Yogi Babu: பணம் வாங்கிவிட்டு நடிக்கவில்லை… யோகி பாபு மீது புகார்

நடிகர் யோகி பாபு தற்போது தாதா என்ற திரைப்படத்தில் நடித்துள்ளார். எனி டைம் மனி பிலிம்ஸ் நிறுவனம் சார்பில் கின்னஸ் கிஷோர் தயாரித்து இப்படத்தை இயக்கி உள்ளார்.

இதில்  சத்யா ஹீரோவாக நடித்து இருக்கிறார் என்றும் தான் 4 சீன்களில் மட்டுமே நடித்திருக்கிறேன் என யோகி பாபு கூறினார். ஆனால் தான் ஹீரோவாக நடித்தது போன்று விளம்பரப்படுத்துகிறார்கள் என குற்றம் சாட்டியிருந்தார். 

 இது தொடர்பாக தாதா படத்தின் இசை வெளியீட்டு விழாவில் இயக்குனர் கின்னஸ் கிஷோர் பேசியிருக்கிறார்.

அதில், “தாதா படம் வரும் 9 ஆம் தேதி ரிலீஸாகிறது. அதில் யோகி பாபு 4 சீனில் நடித்திருக்கிறாரா அல்லது 40 சீன்களில் நடுத்திருக்கிறாரா என்பதை பார்த்து சொல்லுங்கள்.

 அவர் 4 சீனில் மட்டும் நடித்திருந்தால் நான் சினிமாவை விட்டு விலகி விடுகிறேன். யோகி பாபு 40 சீனில் நடித்திருந்தால் சினிமாவை விட்டு அவர் விலகி விடுவாரா?. என் படத்தை வியாபார நோக்கத்தில் வாங்க வந்த அனைவருக்கும் யோகி பாபு போன் செய்து படத்தை வாங்காதீர்கள் என கூறி வியாபாரத்தை கெடுத்து விட்டார்.

என்னுடைய அடுத்த படத்திலும் யோகி பாபு நடிப்பதாக கூறி பணம் வாங்கினார். படத்தில் நடிப்பதற்கு மறுப்பு தெரிவித்ததோடு வாங்கிய பணத்தையும் திருப்பி தரவில்லை. 

எனவே என்னுடைய படத்தில் நடிக்காதவர் வேறு எந்த படத்தில் நடிக்க கூடாது என்பதற்காக தயாரிப்பாளர் சங்கத்தில் புகார் கொடுத்துள்ளேன். இது தொடர்பாக அவர்கள் விரைவில் நடவடிக்கை எடுப்பதாக கூறியுள்ளார்கள்” என்றார்.