Ajith Kumar: ‘அஜித்தும் பிரசாந்தும் சந்தித்தது உண்மைதான்.. ஆனால்’ - கூட்டணி குறித்த உண்மையை உடைத்த அஜித் மேனஜர்!
Jul 27, 2024, 04:51 PM IST
Share
Ajith Kumar: “அஜித் சாரும், பிரசாந்த் நீலும் சந்தித்தது உண்மைதான். பிரசாந்துடன், அஜித்தை பார்ப்பதற்கு எனக்கும் விருப்பம்தான். ஆனால்,” - கூட்டணி குறித்த உண்மையை உடைத்த அஜித் மேனஜர்!
PrashanthNeel: கே.ஜி.எஃப், சலார் உள்ளிட்ட படங்களை இயக்கிய பிரசாந்த் நீல், தமிழ் சினிமாவின் முன்னணி நடிகரான அஜித்துடன் இணைய இருப்பதாக கடந்த சில நாட்களுக்கு முன்னர் செய்தி வெளியானது. இதனை தற்போது அஜித்தின் மேனஜரான சுரேஷ் சந்திரா மறுத்திருக்கிறார்.
அஜித் சாரும், பிரசாந்த் நீலும் சந்தித்தது உண்மைதான்.
இது குறித்து அவர் பேசும் போது "அஜித்தும், பிரசாந்த் நீலும் இணைவதாக கூறி சில வதந்திகள் ஆன்லைனில் வந்துள்ளன. அது உண்மையல்ல. அஜித் சாரும், பிரசாந்த் நீலும் சந்தித்தது உண்மைதான். அவர்கள் ஒருவருக்கொருவர் சந்தித்து மகிழ்ச்சியைப் பரிமாறிக் கொண்டனர். இருவருமே ஒருவர் மீது ஒருவர் மிகுந்த மரியாதை வைத்திருக்கின்றனர்.
அவர்கள் சந்தித்தபோது எந்த படம் குறித்தும் விவாதிக்கப்படவில்லை. பிரசாந்துடன், அஜித்தை பார்ப்பதற்கு எனக்கும் விருப்பம்தான். ஆனால், எதிர்காலத்தில் அது போன்ற ஒன்று நடப்பதற்கான சாத்தியக்கூறுகள் தெரியவில்லை” என்று கூறினார்.
முன்னதாக, அஜித்துடன் பிரசாந்த் நீல் இணைய இருப்பதாக வெளியான செய்தி குறிப்பிடப்பட்டிருந்த தகவல்கள்!
அஜித்துடன் இணையும் பிரசாந்த் நீல்!
இது தொடர்பாக வெளியான செய்தியில், “சலார் படத்தின் பாகங்களை முடித்த பின்னர், பிரசாந்த் நீல் அஜித்துடன் இரு திரைப்படங்களில் இணைய இருக்கிறார். இது அஜித்தின் 64 மற்றும் 65 படங்களாகவோ அல்லது 65 மற்றும் 66 ஆவது படங்களாகவோ இருக்கலாம்.
அஜித்தும், இயக்குநர் பிரசாந்த் நீலும் கடந்த மாதம், விடாமுயற்சி படப்பிடிப்பின் பிரேக்கில் சந்தித்து பேசி இருக்கிறார்கள். அப்போது பிரசாந்த், அஜித்தின் 3 வருடத்திற்கான கால் சீட்டுகளை கேட்டு இருக்கிறார். அவர்கள் இருவரும் இணையும் முதல் படமாக இருக்கும் அந்தப்படமானது, அஜித்தின் 64 வது படமாக இருக்கலாம். இது பிரசாந்த் நீலின் முந்தைய பாகங்களின் தொடர்ச்சியாக இல்லாமல், தனித்திரைப்படமாக இருக்கும். இந்தப்படத்திற்காக 2025ம் ஆண்டு படப்பிடிப்பிற்கு செல்லும் படக்குழு, 2026ம் ஆண்டு படத்தை ரிலீஸ் செய்ய திட்டமிடப்பட்டு இருக்கிறது.
கே.ஜி.எஃப் 3 -யில் அஜித்
இவர்கள் இணையும் இரண்டாவது திரைப்படம் அஜித்தின் 65 அல்லது 66 வது திரைப்படமாக இருக்கலாம். இந்தப்படம் பிரசாந்த் நீலின் யூனிவர்சிற்குள் வரும். அது கே.ஜி.எஃப் 3 - ஆக அமைய இருக்கிறது. அந்தப்படத்தில், யாஷூடன் இணையும் அஜித்திற்கு, படத்தில் மிகப்பெரிய கதாபாத்திரம் என்று சொல்லப்படுகிறது. இந்தப்படத்தின் இறுதியில், அஜித் மற்றும் யாஷ் தொடர்பான காட்சிகள் இடம் பெறும். இந்தப்படங்களை முன்னதாக கே.ஜி.எப், காந்தாரா, சலார் படங்களை தயாரித்த ஹோம்பாலே பிலிம்ஸ் நிறுவனம் தயாரிக்க இருக்கிறது” என்று அதில் குறிப்பிடப்பட்டு இருந்தது.
முன்னதாக, தமிழ் சினிமாவில் உச்ச நடிகராக இருக்கும் அஜித்குமார் நடிப்பில் உருவாகி வரும் விடாமுயற்சி படத்தின் அஜர்பைஜான் படப்பிடிப்பு அண்மையில் நிறைவடைந்தது. இதற்கிடையே அவர் மார்க் ஆண்டனி படத்தை இயக்கிய ஆதிக் ரவிச்சந்திரனுடன் இணைந்தார். மைத்ரி மூவி மேக்கர்ஸ் தயாரிக்கும் திரைப்படத்திற்கு ‘குட் பேட் அக்லி’ என்று பெயர் வைக்கப்பட்டு இருக்கிறது. இப்படம் வரக்கூடிய, 2025ஆம் ஆண்டு ஜூன் மாதம் பொங்கலுக்கு வெளியாகும் என அறிவிக்கப்பட்டுள்ளது. இந்தப் படத்திற்கு தேவிஸ்ரீபிரசாத் இசையமைக்கிறார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்