HBD Vivek Oberoi:சுனாமியால் பாதிக்கப்பட்டோருக்கு வீடு..ஐஸ் லவ்.. விவேக் ஓபராயின் மறுமுகம்

ஒரு இந்தி நடிகர். 2004ஆம் ஆண்டு சுனாமியால் சென்னை மற்றும் கடலோர மாவட்டங்கள் கடுமையாகப் பாதிக்கப்பட்டபோது, தன்னார்வலராக தமிழ்நாட்டுக்கு வந்து, கடும்துயரில் பாதிக்கப்பட்ட மக்களுக்கு உதவினார். வீடுகட்டி கொடுத்தார். அப்போதுதான், அவர் பாலிவுட்டின் முன்னணி நடிகர் விவேக் ஓபராய் என ஊடகங்களுக்கே தெரிந்தது. அப்படி ஒரு எளிமையான, சுய பரப்புரை செய்யாத நடிகர், விவேக் ஓபராய்.

விவேக் ஓபராயுக்கும் தமிழ்நாட்டிற்கும் இடையே உள்ள பந்தம்: விவேக் ஓபராய் செப்டம்பர் 3, 1976ஆம் ஆண்டு, ஹைதராபாத்தில் பிறந்தார். இவரது தந்தை பஞ்சாபி மொழி பேசும், சுரேஷ் ஓபராய். இவரும் ஓர் நடிகர். தாய் யசோதரா, சென்னையில் பிறந்து வளர்ந்த ஓர் பஞ்சாபி. அதனால்தான் தாயிடமிருந்து தமிழ்மீதும் தமிழர்கள் மீதும் விவேக் ஓபராய் இடையே அன்பு வந்தது.

ஐஸ்வர்யா ராயின் காதல்: முன்னாள் உலக அழகி ஐஸ்வர்யா ராய் திருமணம் முடிக்காது இருந்தபோது, சல்மான் கானோடு சில ஆண்டுகள் டேட்டிங்கில் இருந்தார். இதற்கிடையே அவரது பிரேக் அப்பிற்கு இடையே விவேக் ஓபராய் சிறிதுகாலம் ஐஸ்வர்யா ராயுடன் டேட்டிங்கில் இருந்துள்ளார், விவேக் ஓபராய் என செய்திகள் வட்டமடித்தன. இது எல்லாம் காலத்தின் சுழற்சியில் மறைந்துபோக, பிரியங்கா அல்வாவை 2010ஆம் மணந்துகொண்டு, இரண்டு குழந்தைகளுக்கு தந்தையாகியுள்ளார், விவேக்  

நடித்த முக்கிய படங்கள்: இந்தியில் ராம் கோபால் வர்மா இயக்கத்தில் கம்பெனி படத்தின்மூலம் அறிமுகமானார், விவேக் ஓபராய். அதன்பின் இவர் நடித்த Rediff.com என்ற திரைப்படம் மலையாள நடிகர் மோகன்லால், அஜய் தேவ்கன் ஆகியோரால் பாராட்டப்பட்டது. தமிழில் வெளியான ரத்த சரித்திரத்தின் இந்தி பதிப்பில்  இவர் நடித்திருந்தார். அதேபோல், விவேகம் படத்தில் நடிகர் அஜித்தை எதிர்க்கும் வில்லனாகவும், மலையாளத்தில் பிரிதிவிராஜ் இயக்கத்தில் வெளியான லூஃசிபர் திரைப்படத்தில் மெயின் வில்லனாகவும் பட்டையைக் கிளப்பினார்.

அத்தகையவருக்கு இன்று 47ஆவது பிறந்தநாள்.. வாழ்த்துவோம்!

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.