H. Vinoth: நல்ல படம் எடுத்தாலும் குறை சொல்வார்கள் - ஹெச்.வினோத்

ஹெச்.வினோத் இயக்கியுள்ள துணிவு படம் வரும் பொங்கல் பண்டிகைக்கு வெளியாகவுள்ளது. இதனை முன்னிட்டு படக்குழு விளம்பர பணியை தொடங்கி உள்ளது.

அந்த வகையில் ஹெச்.வினோத் சமீபத்தில் ஆங்கிய ஊடகத்திற்கு பேட்டி அளித்து உள்ளார். அவர் கூறுகையில், "ஒரு பெரிய  ஹீரோவை வைத்து படம் எடுக்கும் போது அதற்கு ஏற்றார் போல கதையும், எழுத்தும் இருக்க வேண்டும். இந்த காலத்தில் நல்ல கதை மட்டும் போதாது. ரசிகர்கள் படத்தை பாசிடிவான எண்ணத்துடன் அனுகும்படி செய்ய வேண்டும். 

பொன்னியன் செல்வன், விக்ரம் போன்ற படங்களில் இது தான் நடந்தது. மக்கள் திறந்த மனதோடு படத்தை அனுகி அதை வெற்றிப்படமாக மாற்றிவிட்டார்கள்.

 'நீ அப்படி என்ன கிழிச்சிட்ட' இந்த மைன்ட்ல பாக்க வரவங்க, என்ன தான நல்ல படம் எடுத்தாலும் அதுல இருக்கம் குறையத்தான் பேசுவாங்க. பெரிய நடிகர்களின் படங்களில் தான் ஃபாக்ஸ் ஆபீஸ் தொடர்பான பேச்சுக்கள் ஆர்வமாக இருக்கும்.  வலிமை படம் பிப்ரவரி மாதம் ரிலீஸ் ஆனது. 

பிப்ரவரி மாதத்தில் ரிலீஸான தமிழ் படங்களிலேயே அதிக வசூலை குவித்த படம் என்றால் அது வலிமை தான். ஆனால் ஒட்டுமொத்த ஃபாக்ஸ் ஆபீஸ் வசூல் குறித்து பேசுபவர்கள் இது போன்ற காரணங்களை பேசுவதில்லை. பாக்ஸ் ஆபீஸ் எண்களை பலரும் தங்கள் பிழைப்புக்காக திரித்து பேசுவதை வாடிக்கையாகக் கொண்டுள்ளனர்.

பார்வையாளர்களுக்கு தான் இது தொடர்பான தெளிவான புரிதல் வேண்டும். ஒரு படத்தின் வெற்றித் தோல்வி என்பது அந்த படத்தில் பணியாற்றிய கூட்டணி மீண்டும் இணைந்து பணியாற்றுகின்றார்களா என்பதை வைத்தே தெரிந்து கொள்ளலாம். வெற்றி பெற்று லாபம் சம்பாதித்தால் தானே மீண்டும் இணைவார்கள். 

அஜித் சக மனிதர்களிடம் நேயத்துடன் மதித்து நடக்கும் பண்பு கொண்டவர். அரசியல் விவகாரங்களோ, தனிப்பட்ட விவகாரங்களோ அவர் பேசி நான் பார்த்ததில்லை. யாராவது இது போன்ற பேச்சுக்களை எடுத்தால் கூட அவர் கண்ணியமாக அதை நிறுத்தி, இது போன்ற விஷயங்களில் கவனம் செலுத்த வேண்டாம் என கூறுவார்.