ரஜினிகாந்தின் 170வது படம்: கமிட் ஆன 'இறுதிச்சுற்று'ரித்திகா சிங், 'சார்பட்டா பரம்பரை' துஷாரா விஜயன்

நடிகர் ரஜினிகாந்த் நடிப்பில் இந்தாண்டு வெளியான ஜெயிலர் திரைப்படம் உலகம் முழுமைக்கும் சுமார் ரூ.650 கோடியைத் தாண்டி வசூல் வேட்டை நிகழ்த்தியது.

இதனைத் தொடர்ந்து ஜெய்பீம் பட இயக்குநர் த.ஜே.ஞானவேல் இயக்கத்தில் தனது 170வது படத்தை நடிகர் ரஜினிகாந்த் நடிக்கவுள்ளார். இப்படத்தை லைகா புரொடக்‌ஷன்ஸ் நிறுவனம் தயாரிக்கிறது. இந்நிலையில் ரஜினியின் 170வது படத்தின் முக்கிய அறிவிப்பை இன்று வெளியிடுவதாக லைகா புரொடக்‌ஷன்ஸ் நிறுவனம் அறிவித்திருந்தது.

அதன்படி ரஜினியின் 170வது படம் பற்றி இன்று வெளியான அறிவிப்பில், சார்பட்டா பரம்பரை படத்தில் மாரியம்மாளாக கலக்கிய துஷாரா விஜயன் இப்படத்தில் நடிக்கவுள்ளதாக தயாரிப்பு நிறுவனமான லைகா புரொடக்‌ஷன்ஸ் தெரிவித்துள்ளது. இதனைத் தொடர்ந்து, இறுதிச்சுற்று, ஓ மை கடவுளே படத்தில் நடித்த ரித்திகா சிங், ரஜினிகாந்தின் 170வது படத்தில் நடிக்கயிருப்பதாக லைகா புரொடக்‌ஷன்ஸ் அறிவித்துள்ளது. மேலும் இப்படத்திற்கான இசையினை வழக்கம்போல் அனிருத் செய்கிறார்.

முன்னதாக, ரஜினி நடித்து வரும் லால் சலாம் படத்தையும் லைகா புரொடக்‌ஷன்ஸ் நிறுவனமே தயாரித்து வருகிறது. ஐஸ்வர்யா ரஜினிகாந்த், தனது தந்தையினை வைத்து இயக்கியுள்ள இத்திரைப்படம் வரும் 2024 பொங்கலின்போது திரைக்கு வருகிறது என்பது குறிப்பிடத்தக்கது. இப்படத்தில் ரஜினி மொய்தீன் பாய் என்னும் முக்கிய கதாப்பாத்திரத்தில் நடித்திருப்பதாகவும் கூறப்படுகிறது.

த.ஜே.ஞானவேலின் படத்துக்குப் பின், நடிகர் ரஜினிகாந்த் லோகேஷ் கனகராஜ் இயக்கத்தில் நடிக்கவுள்ளார். 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v