Vetrimaaran: மரியாதை இல்ல.. வெற்றிமாறன் பட நடிகைகளுக்கு இப்படி எல்லாம் நடக்குதா.. குமுறும் ஹீரோயின்!

தமிழ் சினிமாவில் தற்போது புது புது நடிகர்கள் உருவாகி வருகிறார்கள். அந்த லிஸ்டில் ஒருவர் தான் கவின். இவர் கடைசியாக ஸ்டார் படத்தில் நடித்து இருந்தார். அப்படம் பெரும் வரவேற்பை பெற்றது. குறிப்பாக கவினின் நடிப்பு பேசப்பட்டது. 

இதனையடுத்து வெற்றிமாறன் தயாரிப்பில் மாஸ்க் என்ற படத்தில் நடித்து வருகிறார் கவின். சமீபத்தில் இந்த படத்தின் படப்பிடிப்பு தொடங்கப்பட்டது.

இந்நிலையில் மாஸ்க் படத்தில் நடிகை தீபா பாஸ்கர் நடித்து வந்து உள்ளார். நன்றாக சென்று கொண்டு இருந்த நிலையில் அடிமட்ட அளவுக்கு அவருக்கு சம்பளம் பேசியதாக படக்குழு மீது கடுமையாக இவர் குற்றம் சாட்டி உள்ளார்.

இது தொடர்பாக அவர் தனது முகநூல் பக்கத்தில், “ விடுதலை படத்தின் இறுதி கட்டப்பணியில் மிக மும்முரமாக இருக்கும் இயக்குநர் வெற்றிமாறன், தற்போது வெற்றிமாறன் ப்ரொடக்ஷனில் கவின் கதாநாயகனாக நடித்து வரும் திரைப்படம் மாஸ். 

அடிமட்ட அளவுக்கு சம்பளம்

இதில் தமிழ் திரைப்பட கலைஞருக்கு அடிமட்ட அளவுக்கு சம்பளம் பேசுகிறார்கள். குறைந்தபட்சம், உங்க மேனேஜர் கிட்ட மரியாதையா பேச சொல்லிக்குடுங்க சார். வெற்றிமாறன் சார் படத்தில் நடித்த வாய்ப்பு கிடைத்தும், சுய மரியாதை தான் முக்கியம் என்று சொல்லி நான் விலகிவிட்டேன் “ என்று குறிப்பிட்டு உள்ளார். இதை பார்த்த ரசிகர்கள், ‘ என்னது வெற்றிமாறன் தயாரிப்பு பட நடிகைகளுக்கு இப்படி எல்லாம் நடக்கிறதா ‘ என அதிர்ச்சி அடைந்து உள்ளனர்.

வெற்றிமாறன் தயாரிப்பு

நடிகர்கள் கவின் மற்றும் ஆண்ட்ரியா ஜெர்மியா இணைந்து இருக்கும் புதிய படம் மாஸ்க் . காக்கா முட்டை, விசாரணை , வட சென்னை போன்ற படங்களைத் தயாரித்த இயக்குநர் வெற்றிமாறன், எஸ்பி சொக்கலிங்கத்தின் பிளாக் மெட்ராஸ் பிலிம்ஸுடன் இணைந்து தனது கிராஸ் ரூட் ஃபிலிம் கம்பெனி பேனரில் இந்த படத்தை தயாரித்து வருகிறார். 

மாஸ்க் படத்தை அறிமுக இயக்குனர் விகர்ணன் அசோக் இயக்குகிறார், மேலும் ருஹானி ஷர்மா, சார்லி, பாலா சரவணன் மற்றும் விஜே அர்ச்சனா சந்தோக் ஆகியோரும் நடிக்கின்றனர்.

படத்திற்கு ஜி.வி.பிரகாஷ் குமார் இசையமைக்க, ஆர். டி. ராஜசேகர் ஒளிப்பதிவு செய்கிறார். டார்க் காமெடி திரில்லர் படமாக சென்னையில் உருவாகும் இப்படம் மே கடைசி வாரத்தில் திரைக்கு வரவுள்ளது.

இதற்கிடையில், கவின் அடுத்ததாக இயக்குனர் நெல்சனின் முதல் தயாரிப்பான ப்ளடி பிக்கரில் நடிக்கிறார் .

கேமியோ ரோலில் வெற்றிமாறன்

இப்படத்திற்கு முன், இயக்குநர் வெற்றிமாறனும், கவினும் இணைந்து பணியாற்றினர். வெற்றிமாறன் கவின் சமீபத்திய பிரபலமான படமான ஸ்டார் படத்தில் நடித்தார். இப்படத்தில் இயக்குனரின் கேமியோ பார்வையாளர்களின் கவனத்தை ஈர்த்தது, பிரபல இயக்குனர் படத்தில் தோன்றுவார் என்று எதிர்பார்க்கவில்லை.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9