Indian 2 intro video: ‘கம் பேக் இந்தியன் ’ - சாதித்தாரா ஷங்கர்? - இந்தியன் 2 அறிமுக வீடியோ எப்படி இருக்கு?
Nov 03, 2023, 06:17 PM IST
Share
இந்தியன் 2 அறிமுக வீடியோவை நடிகர் ரஜினிகாந்த் வெளியிட்டு இருக்கிறார்.
கடந்த 1996 ஆம் ஆண்டு கமல்ஹாசன் நடிப்பில் இயக்குநர் ஷங்கர் இயக்கத்தில் வெளியாகி மிகப்பெரிய வெற்றி பெற்ற திரைப்படம் இந்தியன் . இந்தப்படத்தின் இரண்டாம் பாகத்தை ஷங்கர் - கமல் கூட்டணி எடுக்க முடிவு செய்த நிலையில், இந்தப்படத்தின் தயாரிப்பாளராக லைகா சுபாஷ்கரன் கமிட் ஆனார்.
ஆனால் படப்பிடிப்பில் நடந்த விபத்து, கொரோனா ஊரடங்கு, ஷங்கர் - தயாரிப்பாளர் இடையே நடந்த மோதல் ஆகியவை இந்தப்படத்தை தாமதப்படுத்தியது. அதன் பின்னர் உதயநிதி ஸ்டாலின் பிரச்சினையில் தலையிட, இருதரப்பும் சமாதானம் ஆகி படப்பிடிப்பு தொடங்கப்பட்டது.
இந்தப்படத்தில் நடிகை காஜல் அகர்வால், ரகுல் ப்ரீத் சிங், ப்ரியா பவானி ஷங்கர் சமுத்திரக்கனி, ரோபா ஷங்கர் உள்ளிட்ட பல நடிகர்கள் நடித்துள்ளனர். இந்தப்படத்தின் அறிமுக வீடியோ இன்று நடிகர் ரஜினிகாந்த் தமிழில் வெளியிடுவார் என்று அறிவிக்கப்பட்டது.
அதன் படி தற்போது இந்தியன் 2 அறிமுக வீடியோ வெளியிடப்பட்டு இருக்கிறது. டீசரை பார்க்கும் போது இந்தியன் பாகம் ஒன்றில் மையக்கருவாக இருந்த லஞ்சம் வாங்குதலை மையப்படுத்தியே இந்தியன் பாகம் 2 ம் உருவாக்கப்பட்டு இருக்கிறது என்பது தெளிவாக தெரிகிறது.
முதல் பாகத்தில் இசையமைப்பாளராக ஏ.ஆர்.ரஹ்மான் பணியாற்றி இருந்த நிலையில், இதில் அனிருத் இசையமைத்து இருக்கிறார். பல மேடைகளில் ஷங்கரின் படத்தில் இசையமைப்பாளராக பணியாற்ற வேண்டும் என்று அவர் கூறி வந்த நிலையில், அந்த ஆசை இந்தப்படத்தில் நிறைவேறி இருக்கிறது.
கம் பேக் இந்தியன் என்ற பின்னணி பாடலோடே டீசர் நகர்கிறது. ஷங்கருக்கே உரித்தான பிரமாண்டம், கிராஃபிக்ஸ்,எமோஷன் என அத்தனையும் டீசரில் காட்சிகளாக விரிகின்றன. இறுதியாக நேதாஜி சுபாஷ் சந்திர போஸ் புகைப்படத்தை காண்பிக்கப்பட, கமல்ஹாசன் இந்தியன் 2 தாத்தா தோற்றத்தில் தோன்றுகிறார். அந்த தோற்றத்தின் மேக்கப், ஆடை, மொழிநடை என அனைத்தையும் நமக்கு இந்தியன் தாத்தாவை அப்படியே கண் முன்னே கொண்டு வந்து இருக்கிறது. ஷங்கருக்கு கடந்த சில திரைப்படங்கள் விமர்சன ரீதியாக பெரிய வரவேற்பை பெறாத நிலையில், இந்தப்படம் அவருக்கு கைகொடுக்குமா? என்பதை பொறுத்திருந்துதான் பார்க்க வேண்டும்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்