Adipurush Poster: ராம நவமியை முன்னிட்டு ஆதிபுருஷ் பட மாஸ் போஸ்டர் ரிலீஸ்

நடிகர் பிரபாஸ் நடித்து இருக்கும் ஆதிபுருஷ் படம் இந்த ஆண்டு ஜூன் மாதம் 16 ஆம் தேதி திரையரங்குகளில் வெளியாக உள்ளது. 3டி வடிவில் உருவாகி இருக்கும் இப்படம் மீது ரசிகர்களிடம் மிகுந்த எதிர்பார்ப்பு நிலவி வருகிறது.

ராமாயணத்தை அடிப்படையாகக் கொண்ட இந்தப் புராணப் படத்தில் பிரபாஸ் ராமனாகவும், கிருத்தி சனோன் சீதையாகவும் நடித்து உள்ளனர். இந்த படத்தின் டீசர் மற்றும் ஃபர்ஸ்ட் லுக் போஸ்டர்கள் ஏற்கனவே வெளியாகிவிட்டன.

இதனிடையே இன்று ( மார்ச் 30 ) ஸ்ரீராம நவமியை முன்னிட்டு ஆதிபுருஷ் படக்குழுவினர் இன்று புதிய போஸ்டரை வெளியிட்டு உள்ளனர். சீதை, லட்சுமணன், ஆஞ்சநேயருடன் ஸ்ரீராமர் இருக்கும் படத்தின் போஸ்டர் வெளியாகியுள்ளது. இந்த போஸ்டரை பிரபாஸ் தனது இன்ஸ்டாகிராம் தளத்தில் பகிர்ந்து ஸ்ரீராம நவமி வாழ்த்து தெரிவித்தார்.

சைஃப் அலிகான் ராவணனாகவும், சன்னி சிங் லட்சுமணனாகவும் நடிக்கின்றனர். தவிர, பூஷன் குமார், கிரிஷன் குமார், ஓம் ரவுத், பிரசாத் சுதார் மற்றும் ராஜேஷ் நாயர் ஆகியோர் டி-சீரிஸ் மற்றும் ரெட்ரோபில்ஸ் பேனர்களின் கீழ் தயாரிக்கின்றனர்.

இப்படத்தை தன்ஹாஜி புகழ் ஓம் ராவத் இயக்குகிறார். சசேட் பரம்பரை இசையமைக்கிறார். இப்படம் இந்திய அளவில் தெலுங்குடன் தமிழ், ஹிந்தி, கன்னடம் மற்றும் மலையாளம் ஆகிய மொழிகளில் ஒரே நேரத்தில் வெளியாகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.