Raayan Fans Response: பிளாக்பஸ்டர் ஹிட்! இரண்டாவது ஹீரோவாக ஏ.ஆர்.ரஹ்மான் இசை - சோஷியல் மீடியாக்களில் ஃபயர் விடும் பேன்ஸ்

தனுஷின் 50வது படம், தனுஷ் இயக்கி, நடிக்கும் இரண்டாவது படம், தனுஷ் - ஏ.ஆர். ரஹ்மான் கூட்டணி, பிரகாஷ் ராஜ், எஸ்.ஜே. சூர்யா, செல்வராகவன் முக்கிய கதாபாத்திரங்களில் நடிக்க மிக பெரிய எதிர்பார்ப்புக்கு மத்தியில் ராயன் படம் வெளியாகியுள்ளது. படத்தில் மேற்கூறிய நடிகர்கள் தவிர சந்தீப் கிஷான், காளிதாஸ் ஜெயராம், துஷாரா விஜயன், அபர்ணா பாலமுரளி, வரலட்சுமி சரத்குமார், அனிகா சுரேந்திரன், சரவணன் என பெரும் நட்சத்திர பட்டாளமே நடித்துள்ளார்கள்.

ஆக்‌ஷன் த்ரில்லர் படம்

ரூ. 100 கோடி பட்ஜெட்டில் ஆக்‌ஷன் த்ரில்லர் படமாக உருவாகியிருக்கும் ராயன் படத்தின் ட்ரெய்லர் கடந்த சில நாள்களுக்கு முன் வெளியாகி படம் மீது எதிர்பார்ப்பை மேலும் எகிற வைத்தது. இதைத்தொடர்ந்து இந்த படத்துக்கு சிறப்பு காட்சிகள் ஏதும் இல்லாத நிலையில் வழக்கம் போல் காலை 9 மணிக்கு முதல் காட்சி திரையிடப்பட்டது.

ஆனால் வேலு சில பகுதிகளிலும், வெளிநாடுகளிலும் ராயன் படத்தின் முதல் ஷோ திரையிடப்பட்ட நிலையில் படம் தொடர்பான விமர்சனங்கள் சமூக வலைத்தளங்களில் பகிரப்பட்டு வருகின்றன.

பிளாக்பஸ்டர் ஹிட்

ராயன் படத்தின் முதல் காட்சியை பார்த்தவர்கள், படத்தை பிளாக்பஸ்டர் ஹிட் என கொண்டாடி வருகிறார்கள். படத்தின் இரண்டாவது ஹீரோவாக ஏ.ஆர். ரஹ்மானின் இசை இருப்பதாகவும் சிலாகித்து வருகிறார்கள். முதல் பாதியில் சந்தீப் கிஷான், துஷாரா விஜயன் ஆகியோரின் நடிப்பு அருமையாக இருப்பதாக பாரட்டுகளை குவித்து வருகிறார்கள். அதேபோல் படத்தின் இடைவேளை காட்சி புல்லரிக்கும் விதமாக இருப்பதாகவும் கூறப்படுகிறது.

வழக்கமான பழிக்கு பழி கதையாக இருந்தாலும், விறுவிறுப்பான திரைக்கதையுடன் அதை சொல்லிய விதம் படத்தை ரசிக்கும்படியாக வைத்திருப்பதாக கருத்துகள் பகிரப்பட்டு வருகிறது. தனுஷ் இயக்கிய முதல் படமான பவர் பாண்டி காதல், பேமிலி செண்டிமென்ட் கலந்த எமோஷனல் டிராமா பாணியில் இருந்தது.

ஆனால் இதிலிருந்து அப்படியே மாறுபட்டு ஆக்‌ஷன் த்ரில்லர் படமாக ராயன் விருந்து படைத்துள்ளது.

ரசிகர்களுடன் முதல் ஷோ பார்த்த தனுஷ்

சென்னை கோயம்பேடுவில் இருக்கும் ரோகிணி திரையரங்கில் நடிகர் தனுஷ், ராயன் படத்தின் முதல் காட்சியை ரசிகர்களுடன் அமர்ந்து பார்த்துள்ளார். படம் தொடங்குவதற்கு முன்னர் பால்கனியின் இருந்தவாறு ரசிகர்களை பார்த்து அவர் கையசைக்க பலத்த விசில் சத்தங்கள் எழும்பின.

கெத்து காட்டிய தனுஷ்

எந்தவொரு ஹீரோவும் தனது 50வது படத்தை தானே இயக்கி, நடித்தது இல்லை. அதை முதல் முறையாக நடிகர் தனுஷ் செய்து கெத்து காட்டியுள்ளார் தனுஷ். அதேபோல், அனல் தெறிக்கும் விதமாக வன்முறை காட்சிகள் ஏராளமாக இருப்பதால் ராயன் படத்துக்கு ஏ சான்றிதழ் அளிக்கப்பட்டுள்ளது. எனவே இந்த படம் பேமிலி ஆடியன்ஸுக்காக இல்லை என்றபோதிலும் படம் திரையிடப்பட்டிருக்கும் அனைத்து தியேட்டர்களிலும் அரங்கு நிறைந்த காட்சிகளாக ஓடி வருகிறது.

தனுஷின் முதல் படமான துள்ளுவதோ இளமை, 25வது படமான வேலையில்லா பட்டாரி படம் சூப்பர் ஹிட்டாகின. இந்த வரிசையில் அவரது ராயன் படத்துக்கும் தற்போது நேர்மறையான விமர்சனங்கள் உலா வருகின்றன.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/