் ஆக்டிவாக இருந்து வரும் ஜான்வியை இதுவரை 24.4 மில்லியன் பேர் பாலோ செய்கிறார்கள்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v