Cook With Comali: இது செம போட்டியா இருக்கே.. குக் வித் கோமாளி நிகழ்ச்சிக்கு ஆப்பு வைக்க போகும் டாப் குக்கு டூப் குக்கு

விஜய் டிவியில் ஒளிப்பரப்பாகி வரும் குக் வித் கோமாளி நிகழ்ச்சிக்கு அறிமுகமே தேவையில்லை. அதில் நடுவர்களாக இருந்து மக்கள் மத்தியில் பிரபலமானவர்கள் சமையல் கலைஞர்களான தாமுவும், வெங்கடேஷ்பட்டும்.

சமையலில் கண்டிப்பாக இருக்கும் இவர்கள், போட்டியாளர்களுடன் அடிக்கும் லூட்டிகள், நம்மை வயிறு குலுங்க சிரிக்க வைத்திருக்கின்றன.

கிட்டத்தட்ட 4 சீசன்களை நிறைவு செய்த இந்த நிகழ்ச்சி, 5 ஆவது சீசனை நோக்கி நகர்ந்தது. இந்த நிலையில் தான் குக் வித் கோமாளி நிகழ்ச்சியில் இருந்து வெளியேறுவதாகவும், புது நிகழ்ச்சியில் உங்களை சந்திக்கிறேன் என்று சொல்லி, வெங்கடேஷ் பட் அறிக்கை வெளியிட்டார். கூடவே அந்த நிகழ்ச்சியின் இயக்குநரும் வெளியேறினார்.

இப்படி இருக்கும் நிலையில் கடந்த வாரம் தான் குக் வித் கோமாளியின் 5 ஆவது சீசன் தொடங்கியது. அந்த நிகழ்ச்சி ஒரு பக்கம் சென்று கொண்டிருக்கும் நிலையில், அந்த நிகழ்ச்சிக்கு போட்டியாக, சன் டிவியில் டாப் குக்கு டூப் குக்கு என்ற நிகழ்ச்சி ஆரம்பிக்கப்பட்டு இருக்கிறது. இது தொடர்பான ப்ரோமோ வீடியோ கடந்த வாரம் வெளியானது.

பார்பதற்கு குக் வித் கோமாளி டெம்ப்ளேட்டையே, அப்படி திருப்பிப்போட்டு இந்த நிகழ்ச்சி தொடங்கப்பட்டு இருக்கிறது. இதில் வெங்கடேஷ் பட் நடுவராக வந்திருக்கும் நிலையில், குக் வித் கோமாளி நிகழ்ச்சியில் கோமாளியாக இருந்த மோனிஷா, ஜிபி முத்து, தீபா, பரத் உள்ளிட்ட பலர் இந்த நிகழ்ச்சியில் போட்டியாளர்களாக கமிட் செய்யப்பட்டு இருக்கின்றனர்.

இந்நிலையில் கோமாளிகள் இருக்கிறார்கள், நடுவர் இருக்கிறார் யார் இந்த நிகழ்ச்சியை தொகுத்து வழங்க போகிறார்கள் என்ற சந்தேகம் மக்கள் மனதில் இருந்தது. அதன் படி மற்றவர்களை கலாய்த்து மகிழ்விக்கும் தீனா தான் இந்த புது நிகழ்ச்சியை தொகுத்து வழங்க இருப்பதாக சொல்லப்படுகிறது. படங்களில் நடித்து வரும் தீனா, நீண்ட இடைவெளிக்கு பிறகு இந்த நிகழ்ச்சி மூலம் தொலைக்காட்சிக்கு திரும்ப உள்ளார்.

முன்னதாக, குக் வித் கோமாளி நிகழ்ச்சியில் இருந்து வெளியேறியது குறித்து வெங்கசேஷ் பட் வெளியிட்ட அறிக்கையில் “ கடந்த சில மாதங்களாக குக் வித் கோமாளி சீசன் 5 -ல் நான் நடுவராக தொடர்கிறேன் என்ற தகவல்கள் வந்து கொண்டிருக்கின்றன. இந்த வாய்ப்பின் வழியாக அதனை தெளிவுபடுத்தி விடுகிறேன்.

நான் அந்த நிகழ்ச்சியில் நடுவராக தொடரவில்லை. லட்சக்கணக்கான மக்களையும், என்னையும் மகிழ்ச்சிபடுத்திய அந்த அழகான நிகழ்ச்சியில் இருந்து நான் பிரேக் எடுக்க இருக்கிறேன்.

குக் வித் கோமாளி நிகழ்ச்சி என்னுடைய நிஜமான ஜாலியான பக்கத்தை காண்பித்தது. அது எனக்கு செளகரியமாகவும், நான் நானாக இருப்பதற்கும் வழிவகுத்தது.

கடந்த 24 வருடங்களுக்கு மேலாக நான் இந்த சேனலுடன் தொடர்பில் இருந்திருக்கிறேன். இந்த தருணத்தில் நான் என்னுடைய பிற வாய்ப்புகளில் கவனம் செலுத்தும் வகையில், இந்த நிகழ்ச்சியில் இருந்து வெளியேறு கிறேன். இந்த முடிவு மிகவும் கடினமான ஒன்றுதான். ஆனால் நான் இன்னொரு வித்தியாசமான கான்செப்ட்டில் உங்களை மகிழ்ச்சிப்படுத்த இன்னொரு மேடையில் உங்களை சந்திக்கிறேன். நன்றி.” என்று குறிப்பிட்டு இருந்தார்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9