Dulquer Salmaan: கண்ணாலே சொன்னனே நூறு சாரி…கோட் பட ஹீரோயினுடன் லூட்டி.. ரொமன்ஸ் மூடில் துல்கர் சல்மான்!
Jun 22, 2024, 06:49 PM IST
Share
Dulquer Salmaan: கோபத்தில் இருக்கும் மனைவியின் மீதுள்ள கணவரின் பாசத்தை விவரிக்கும் பாடலாக அமைந்த இந்தப்பாடலை பாடலாசிரியர் விக்னேஷ் ராமகிருஷ்ணா எழுதியுள்ளார். - ரொமன்ஸ் மூடில் துல்கர்!
சித்தாரா எண்டர்டெயின்மெண்ட்ஸ் தயாரிப்பில், துல்கர் சல்மான் நடிப்பில், வெங்கி அட்லூரி இயக்கத்தில், ’லக்கி பாஸ்கர்’ படத்தில் இருந்து ஜி.வி.பிரகாஷ் குமார் இசையமைத்த முதல் பாடலான ‘கொல்லாதே’ அண்மையில் வெளியானது.
'மகாநடி’, ‘சீதா ராமன்’ போன்ற படங்களின் மூலம் கவனம் ஈர்த்த நடிகர் துல்கர் சல்மான் பான் இந்தியா ஹீரோவாக மாறியிருக்கிறார். அவருடைய நடிப்பில் அடுத்ததாக ‘லக்கி பாஸ்கர்’ திரைப்படம் வெளியாக இருக்கிறது. இயக்குநர் வெங்கி அட்லூரி இயக்கியிருக்கும் இந்த படத்தை, பிரபல தெலுங்கு தயாரிப்பு நிறுவனமான சித்தாரா எண்டர்டெயின்மென்ட்ஸ் பிரமாண்டமாக தயாரித்துள்ளது.
சமீபத்தில் வெளியான ’லக்கி பாஸ்கர்’ படத்தின் டீசரில் இடம் பெற்ற துல்கர் சல்மானின் வசீகரிக்கும் தோற்றம் மற்றும் கதைக்களம் ரசிகர்கள் மத்தியில் படத்தின் மீதான எதிர்பார்ப்பை ஏற்படுத்தி இருக்கிறது. இதனைதொடர்ந்து தேசிய விருது பெற்ற இசையமைப்பாளரான ஜி.வி.பிரகாஷ் குமார் இசையமைத்த முதல் சிங்கிளான 'கொல்லாமல் கொல்லாதே கோவக்காரி’ பாடல் வெளியிடப்பட்டது.
இந்தப் பாடலை பாடகர்கள் ஆனந்த் அரவிந்தாக்ஷன் மற்றும் ஸ்வேதா மோகன் இருவரும் பாடியுள்ளனர். பாடல் வசீகரிக்கும் வயலின் பகுதிகளுடன் தொடங்கி, புல்லாங்குழல் மெல்லிசையாக மாறி, டிரம் பீட்களால் மெருகேற்றி இசையமைப்பிற்கு கம்பீரத்தை சேர்த்துள்ளது.
என்ன கான்செப்ட்
கோபத்தில் இருக்கும் மனைவியின் மீதுள்ள கணவரின் பாசத்தை விவரிக்கும் பாடலாக அமைந்த இந்தப்பாடலை பாடலாசிரியர் விக்னேஷ் ராமகிருஷ்ணா எழுதியுள்ளார். இசையமைப்பாளர் ஜி.வி.பிரகாஷ் குமார் லைவ் ஆர்கெஸ்ட்ரேஷனை இந்தப் பாடலில் பயன்படுத்தியுள்ளார். முக்கியமாக புல்லாங்குழல் மற்றும் ஸ்டிரிங்க்ஸ் கொண்டு தம்பதியினரிடையே அன்பின் வெளிப்பாட்டை இந்த மெல்லிசையில் கொண்டு வந்துள்ளார். துல்கர் சல்மானுக்கு ஜோடியாக மீனாட்சி சவுத்ரி கதாநாயகியாக நடித்துள்ளார். இவர் விஜய் நடித்திருக்கும் கோட் படத்தில் கதாநாயகியாக நடித்து வருவது குறிப்பிடத்தக்கது.
1980களின் பிற்பகுதியிலும் 1990களின் முற்பகுதியிலும் அமைக்கப்பட்ட, ’லக்கி பாஸ்கர்’ ஒரு சாதாரண வங்கி காசாளர் எப்படி அசாதாரண வெற்றிப் பெறுகிறார் என்பதைப் படமாகக் காட்டுகிறது. பிரபல ஒளிப்பதிவாளர் நிமிஷ் ரவி அற்புதமான ஒளிப்பதிவைக் கொடுத்துள்ளார்.
திறமைமிகுந்த பங்களான் தயாரிப்பு வடிவமைப்பில் பணியாற்றி உள்ளார். தேசிய விருது பெற்ற எடிட்டர் நவின் நூலி படத்தின் எடிட்டிங்கைக் கையாண்டுள்ளார். சித்தாரா என்டர்டெயின்மென்ட்ஸ் மற்றும் பார்ச்சூன் ஃபோர் சினிமாஸ் சார்பில் சார்பில் சூர்யதேவரா நாக வம்சி மற்றும் சாய் சௌஜன்யா தயாரித்துள்ளனர். ஸ்ரீகரா ஸ்டுடியோஸ் வழங்கும் இந்தப் படம் தெலுங்கு, மலையாளம், இந்தி மற்றும் தமிழ் மொழிகளில் உலகம் முழுவதும் வெளியாகிறது. மேலும், படம் குறித்தான விவரங்கள் அடுத்தடுத்து வெளியாகும்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்